Бізбен байланыс
kum2017@yandex.ru
WhatsApp: +7 705 241 87 47


Қазақстан – мәңгілік ел болу жолында

23 қараша 2016, Сәрсенбі
Категориясы: Ақын-жазушылар
Қазақстан – мәңгілік ел болу жолында (Тәуелсіздіктің 25 жылдығына арналады)

Бірлігі күшті, мақсаты нақты, әскері қуатты, үлкені дана, жастары білімді ел – мәңгілік ел.
(Ел аузындағы дана ұғым.)

Қиын - қиын қыспақты ғасырлардан,
Қиналып аман жеттік жасыра алман.
Егеменді ел болу – ұлтым үшін,
Бабалардан жалғасқан асыл арман.

Арманы ол – Төле, Қазбек, Әйтекенің,
Әбілхайыр, Абылай, хан Кененің.
Арманы еді ол әрбір отбасының,
Келер ұрпақ шөбере, немеренің.

Құтқармақ боп боданнан елді, жерді,
Қудалау мен жазалау бәрін көрді.
Құсалықпен өмірден кетті өтіп,
Исатай мен Махамбет, Амангелді.

Алашшыл зиялы батырларым,
Аңсадың – ау еркіндік бақыт таңын.
«Оян қазақ» - деп өткен Міржақыптың,
Ұранымен таныссыз барлықтарың.

Не өтпеді басыңнан қазақ ұлты?!
Тұрып алды төбеңде қасірет бұлты.
Боданында жүргенде басқа елдің,
Өртеді өзегімді намыс оты.

Желтоқсанның аязы ызғарымен,
От жігерлі жас ұлан, қыздарыммен.
Болып құрбан жолында азаттықтың,
Бұзды берік қамалды құрсауымен.

Ашылды аспан, сейілді қара бұлт,
Артта қалды қырсықты нәубетті жұт.
Азат болып өзінше жолын тапты,
Кеңестің көгенінде байланған жұрт.

Желбірейді көк туым көк аспанда,
Күн күлімдеп ұқсайды нұр шашқанға.
Елтаңбалы елімнің көңілі тасып,
Әнұранын шырқайды асқақтата.

Естимісің, уа жұртым Қазақ үнін!
Арайлап бақыт таңы атты бүгін.
Дамып жатыр қарыштап гүл - гүл жайнап,
Қуанышпен өткізіп әрбір күнін.

Бергеніне шүкір деп, бір Алланың,
Мадақ айтпай атына тұра алмадым.
Азаттығым әкелді көп жақсылық,
Орындалды аңсаған мың арманым.

Қол жетті істерге үлкен мақтанарлық,
Әр істе болып жатыр асқан ерлік.
Жиырма бес жыл қол жеткен азаттықтың,
Көріп жүрміз қызығын мол жетерлік.

Қашанда биік ұстап туымызды,
Ардақтап аспан, жер мен суымызды.
Қолдағы бар байлықтың егесі боп,
Қорғаймыз орман, тоғай нуымызды.

Мәңгілік гүлденсін сая бағым,
Тура жолға бастасын саясатым.
Мәңгілік сөнбес шырақ, кетпес құлап,
Ел болайық – бар әлем санасатын.

Ұлы дала, мәңгілік ел, нұрлы жол,
Елбасымыз бастаған кең сара жол.
Мың жылдық тарихы бар елдерменен,
Қатар жүрсек біздерге керегі сол.

12. 10. 2016 ж
3 168
0
  • 0
0 дауыс


Жаңалықтар
Қазақстан – Ұлы Дала елі
Қазақстан – Ұлы Дала елі
Еуропаның дәл ортасындағы, жүрегі атанған ел – Қазақ елі. Қазақстан - ұшқан құстың қанаты талатындай ұлан – ғайыр аумақтың иесі. Мен мақтанышпен, көкірегімді көкке көтеріп «Мен Қазақстанның жас ұрпағымын, келешегімін!» - деп жарияға жар сала аламын.
Жасай бер, Тәуелсіз Қазақстан! (әдеби сазды монтажы)
Жасай бер, Тәуелсіз Қазақстан! (әдеби сазды монтажы)
Тәуелсіздік – ата - бабамыздың аңсаған арманы. Тәуелсіздік бізге оңай келген жоқ. Тәуелсіздіктің жолында талай қазақ жастарымыз құрбан болды. Еркіндікке жету үшін, қаншама қиын кезеңдерді бастан кешірді.
Шығарма. Мәңгілік еліміздің - мәңгілік тілі
Шығарма. Мәңгілік еліміздің - мәңгілік тілі
Тілім менің – қазынам, қасиетім, Қасиетім бар әлем бас иетін. Тілі жоқтың түрі жоқ, түбірі жоқ, Бола көрме, Ана тіл, қасіретім
Мәңгілік ел – қазақ елінің ұлттық идеясы
Мәңгілік ел – қазақ елінің ұлттық идеясы
Президент Жолдауы Қазақстан халқы үшін үлкен маңызға ие болды. Қазақ халқының мыңдаған жылғы тарихи тәжірибесінен, Тәуелсіздік жылдары жүріп өткен қазақстандық жолдан туындаған «Мәңгілік ел» ұлттық идеясы жария етілді.
«Мәңгілік ел» идеясы арқылы ұлттық құндылықтарға тәрбиелеудің жылдық бағдарламасы
«Мәңгілік ел» идеясы арқылы ұлттық құндылықтарға тәрбиелеудің жылдық бағдарламасы
«Бір ел – бір тағдыр» оқушыларға жас ұрпақтың патриоттық сезімін жандандыра түсіп, «Қазақстан - 2050» стратегиясының маңызы мен мақсаттарын түсіндіру арқылы «Мәңгілік ел» идеясының маңызын түсіну.
Ата - бабамыз аңсаған тәуелсіздіктің таңы
Ата - бабамыз аңсаған тәуелсіздіктің таңы
Қызылорда облысы, Арал ауданы №64 орта мектебінің математика пәні мұғалімі Махамбетова А.
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×