Білімділер поралы

Әжемізде қонақта

Тақырыбы: Әжемізде қонақта
Коммуникация.
Оқу қызметі: Сауат ашу
Мақсаты: Өтілген дыбыстар мен әріптерді қайталау, [р] дыбысы мен әрібін бекіту. Сөздік қорларын молайту. Қызықты тапсырмалар мен ойындар арқылы балалардың зейінін ояту, оқу қызметіне қызығушылығын арттыру. Қарым - қатынас мәдениеттілігіне тәрбиелеу.
Сөздік жұмыс: робот
Үштілділік компонент: әже - бабушка
Қажетті құрал жабдықтар мен көрнекіліктер: заттық суреттер, көк және қызыл түсті гүлдері бар кілемше, дыбыстық талдауға арналған ойынтастар, жіп, өтілген әріптер жазылған көк және қызыл түсті картоннан дайындалған моншақтар, робот суреті, қарындаштар.

Жылулық шеңбері.
Өткенді қайталау
Балалар бүгін біз әженің үйіне қонаққа барамыз. Әжеміздің үйі ауылда ғой, оған қалай тез жетсек болады? (балалар өз ойларын айтады)
«Сиқырлы соқпақ» дидактикалық ойыны.
- Балалар, мен таптым әжеміздің үйіне мына сиқырлы соқпақпен барайық. Сиқырлы соқпақтың бір ерекшелігі, егерде мына сиқырлы соқпақтағы әріптерді дұрыс атап өтсеңдер, әжеміздің үйіне тап боласыңдар.
Балалар А, У, Л, О, Ә, Т, Н, Е, Ө әріптерін атап өтеді.
- Жарайсыңдар балалар, міне әжеміздің үйіне де келіп қалдық.

Психологиялық жаттығу.
- Әжеміздің үйінде сүп - сүйкімді мысығы бар. Көрсетіңдерші, ол қалай мияулайды?(мяу - у - у) Тағы да әженің үйін үлкен ит күзетіп отыр. Ол бөтен адамдарға ашуланғанда не істейді?(р - р - р)
- Ит қандай дыбыс шығарады?
-[р] дыбысын айтқанда тіліміз қандай қалыпта болады?
-[р] дыбысы дауысты дыбыс па, әлде дауыссыз ба?
-[р] дыбысын қандай түспен белгілейміз?
- Балалар, сендердің ақылды екендеріңді байқаған иттің ашуы басылған сияқты. Ендеше әжеміздің үйіне кірейік.

«Ойлан, тап» дидактикалық ойыны.
- Ой, әжеміздің үйі қандай әдемі! Балалар әжеміздің үйінде құрамында [р] дыбысы бар заттардың атауын атап беріңдерші.
- қоржын, ұршық, көрпеше, орамал, домбыра, торсық...
- Ал енді осы сөздерді буынға бөліп айтыңдаршы.
- Балалар әжеміз көрінбейді ғой. Үй шаруасымен ас үйде жүрген сияқты. Сезесіңдер ме, дәмді иіс шығып жатыр.

Тыныс алу жаттығуы «Майсөк»
- Әжеміз бізге майсөк әзірлеп жатыр екен. Әжеміз келгенше, оның бізге дайындаған ойын тапсырмаларын орындайық.

Сөздік жұмыс.
- Әжеміздің үйінде үй шаруасына көмектесетін робот бар екен. Робот - адам жүрісі мен қимылын еліктіретін автоматтандырылған құрылғы. Ол адамның қызметтері мен іс - әрекеттерін толық атқарады. Робот - чех жазушысы ойлап шығарған сөз «жұмысқа шебер адам» деген мағынаны береді.

1 - тапсырма: Робот сөзін дыбыстармен жазып көрсетейік.
Бір бала тақтада, ал қалғандары орындарында отырып, дыбыстық талдау жасайды.
- Әжеміз бізге арнап кілем тоқып қойыпты. Өте әдемі екен. Келіңдер кілемшемен ойын ойнайық.


Сергіту сәті: «Зейінді бол» ойыны
Ойын шарты: балалар кілемшені айналып билеп жүреді, әуен тоқтағанда, дауысты дыбыс естілсе кілемшедегі қызыл гүлді, дауыссыз дыбыс естілсе көк гүлді басып тұрады.

2 - тапсырма: «Дыбыстың орнын тап» дидактикалық ойыны.
- мына суреттегі сөз құрамындағы [р] дыбысының орнын анықтап, Р әрібін жазамыз.
Ниткография.
- Р әрібін жіппен жазып көрсетіңдерші.
Балалар «Ара, сиыр, радио» сөздеріндегі [р] дыбысының орнын анықтайды, сөздің неше дыбыстан құралғанын, [р] дыбысының сөздің қай жерінде естілетінін айтады.
- Балалар осы сөздерді қатыстырып сөйлем құрап беріңдерші.

3 - тапсырма: «Әріптер сыйлаймыз» ойыны.
- Әжеміз бізге арнап Р әрібін дайындапты, кім құрамында [р] дыбысы бар сөздер айтса, сол балаға әріптер сыйлайды.
Балалар құрамында [р] дыбысы бар сөздер айтады.
- Балалар, әженің моншақтары үзіліп қалыпты. Әжемізге моншақтарды әдемілеп жасап берейік

4 - тапсырма: «Ғажайып моншақ» дидактикалық ойыны.
Ойын шарты: әріптер жазылған моншақтардан қысқа сөз жазып, моншақтарды жіптен өткізеді, әр бала өз сөзін оқиды.
- Міне, әжеміздің өзі де келіп қалды. Ендеше әжемізге моншақтарымызды сыйлайық.
Әже:- Рахмет балалар! Менің тапсырмаларымды өте жақсы орындадыңдар. Мен сендерге арнап майсөк әзірлеп қойдым.
- Балалар, ендеше «Сиқырлы соқпақ» арқылы тобымызға қайтайық.

Балаларды мадақтап қандай әсер алғандарын сұрау.
Күтілетін нәтиже:
Біледі: [р] дыбысының дауыссыз дыбыс екенін; құрамында [р] дыбысы бар сөздерді атауды.
Игереді:[р] дыбысының сөздегі орнын, сөздерді буынға бөлуді, сөйлем құрауды;
Меңгереді: өтілген әріптерден қысқа сөздер құрауды, моншақтарды жіпке ретімен тізбектеуді;

Жамбыл облысы, Байзақ ауданы
Сарыкемер ауылы, Балдырған балабақшасының тәрбиешісі
Алибекова Ұлмекен
Материал рейтингісі:
  • 100
барлық дауыс бергендер: 2
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Үздік жаңалықтар
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 72
Қолданушылар: 1
Қонақтар: 71
Роботтар: 2
darhan
Соңғы пікірлер
Ілмек сөздер
Сайт статистикасы
Яндекс.Метрика