Бізбен байланыс
kum2017@yandex.ru
WhatsApp: +7 705 241 87 47


Қош, бол балабақша

05 қаңтар 2013, Сенбі
Категориясы: Бала-бақша
Тақырыбы: «Қош, бол балабақша»
1) Тәрбиеші: Бұл оқу тамақ болар қарны ашқанда
Жол табар қараңғыда адасқанда
Мал озбас біле білсең білім озар

Ақыры керек болар бір сасқанда –деп Міржақып ақын айтпақшы, тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген бүлдіршіндеріміздің ұйымдастыруымен өткізгелі отырған «Қош бол, балабақшам» мерекесін бастауға рұқсат етіңіздер!
2) Тәрбиеші: Бесіктегі баланың
Күлгенін көрген - бір мұрат
Алдына түсіп ананың
Жүргенін көрген бір мұрат
1)Тәрбиеші: Толқимыз, толқып тұрсыз баршаңызда
Мұндай күй болған сірә қаншаңыз да
Қол соғып, қошеметтеп шақырайық
Балдырған бүлдіршін түлектерді
Балалар музыкамен кіріп, вальс билейді
2) Тәрбиеші: Мектеп ана шақырады бізді алдан
Алдымызда әлі талай сан арман
Қоштассақ та балабақшам сенімен

Санамызда өзің берген өнегең –деп бүгін балабақшамен қоштасқалы тұрған түлектеріміздің лебізін тыңдасақ.
Нұрлыбек: Қоштасып мен бүгін балалықпен
Қоштасамын сиқырлы бала бақпен
Танысып Мектеп деген әлемменен
Достасамын біліммен, даналықпен
Алуа: Қуаныш бүгін біздерде достар
Боламыз енді біз сыныптастар
Күтеді алдан бізді ұлы жол
Шаттыққа толы үлкен армандар
Рахат: Шыбықтай едік үштен жаңа асқанда
Балабақша есігін жаңа ашқанда
«Апам» деген сөзді ғана білуші ек
«Отан» деген сөзді әлі білмеуші ек
Али: Қызық күндер өткіздік
Балабақша бағында
Көп оқыдық, көп білдік
Ел мен Отан жайында
Ән: «Біз балдырған баламыз»
Тәрбиеші: Ұрпақпен өмір жолы жалғанады
Көңілді күндер тусын алдан әлі
Әсем бимен, түрлі өнер
Бүгінгі күн сіздерге арналады –деп, ұлдардың орындауында

«Кобвой» биін қабыл алыңыздар.
Би: «Кобвой»
Тәрбиеші: Енді құрметті қонақтар балалардың дайындаған көрінісін тамашалаңыздар. Көрініс: «Портфель»
Ән: «Мектеп бізді үйретеді»
Тәрбиеші: Ұл, қыздарды көңілді
Шақырамыз ортаға
Тойымызға сән беріп
Би билесін шаттана
Би: «Испан биі»
Тәрбиеші: Өтті қызық көп күндер
Алты жасқа жеттіңдер
Барасыңдар мектепке
Бір белестен өттіңдер - деп балалар бүгінгі мерекеге арналған тақпақтарын айтып берсін.

Ән: (балалардың орындауында «Айгөлек» әні)
Тәрбиеші: Қазір балалар сендермен «Иә, иә» «Жоқ, жоқ» ойынын ойнаймыз. Мен сұрақ қоям, сендер сұрақтың жауабына қарай иә, немесе жоқ деп жауап бересіңдер.
1. Мектепке біз барамыз ба?
2. Кілең бестік аламыз ба?
3. Айтқан тілді аламыз ба?
4. Ақылды бала боламыз ба?
5. Нан жеймін деп жылаймыз ба?
6. Ертеңгісін тұрамыз ба?
7. Сабақ та отырып ұйықтаймыз ба?
8. Ойыншықтармен ойнаймыз ба?
9. Екі алғанда жылаймыз ба?
10. Оқушы біз боламыз ба?

Ата – аналармен де «Иә, иә» «Жоқ, жоқ» ойынын ойнайық.
1. Балаңызға әрқашан тірек сіз бе?
2. Сабақ оқып, есепке сіз жүйрік сіз бе?
3. Тамағын уақытылы бересіз бе?
4. Төзімділікке сіз әр уақытта төзесіз бе?
5. Сериал көріп жатасыз ба?
6. Ұрып, нұқып үйретуге барасыз ба?
7. Оқыту мұғалімнің жұмысы деген кері тартпа сөзді айтасыз ба?
8. Сен оқыт, мен оқытып шаршадым деп ұрысуға дайынсыз ба?
9. Балаңыз үшін балаларды соғасыз ба?
10. Бала үшін асулардан асасыз ба?
Музыка ойналып: (Буратино мен Мальвинаның келуі)
Мальвина: Жүр, деймін жүр.Мен саған балалар балабақшада қалай оқиды екенін көрсетемін.
Буратино: Балабақша, балабақша деп, неге қайталай бересің. Мен онсыз-ақ бәрін білемін.
Мальвина: Бәрін деймісің? Ал суретке қарап әңгіме құрастыра білесің бе?

Буратино: Әңгіме құрау ? (Буратино басын қасиды)
Тәрбиеші: Сәлеметсіңдер ме Буратино мен Мальвина! Сендер қайдан келе жатырсыңдар?
Мальвина: Міне, Буратиноны балабақшаға әкелдім. Ол мүлдем мектепке барғысы келмейді. Ал жазған кезде тіпті дәптеріне қарауға ұят.
Тәрбиеші: Мұның қалай Буратино. Егер сен оқымасаң, білімсіз, әрі сауатсыз адам болсаң, мектепке қалай барасың? Ал сауатты болу үшін жақсы оқу керек.Тыңдап көрші, біздің балалар мектепке дайын ба?- екен.
Тәрбиеші тапсырма береді:
Мальвина: Көрдің бе, Буратино! Балалар бәрін біледі, ал сен болсаң, үп-үлкен болып ештеңе білмейсің!
Буратино: Иә, расында да ұят болды.
Тәрбиеші: Көрдің бе, Буратино біздің балалар қандай ақылды. Олар қандай тапсырмалар болсын орындай алады. Оның бәрі білімнің арқасында.
- Балалар, қалай ойлайсыңдар, Біз мектепке не үшін барамыз?

- Оқып –білім алу үшін
- Білімді азамат болу үшін
- Үйрену үшін
- Ер жетіп Отанымды қорғау үшін
Тәрбиеші: Сондықтан, Буратино ақылды болу үшін, білім керек екен.
Сен ертеңнен бастап мектепке баруға дайындал .Келістік пе?
Буратино: Келістік. Мен барып сабаққа дайындалайын. Қош сау болыңдар, балалар!
Би: «Барби» (Алина мен Нұрсұлудың орындауында)
Тәрбиеші: Өткізіп қызық күндерді
Мектепке кетіп барады
Тақпақ айтып тамсанып
Қимай кетіп барады (Тақпақтар)

Тәрбиеші: Мың бұралған қыздарды
Шақырамыз ортаға
Тойымызға сән беріп
Би билесін қуанта
Би: «Шығыс биі»
Р: тәрбиеші: Ойын: «Жалғасын тап»
Тәрбиеші: Ұшырса да жаңа өмірге сан құсын
Тәрбиеші бағбан толастатпас мәңгі ісің
Сөз береміз құрметпен өзіңізге
Түлектерге арналсын тілегіңіз – деп,
Сәуле апайға сөз беру:
Тәрбиеші : Көктем жаздың кереметі көп екен
Көбелектер әсем гүлдің сәні екен
Шақырайық олай болса ортаға
Биші топты «Көбелектер» биімен.

Би: «Көбелектер»
Тәрбиеші : Әсем әнмен арайлап таң атады
Бар жүрекке нұрын құйып жатады
Мерекеге арналған әсем әнмен
Нұрсұлуды шапалақтап қарсы алайық
Нұрсұлу мен топ балаларының орындауында Ән : «Достар»
Тәрбиеші: Келесі кезекті тақпақтарға берейік: Адиль,
Адиль: Бақша біздің панамыз
Мектеп біздің анамыз
Ұлағатты ұстаздан
Оқып –білім аламыз
Мирас: Сүйікті біздің апайымыз
Айтамыз біз рахмет
Денсаулық тілеп, бақ тілеп,
Аброй, атақ, бар жақсыны
Тілейді Сізге, жас түлек.

Шолпан: Біздер үшін еңбек еткен шаршамай
Баршаңызға рақмет апайлар
Балабақша көркі болсын әрқашан
Кейінгі бүлдіршін балғын балалар
Тәрбиеші: Жаңа өмір басталсын
Үміт сенім ақталсын
Ұмытылмай балабақша вальсі
Көңілде мәңгі сақталсын – балалардың орындауында,

Би: «Вальс»
Тәрбиеші: Әрбір ұрпақ болашағымыздың алтын діңгегі. Ендеше ұрпақты өмірге әкеліп, адал ниет, ақ батамен өсірген ата – ана емес пе? Балалардың осы қуаныштарын бөлісіп отырған ата – анаға сөз береміз.-------------
Тәрбиеші: Түлектерге тілегін айтып балабақша атынан марапаттарын табыстау үшін балабақша меңгерушісіне сөз беріледі (Дипломдармен марапаттау)
Тәрбиеші: Сіздерге бүгінгі көңілді көңіл күйімізді тарту ете отырып, барша бүлдіршінге бақыт, ашық аспан, жарқын болашақ, тыныш өмір, шат күлкі, үлкен жетістіктермен сәттіліктер тілейміз.
Тәрбиеші: Балалардың білімі құтты болсын
Денсаулығы ауырмайтын мықты болсын
Білімдерін әрі қарай дамытатын
Ерінбейтін еңбекқор күшті болсын! Осымен «Қош бол, балабақша» атты ертеңгілігімізді әнмен аяқтаймыз.
Ән: «Қош бол, балабақша»
49 165
0
  • 100
1 дауыс


Жаңалықтар
Даярлыққа барамыз
Даярлыққа барамыз
Еркелеткен ұл - қызын. Анамызды ерекше Қуантатын күн бүгін Өсті міне бойымыз Өсті міне ойымыз Қуанышыңа ортақпыз Құтты болсын тойымыз. Айзере: Балабақшам сүйікті Тақылдатып сөйлетті Шынықтырып денемді Шымыр бол деп үйретті Жамандықтан жирентіп
Қош бол, бастауыш
Қош бол, бастауыш
Бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру, әр баланың ерекшелігін таныстыра отырып, сәт – сапар тілеу.
Қош бол балабақшам
Қош бол балабақшам
Жамбыл облысы, Т. Рысқұлов ауданы, Құлан ауылы «Балауса» балабақшасының тәрбиешісі: Мансурова Амина Шакиртовна
Қош бол, бастауыш!
Қош бол, бастауыш!
Жезқазған қаласы, №1 орта мектебінің бастауыш сынып мұғалімі: Кенжебекова Жұлдыз Советқызы
Бастауыш сыныппен қоштасу
Бастауыш сыныппен қоштасу
Ақтөбе қаласы, №1 орта мектептің бастауыш класс мұғалімі Бекбергенова Сара Алимжановна
Бастауышпен қоштасу мерекесі
Бастауышпен қоштасу мерекесі
Шығыс Қазақстан облысы, Аягөз қаласы, «№5 жалпы білім беретін орта мектеп» коммуналдық мемлекеттік мекемесінің бастауыш класс мұғалімі Бураханова Айгүл Абдулхаққызы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×