Бізбен байланыс
kum2017@yandex.ru
WhatsApp: +7 705 241 87 47


Алтын күз ертеңгілігі

03 қараша 2016, Бейсенбі
Категориясы: Бала-бақша
Алтын күз ертеңгілігі.
Мақсаты: Балалардың күз мезгілі туралы білімдерін толықтыру.
Білімділік: Алтын күз жайлы түсініктерін қалыптастыру. Күз мезгілінде өнімдердің молшылығын, байлығы түсіндіру.
Дамытушылық: Қоршаған орта жайлы ойлау қабілеттерін, танымдық қабілеттерін дамыту.
Күз мезгілінің табиғатын көре білуге, байқай білуге, сезіне білуге үйрету.
Мәнерлеп оқу, өлең айту, жұмбақ шешу арқылы балалардың тілін, сөздік қорын дамыту, қызықты ойындар арқылы балалардың бойында мерекелік әсер қалдыру.
Тәрбиелік: Адамгершілік, достыққа, татулыққа, табиғатқа қамқор болуға, үлкендердің еңбегін бағалауға тәрбиелеу.
Жүру барысы:
- Сәлеметсіздер ме, балалар!
- Сәлеметсіздер ме, қонақтар!
- Ой, балалар, қандай, тамаша бүгін бәрің қандай әдемісіңдер, бүгін қандай мереке? Тоқтай тұрыңдар мен алдымен сендерге жұмбақ жасырайын.
Бұлттар төніп,
Жерге шөгіп,
Дымқыл тұман басады.
Шөп сарғайып,
Өңі тайып,
Дала сұры қашады.
Ойнай алмай ,
Денең мұздап тоңады.
Бөбектерім айтыңдаршы,
Бұл қай кезде болады?
Балалар; «күз» - деп жауап береді.
Жүргізуші:
- Дұрыс айтасыңдар, балалар, табиғаттың бұл құбылыстары күз мезгілінде болады екен!
Ендеше балалар күз туралы тақпақтарымызды айтайық?

1-бала: Ильяс:
Берекесін сыйлауға,
Өлкемізде күз келді.
Жемістерін жинауға,
Шақырады біздерді.

2-бала: Анель
Берекелі, мерекелі,
Келді жомарт алтын күз.
Қалада да, далада да.
Жанның бәрі жарқын жүз.

3-бала: Дарын
Сау-сау етіп жапырақ,
Сабағынан үзілді.
Қоңыр тартып атырап,
Көкке құстар тізілді.

4- бала: Жансерік
Алтын, сары, қызыл, көк.......
Алуан-алуан жапырақ,
Күзгі бақта күлімдеп,
Көз тартады атырап.
Хор: «Күз»
Жүргізуші: Жарайсыңдар балалар!


Жүргізуші: Ал, балалар, балалар,
Бізге қонақ келмекші.
Сендерді бір көрмекші,
Әуелі жұмбақ жасырам,
Қулығымды асырам.
Таба алсаңдар шешімін,
Қонағымды ортаға шақырам.
«Көк майсалы көрікті, алқаптағы көп егін,
Бұл күндері киіпті, сары жібек көйлегін»
- Бұл не, балалар?
Балалар: күз
Алтын күз:
Сәлем менің достарым,
Өмірге кеп қосқаным.
Күз сыйлығын алыңдар
Сыйлығына қаныңдар.
Молшылыққа кенеліп,
Шаттық әнге салыңдар
Сәлеметсіздер ме, қонақтар!
Сәлеметсіздер ме, балалар!
Балалар, мен сендерге көкөністерім мен жемістерімді ала келдім.
Балалар осындай молшылық күз айында бір ойын ойнап жіберейік.Ол ойын «Көкөністер мен жемістерді » жинау деп аталады.
Ойын шарты: Бір себетке көкөністерді бір бөлек, екінші себетке жемістерді бір бөлек ажыратып саламыз.
Жүргізуші: Күзде өздері пісетін, тамаққа кеп түсетін, көкөністерге кезек берейік.
Пияз:
Асханадан шықпаймын,
Атым – пияз бұқпаймын
Көзден жасты шығарам,
Тұмаудан бірақ сақтаймын.
Қызанақ:
Талшыбығым бұралып,
Бақшаларда қызарып,
Тұрған ол мен –қызанақ
Күнге қарап ұялып.
Картоп:
Картоп - біздің атамыз,
Жер астында жатырмыз
Бір тамырдан тараған
Ағайынбыз бәріміз.
Сәбіз:
Өсіретін бойыңды
Дамытатын ойыңды
Қоянға да азықпыз
Сәбіздерміз жазықсыз.
Қызанақ:
Менде бір сөз айтайын,
Мақтанайын сіздерге
Менсіз салат болмайды.
Винегрет үстелде.
Жүргізуші: Алтын күз, енді біздің балаларымыздың биін тамашалаңыз.
Би: «Қолшатыр биі.»
Алтын күз: Өте жақсы биледіңдер, рахмет балалар! Билерің қандай керемет, қандай ақылды балаларсыңдар!
Жүргізуші: Балалар тыңдаңдаршы біздің топқа біреулер келе жатқан сиақты.
(Осы кезде ересек топтың балалары қонаққа келеді.)
Жүргізуші: Саламатсыңдар ма балалар!
Біздің балалардың Алтын күз мерекесіне қош келдіңдер!
Балалар :Біздерде сіздердің ертеңгіліктеріңізге қатысқымыз келеді.
Бізде өнерліміз.
Жүргізуші: Ендеше балалар «Шалқан » ертегісін тамашалаңыздар.
Алтын күз: Ой басқада балабақшаларға баруым керек, сондықтан қонақ балдарды ертіп сонда барайын.
Жүргізуші: Балалар Алтын күз бен қонақ балаларға рахмет айтайық.
Келесі кездескенше аманшылық болсын! (балалар Алтын күз бен және қонақ балалар мен қоштасады.Музыка ойнап Алтын күз бен қонақ балалар шығып кетеді).
Жүргізуші:
Шалқып тасып әніміз,
Жадырасын жанымыз
Мерекеге бүгінгі
Ән саламыз бәріміз!
Ән: «Жапырақтар»
Жүргізуші: Құрметті ата-аналар, балабақша ұжымы балаларымыздың Алтын күз ертеңгілігіміз өз мәресіне жетті, күз баршамыздың отбасымызға молшылық, береке, ырыс әкелсін.Сау-саламатта болыңыздар!

Атырау қаласы,
КМҚК №33 «Көркемай» балабақшасы
Жақсылықова Мөлдір Абзалқызы
Екінші сәбилер топ тәрбиешісі
1 201
0
  • 0
0 дауыс
Загрузка...
Оқи отырыңыз
Алтын күз, әсем айналам, Еліне береке сыйлаған
Алтын күз, әсем айналам, Еліне береке сыйлаған
Қарсы алайық бәріміз, Жасымызбен кәріміз. Қырдан кепті қыдырып, Алтын күз бізге нұр төгіп.
Армысың, Алтын күз! ертеңгілігі
Армысың, Алтын күз! ертеңгілігі
Бұлттар төгіп жерге шөгіп, Дымқыл тұман басады, Шөп сарғайып, өңі тайып, Дала сұры қашады. Ойнай алмай, Денең мұздап тоңады, Бөбектерім айтыңдаршы Бұл қай кезде болады? Балалар жауабы «Күз»
«Ертегілер елінде» алтын күз ертеңгілігі
«Ертегілер елінде» алтын күз ертеңгілігі
Атырау облысы,Исатай ауданы,Аққыстау селосы, "Қарлығаш"балабақшасының тәрбиешісі Магданова Гулмира Айдарбековна
Күзгі орманның көріністері
Күзгі орманның көріністері
Маңғыстау облысы, Ақтау қаласы. Бастауыш сынып мұғалімі Ахметова Айман Хамитовна
Бұл қай мезгілде болады?
Бұл қай мезгілде болады?
«Бұл қай мезгілде болады?»
Жомарт күз
Жомарт күз
Астана қаласы, № 63 "Әсем ай" балабақшасыныңмузыка жетекшісі Измаханова Құралай Еламанқызы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.