Білімділер поралы
загрузка...

8 Наурыз Халықаралық әйелдер күніне арналған. Шуағын шашқан аялы алақан

Шуағын шашқан аялы алақан
Зал іші мерекеге сай мейрамхана стилінде безендірілген
.
1 - жүргізуші: Армысыздар құрметті ата - аналар, ұстаздар, қызғалдақтай құлпырған қыздар! Міне жыл аралатып көктемнің алғашқы күндерімен келетін 8 - Наурыз Халықаралық әйелдер күні де келіп жетті.

Залға қыздар кіріп келеді. Қыздарды мейрамхана администраторы қарсы алады.
- Сәлеметсіңдер ме қыздар! Мерекелеріңмен!
- Рахмет! Сізді де мерекеңізбен құттықтаймыз!
Біз №9 «Қарақат» тобының қыздарымыз. Бізді мұнда біздің топтың жігіттері шақырған еді. Олардың өздері әлі келмеді ма?
- Жоқ сендердің жігіттерің әлі келген жоқ. Олар келгенше сендер отырып жайғасыңдар.
Қыздар отырады.
Райхан: - Жігіттердің мұнысы несі? Бізді шақырып алып, өздері әлі жоқ қой.?
Зейнеп: - Ал біз сәнденіп, әдемі көйлектерімізді киіп келіп отырмыз ғой.
Ұлбосын: - Қыздар ұрыспайық бүгін аналар мерекесі ғой. Одан да оларды мерекемен құттықтап жыр шумақтарын арнайық.
Ұлбосын: Адам барма ана сүтін татпаған
Алуан - алуан ауыр сынды аттаған
Адалдықты ар намысты сақтаған
Мен анамның сонысымен мақтанам
Жанель: Мәпелейді, әлдилейді, бағады
«Құлыным» деп құшағына алады
Өзгеге де, өзіне де жауапты
Барлығына қалай уақыт табады
Айша: Бір өзіңнен бастап өмір жолдарын
Жүрегіңе жүрегімді жалғадым
Өзің мына сыйға берген өмірде
Ақ сүтіңді ақтап өту арманым
Мадина: Еркелесем шаттанам
Күлімдесең бақ маған
Ақ бетіңнен сүйейін
Келші келші ақ мамам!
Аружан: Еркелесем күлімдейтін
Ұрысқаны білінбейтін
Маңдайымнан иіскеп менің
Құлыншағым күнім дейтін
Әлемдегі ақылды адам
Бәрінен сол жақын маған
Ол жанымда жүрсе мен де
Батырларша батылданам
Музыка ырғағымен ұлдар кіріп келеді.
Жалғас: - Сәлем қыздар! Неге мұңайып отырсыңдар?
Тәрбиеші: - Жігіттер сендердің топтарыңның қыздары сендерге қатты ренжулі. Сендер бір амалын тауып олардың көңілін табыңдар.
Бәрі бірге: Достықты біз ойлаймыз
Бірге күліп ойнаймыз
Мерекеде қыздарға
Шаттық жырын арнаймыз
Жүрсінәлі: Айтқанда әнді әуелі
Ерекше шығар әуені
Биязы қыз Еркежан
Өзі де ұяң әдемі
Мансұр: Ай секілді өзі де
Сыңғыр - сыңғыр сөзі де
Зейнеп деген арудың
Әдемі ғой көзі де

Жалғас: Сабағын да меңгерген
Жақсылықты жөн көрген
Ата - анасы Жанниет деп
Әдемі есім теңгерген
Сауран: Сабағынан қалмайды
Жалқаулыққа бармайды
Миланаға бүгінде
Ұлдар жырын арнайды
Асылбек: Құлпырған дала гүліндей
Жүресің әр кез күлімдей
Арманыңа аңсаған Мадина қыз
Ақ ниетпен жете бергін сүрінбей
Айқын: Өнер қуған жасынан
Өнері судай тасыған
Келесі бізде Жания
Көрінген көштің басынан
Ернұр: Ыңғайы көңіл күйінің
Келгенде байқап бейімін
Айтарымыз Айша қыз
Еркесі ғой үйінің
Нүржігіт: Мерекеде көктемгі
Жақтырмайды өктемді
Дилнозаны байқаймыз
Еркелігі көп тегі
Алмат: Сабағы ылғи үздікті
Шығарса есеп ызғытты
Арамызда Ұлбосын
Өзі ширақ қыз тіпті
Бекзат: Жақсы оқуды бастады
Әріптерді ашқалы
Томпиған қыз Нұрсая
Бұйра - бұйра шаштары
Әділет : Жақсы оқып сабағын
Бәрімізге жағатын
Ашуланса Райхона
Шеттерінен қыратын
С. Нурислам: Сабағын жақсы оқиды
Көңілге бәрін тоқиды
Үндемей жүрген Жанелья
Нені ойлап тоқиды?
Әділет: Алар дәйім бестігін
Аққұба қыз кескінің
Бойшаң біздің Жанерке
Ұяңдау деп естідім
Абдужамил: Билейді кейде айнала
Көркіне ақылы сай ғана
Е. Кәусар біздің әдемі
Сөйлейді бірақ жай ғана
Музраб: Саған да жыр арналады
Саусағынан бал тамады
Үздіктердің қатарында
Аружан да табылады
Бауыржан: Ән де кейде салады
Бағаны да алады
Бірақ біздің Милана
Бақшадан көп қалады
Абдужамил: Мың бұрала билейді
Мақтануды сүймейді
Кәусар деген қызымыз
Ортаны еш бермейді
Ұлдар: - Қыздар бізді кешіріңдерші....
Қыздар: - Жарайды бұл жолы кешіреміз...
Жалғас: - Қыздар бүгін барлығың өте сұлу болып кетіпсіңдер.
Жанниет: - Рахмет жігіттер. Әрине бүгін біздің мейрам ғой. Сендер де сондай сымбаттысыңдар!
Жалғас: Ооооо..... рас па? Рахмет қыздар! Бірақ бүгін тек қыздардың ғана емес, әжелердің, аналардың, апайлардың да мерекесі ғой. Кел одан да оларды мерекемен құттықтайық.
Жанниет: Армысың әжелерім аналарым
Мейірбан аппақ көңіл даналарым
Гүл көктемнің алғашқы мейрамымен
Құттықтайды сіздерді балаларың
Абдужамил: Бұл күнді тойлап жатыр барша халық
Әйелдер күні бүгін халықаралық
Жарыққа бізді әкелген аналарды
Бүгінгі мерекемен құттықтайық
Зейнеп: Ұйытқысы жанұяның берекеміз
Аналар құтты болсын мерекеңіз
Әрқашан аналарымыз аман болсын
Алаңсыз бақытты өмір біз кешеміз!
Жалғас: Той пердесін ашайық
Тойға шашу шашайық
Аналарды құрметтеп
Ән маржанын шашайық
Аналарға арналған әнімізді қабыл алыңыздар.
Ән: «Ай дидарлы анашым»
Зейнеп: О, анашым!
Таянышым тірегім
Бар бақытты бір басыңа тіледім
Мені жақсы болса екен деп қашан да
Лүпілдейді сенің қамқор жүрегің
Туған жердің
Жайнап тұрған даламның
Өзіңе деп гүлін үзіп алармын
Жүрек сырын өзіңе арнап жинадым
Міне гүлім!
Мен де гүлдей балаңмын!
Жүрсінәлі: Бүгін наурыздың сегізі
Сұлулықтың негізі
Әдемі сөз адамның
Анаға айтар лебізі
Аналарды сүйеміз
Ақылын ойға түйеміз
Әжені де ардақтап
Әдеппен бас иеміз

Шымкент қаласы,
№25 "Қарақат" бөбекжай - балабақшасының
ІІ санатты тәрбиешісі Шолатова Айжан Нуралиевна

Назар аударыңыз! Жасырын мәтінді көру үшін сізге сайтқа тіркелу қажет.
Материал рейтингісі:
  • 100
барлық дауыс бергендер: 1
Басқа жаңалықтарды оқу:
Загрузка...
Ақпарат
Қонақтар,тобындағы қолданушылар пікірін білдіре алмайды.
Бәйге бөлімі
  • Республиканың 1965 - 1985 жылдардағы қоғамдық - саяси өмірі

    Республиканың 1965 - 1985 жылдардағы қоғамдық - саяси өмірі жеке, жұптық, топтық жұмыс жасай отырып, өздігінен білім алады
  • Қазақстандықтар Ұлы Отан соғысы жылдарында

    Ұлы Отан соғысы жайлы түсініктерін кеңейте отырып, жеңістің оңайлықпен келмегеніне көздерін жеткізу және шығармашылық жұмыспен шұғылдануына бағыт беру.
  • Наурыз мейрамы

    Наурыз және қазақ халқының басқа да ұлттық мерекелері туралы оқушыларға жалпылама мәлімет бере отырып, мерекелердің маңызын ұғындыру.
  • Қаратпа сөз

    Қаратпа сөз туралы топтастырылған ұғым қалыптастыруға мүмкіндік жасау; оқушылардың өз бетімен жұмыс істеуі арқылы теориялық ойлауын, сөйлеу тілін дамыту; ұйымшылдыққа, достыққа, адамгершілікке ...
  • Би музыкасы

    Қазақ халқының салт - дәстүріндегі бидің алатын орны, Шара Жиенқұлованың өмірімен және билерімен танысу. Оқушылардың музыка пәніне қызығушылығын дамыту, сүйіспеншілігін ояту арқылы әсемдікке ...
  • Microsoft Word редакторының графикалық мүмкіндіктері

    Microsoft Word редакторының графикалық мүмкіндіктерін көрсете отырып түсіндіру. Оқушылардың ойларын дұрыс тұжырымдап сұрақтарға қорытынды жасай білуге үйрету, өз ойын еркін жеткізе білу
  • Спортпен айналысамыз

    Берілген материалдың мағынасын түсінеді, сөздерді жіктейді, есімдіктерді, демеулік шылауларды атап, мысалдар келтіре алады.
  • Қош келдің – әз Наурыз!

    Наурыз қазақтың ұлттық мейрам екенін ашып көрсету; балалардың санасына халқына деген мақтаныш сезім ұялату; мерекеге байланысты ұлағатты сөздердің мағынасына қарай балаларды адамгершілікке, елін, ...
Үздік жаңалықтар
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 24
Қолданушылар: 0
Қонақтар: 24
Роботтар: 3
Соңғы пікірлер
  • aiboll
    Жазған: aiboll
  • БГК
    Жазған: БГК
  • Венерок
    Жазған: Венерок
  • guizira1983
    Жазған: guizira1983
  • Кеулимжай
    Жазған: Кеулимжай
  • Арнұр
    Жазған: Арнұр
    Мына жаңалықта: Қимылды ойындар
  • ALTUH79
    Жазған: ALTUH79
  • Aiman Bolatbek
    Жазған: Aiman Bolatbek
  • Гүлнар Жолдасова
  • aiboll
    Жазған: aiboll
Ілмек сөздер
Сайт статистикасы
Яндекс.Метрика