Білімділер поралы
загрузка...

Қысқы ойындар

Білім саласы: Қатынас.
Ұйымдастырылған оқу іс – әрекеті: Тіл дамыту.
Тақырыбы: «Қысқы ойындар»
Мақсаты:
Білімділік: Тақырып бойынша балалардың сөздік қорын молайту; Сөз, сөйлем ойлау қабілеттерін дамыту; Өз тәжірибесін қолдану арқылы сурет бойынша әңгіме құрастыра білуге үйрету.
Дамытушылық: Балалардың ойлау қабілетін, түйсігін, сөйлеу мәнерін дамыту.
Тәрбиелік: Өз жолдастарының пікірін назар салып тыңдай білу дағдысын қалыптастыру.
Сөздік жұмыс: Күртік қар, ұлпа қар.
Көрнекілігі:
1. Шаңғышы, коньки тебуші, велосипедші, шана бейнеленген суреттер;
2. «Қысқы ойындар «видеотаспасы;
3. Дидактикалық ойын «Суретті құрастыр»
4. «Туыс сөздер» ойынына қатысатын демонстрациялық суреттер.
5. Сазды әуен.( педагогтың таңдауымен)
Әдіс – тәсілі: Көрсету, баяндау, сұрақ – жауап.

Мотивациялық – қозғаушы
Тыныштық сәт і (әуенмен) « Аққала»
Мақсаты: Балалардың психо-эмоционалдық жағдайын, бұлшық ет жүйесінің жұмысын жақсарту.
Жүрісі: Балалар дөңгеленіп тұрады. Көздерін жұмып, денесін бір қалыпты күйге түсіреді. Айналаның бәрі аппақ қар. Балалар қардан аққала жасай бастады.. Алдымен оның денесін, басын жасады. Енді оның екі жаққа созып тұрған қолын ағаш бұтағынан жасады. Басына шелек кигізіп, көзін, мұрынын салды.. Аққала үлкен әрі әдемі болып аяғын нық басып тұрды. Ол балаларға қарап жымиып тұрғандай болды Балалар қатты қуанды. Көзімізді ашамыз.
Іздену ұйымдастырушы
Педагог балаларға сұрақ қояды.
Педагог:
- Балалар, қазір жылдың қай мезгілі? (Қыс)
- Сендердің әрқайсыларыңның қыс кезінде сүйіп ойнайтын ойындарың бар. Осыған орай біз қазір
«Сөйлемді аяқта» ойынын ойнаймыз. Балалар бір – біріне қар ұшқынын( қаршық) беріп тұрып, «Мен қысты жақсы көремін, өйткені...» деп сөйлемді аяқтайды. Келесі бала да осылайша жалғастыра береді.
Балалардың жауабы.
- Қыста мен қар лақтырып ойнағанды ұнатамын.
- Қыста мен аққала жасаймын.
- Қыста мен коньки тебуді ұнатамын.
- Қыста қардан мұнара тұрғызамыз.

2. Педагог:-- Ал, балалар енді тақтаға назар аударыңдаршы.
«Не артық» ойыны ойналады.
Тақтада шаңғышы, конькиші, шана сүйреген бала және велосипедші бейнеленген суреттер ілініп тұр. Балалардың жауаптары.
Велосипедшінің суреті артық, өйткені қыста велосипед теппейді, ал қалған суреттер спорттың қысқы түрлеріне жатады.
Педагог: - Балалар, бүгінгі оқу іс – әрекетінің тақырыбы: «Біз қыста қалай ойнаймыз?» Сендер суретке қарап, әңгіме құрастырасыңдар.

3. Балалар топшаларға бөлініп отырады. Әр топша үшін үстел үстінде 8 – ге бөлінген сурет бөліктері жатыр.
Педагог: - Балалар, енді біздер «Суретті құрастыр» деп аталатын ойынды ойнаймыз.
Балалар бір – бірімен ақылдаса отырып, суретті құрастырады.
- Қане балалар қандай сурет құрастырдыңдар?
Балалардың жауаптары.
- Қар ұшқыны не қаршық, қарға, ақшақар. Педагог осы ретпен суреттерді тақтаға орналастырады.
- Осы суреттердің атауларында қандай ортақтастық бар?
Балалардың жауабы.
- Барлығында «қар» сөзі кездеседі.
Балалар интерактивті тақтадан қысқы ойындар бейнеленген көріністерін видеотаспа арқылы тамашалайды.
Педагог:-- Балалар, осы мезгілге байланысты қар сөзін қатыстырып, тағы қандай сөйлем құрастыруға болады?
- Қар жауып тұр. Жерде күртік қар жатыр. Ағаштар қар жамылып тұр.
Педагог: - Сендер өте жақсы жауап бердіңдер, жарайсыңдар.
Тіл ұстарту.
«Ыс - ыс - ыс, келіп жетті қыс»
«Ар - ар - ар, жауып жатыр ақша қар»

4.- Балалар, енді алдарыңдағы әліппе дәптердің белгілеп қойған бетін ашып, ондағы суреттерге назар аударыңыздар.
Балалардың жауабы:
- Кірпі шанамен зырлап барады.
- Қояндар конькимен сырғанап жүр.
- Ит шаңғы теуіп келеді.
- Түлкі хоккей ойнап жүр.
Педагог:
- Балалар, осы көріністерді бір сөзбен қалай атауға болады?
- Қысқы ойындар немесе спорттың қысқы түрлері.
Педагог қыс туралы өлең жолдарын балалармен бірге айтады.
Далада қар борайды,
Ақ мамыққа орайды.
Мұз болады, қатады
Жып жылтыр боп жатады.
Аралайды бақшаны,
Үзілмейді жақсы әні.
Гүлденеді бақшалар,
Жауса жаусын ақша қар.

Назар аударыңыз! Жасырын мәтінді көру үшін сізге сайтқа тіркелу қажет.
Материал рейтингісі:
  • 100
барлық дауыс бергендер: 1
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Үздік жаңалықтар
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 75
Қолданушылар: 0
Қонақтар: 75
Роботтар: 3
Соңғы пікірлер
Ілмек сөздер
Сайт статистикасы
Яндекс.Метрика