Бізбен байланыс
kum2017@yandex.ru
WhatsApp: +7 705 241 87 47


Біздің Отанымыз - Қазақстан

29 наурыз 2017, Сәрсенбі
Категориясы: Бала-бақша
Тақырыбы: "Біздің Отанымыз - Қазақстан"
Сабақтың мақсаты: Қазақстан Республикасының мемлекеттік Әнұраны, Елтаңбасы және Туы туралы білімдерін дамыту, тарихы туралы түсінік беру. Өз республикасын танып білуге, жақсы көруге, Отанына деген сүйіспеншілікке, патриоттық сезімге тәрбиелеу. Туған жерін, елін сүюге, табиғат әсемдігін танып, оны қорғай білуге, ой - өрісін дамыту, сөздік қорын молайту.
Құрал - жабдықтары: мультимедия, суреттер
Әдіс - тәсілдер: әңгімелеу, түсіндіру, көрсету, тақпақ, сұрақ - жауап

Сабақтың барысы:
Психо жаттығу: Кел балалар ортаға,
Қайырлы таң достарым
Достарымды көргенде!
Қуана қарсы аламын!
Қолымыздан ұстасып!
Жылулықты алайық!
Амандасып алайық
- Сәлеметсіздер ме қонақтар және балалар?
Тәрбиеші: Мен қазақпын, биікпін, байтақ елмін,
Қайта тудым, өмірге қайта келдім.
Мен мыңда бір тірілдім мәңгі өлмеске,
Айта бергім келеді, айта бергім...
«Қазақстан»
Тәуелсіздік - рухы күшті ғажап күн,
Артта қалды бодан болған аза күн
Елім, жерім, қазағым деп тебіренем,
Өйткені мен - тәуелсізбін, азатпын.
Ән. «Әнұран»
Тәрбиеші: Балалар біздің Отынымыз қалай аталады?
Балалар: Біздің Отанымыз - Қазақстан.

1. Тәрбиеші: Балалар, біздің «Мен қазақпын» деп, еркін айтуға қол жеткізген Тәуелсіздік алғанымызға қанша жыл болды?
Балалар: 21 жыл болды.
Тәрбиеші: Еліміз 1991 жылы 16 желтоқсанда Тәуелсіз Республика деп жарияланды.

Тәрбиеші: Қазақстан қандай мемлекет?
Балалар: Қазақстан тәуелсіз, егеменді мемлекет. Өз мемлекетіміздің Әнұраны, Елтаңбасы, Туы бар.

Тәрбиеші: Осындай үлкен елімізді, жерімізді басқарып отырған кім?
Балалар: Қазақстан Республикасының Президенті Н. Ә. Назарбаев

Тәрбиеші: Мемлекеттік туымыздың түсі көк, көгілдір. Неге ұқсайды?
Балалар: Аспанға ұқсайды.
Тәрбиеші: Біздің мемлекеттік туымыз аспан түстес көк екен.

2. Қожахмет: Аспан түстес көгілдір
Тік бұрышты матаның
Ортасында төгіп нұр
Күн жаяды шапағын
Астында оның қалықтаған
Қыран құстың бейнесі
Азат елдің шалқыған
Көңілі деп білерсің.
Азиза: Есте белгі ұрандар
Сары алтындай сақталған
Күн шұғыла қырана
Алтын түске қапталған
Сол жағында матаның
Сары түсті жолақ бар
Мұратыдай атамның
Әсем өрнек ол ұлттың
- Мынау Қазақстан Республикасының Мемлекеттік Елтаңбасы. Авторлары: Ж. Мәлібеков пен Ш.Уәлиханов.

Елтаңбаның негізі – шаңырақ. Ол – Елтаңбаның жүрегі, отбасының негізі. Шаңырақ - Күн шеңбері. Тұлпар - дала дүлділі, ер азаматтың сәйгүлігі, желей ескен жүйрік аты. Қанатты тұлпарлар - бір шаңырақтың астында тату - тәтті өмір сүретін Қазақстан халқының өсіп өркендеуі, сан сырлы бет – бейнесін паш етеді. Әрбір адамның жол нұсқайтын жарық жұлдызы бар.
Айшабибі: Алтын қанат көмкерген
Шаңырақ бар, уық бар.
Әсем бейне сен көрген
Жай белгі емес ұғып ал!
Көгілдір түс аясы,
Бейбіт дала елесі 3
Шаңырақ - жұрт панасы
Уықтар - күннің сәулесі
Сүйсіндірер өзіңді
Түсіне біл таңбаны.
Әнұран - салтанатты ән. Оның әуенінен Отанға деген сүйіспеншілік, досқа ашық құшағымыз, еркіндікке құштар көңіліміз көрініс тапқан.
Мемлекеттік Әнұран - егеменді еліміздің Туы мен Елтаңбасының сазды бағдарламасы.

Тәрбиеші: Әрбір тілде сөйле әлемі таңдантып,
Ана тілін білмеу деген қасірет
Өсер балаң, байтақ далаң тұрғанда
Қазақ тілін жасау керек мәңгілік!
Данияр: Ана тілің арың бұл
Ұяттың боп тұр бетте
Өзге тілдің бәрін біл
Өз тіліңді құрметте.
Тәрбиеші: Қазақстан Республикасының бас қаласы қалай аталады?
Балалар: Астана қаласы - әсем жас қала, Елордасы.

4. Мирас: Ей Астана жас қалам
Болашаққа бас қадам
Қайта туып жаңғырған
Ей, бас қалам Астанам.

Атырау қаласы,
МКҚК №29 «Нұрсая» бөбекжай балабақшасы
II санатты тәрбиеші Темірханова Жаңыл Жумаханқызы
4 774
0
  • 0
0 дауыс


Жаңалықтар
Желтоқсанда мұзға айналған көктемдер!
Желтоқсанда мұзға айналған көктемдер!
ШҚО, Үржар ауданы, Үржар ауылы, «Жансүгіров атындағы орта мектеп»КММ Физика пәні мұғалімі Аскербаева Рысхан Сагимбаевна
Тәуелсіздік таңы (әдеби - музыкалы кеш)
Тәуелсіздік таңы (әдеби - музыкалы кеш)
№1 Алматы қазақ мемлекеттік гуманитарлық педагогтік колледжі Ұ. Ж. Мухамеджанова
Тәуелсіз елдің ұланымыз
Тәуелсіз елдің ұланымыз
Мақсаты: «Отан», «Тәуелсіздік» туралы түсініктерін кеңейту;
Желтоқсан ызғары
Желтоқсан ызғары
Шығыс Қазақстан облысы, Аягөз қаласы, «№5 жалпы білім беретін орта мектеп» коммуналдық мемлекеттік мекемесінің бастауыш класс мұғалімі Бураханова Айгүл Абдулхаққызы
Қазақтың бағы да, байлығы да - Тәуелсіздік
Қазақтың бағы да, байлығы да - Тәуелсіздік
Қазақстан – көк байрақты нұр едің, Сен дегенде лүпілдейді жүрегім. Өзің менің қуанышым, бақытым, Өзің менің мақтанышым, тірегім.
Тәуелсіздік-азаттығым, бақ күнім!
Тәуелсіздік-азаттығым, бақ күнім!
Қызылорда облысы, Қазалы ауданы, Қазалы ауылы, №100 орта мектебінің бастауыш сынып мұғалімі Тәжбенова Нұргүл Ұласарқызы «Тәуелсіздік - азаттығым, бақ күнім» Мақсаты: оқушыларға 1986 ж. көтерілісті, жастардың көтеріліске шығу себептерін, олардың
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×