Білімділер поралы
загрузка...

Байлықтың бәрі күзде

«Байлықтың бәрі күзде» атты ертеңгілігі.
Әдемі сазды әуен ойнап тұрады. Бүлдіршіндер тәрбиешімен бірге сахна жақтан кіріп орындықтарға жайғасады.

Жүргізуші: ( залдағы жапырақтарды көрсетіп) Қараңдаршы бүгін біздің залымыз қандай әдемі болып кеткен. Біздің залымызға әдемі жапырақтар төселген. Түстері қандай? Сары, сары жапырақтар қай мезгілде түседі?
- Күз
Қараңдаршы балалар,
Қуандырып біздерді,
Мерекелі күз келді.
( осы кезде күз ханшайым әдемі әуенмен кіреді)

Мен күз ханшайымымын сендерді көргеніме қуаныштымын, балақайлар. Мен сендердің әрқайсыңды жақсы танимын, сендердің әдемі жапырақтар теріп жүргендеріңді үнемі көріп жүремін. Апаларыңмен бірге балабақшаға асығып, жүгіріп келе жатырғандарыңды көремін. Ал сендер мені танисыңдар ма?

Жүргізуші: Әрине қымбатты күз ханшайымы! Біздің балалар сіз туралы, күздің байлығы туралы тақпақтар, әндер, билер біледі. Ойын да ойнай алады. Отырыңыз, тыңдаңыз.

1 - бала Күзім - ау, күзім – ау,
Мінезің бұзық – ау.
Жаңбырың сіркіреп,
Келгенің қызық – ау.

2 - бала Берекесін сыйлауға
Өлкемізге күз келді.
Жемістерді жинауға,
Шақырыпты біздерді.

Жүргізуші: Ал балалар күздің әдемі әсем әуенін әндетейік.

Хор: « Күз» әні.
Бұлттар төніп жерге шөгіп,
Дымқыл тұман басады.
Шөп сарғайып, өңі тайып,
Дала сұры қашады. 2 рет

Бой жаза алмай, ойнай алмай,
Денең мұздап тоңады.
Бөбектерім айтыңдаршы
Бұл қай кезде болады. 2 рет

Қай мезгілде балалар?
- Күз

3 - бала Бақшаларда тізіліп,
Қаперсіз мен жатамын.
Қабат - қабат киініп,
Қырыққабат атандым.

4 – бала Алма пісті, алмұрт түсті,
Алма пісті, жерге түсті.

5 – бала Көрсең егер бақшада,
Доп екен деп қалма.
Шөл қандырар қарбызбын,
Ерте үзіп алма.

Ақ түсім бар қант алар,
6 - бала Қызыл түсім, қанға нәр.
Зияным жоқ біліп қой,
Қызылшамын пайдам бар.

Тал шыбығым бұралып,
7 - бала Бақшаларда қызарып
Тұрған ол мен қызанақ
Күнге қарап ұялып.

8 - бала Асханадан шықпаймын,
Атым пияз бұқпаймын.
Көзден жасты ағызып,
Тұмаудан бірақ сақтаймын.

Күз ханшайымы: Сендер әдемі әндер, тақпақтар айтып жатырсыңдар. Мені осыншалықты жақсы танитындарыңа қатты қуанып тұрмын. Бүгінгі кешімізге тағы да қонақтар келіп жатыр ғой.

Жүргізуші: Ия, күз ханшайымы бұл бүлдіршіндер сізге « Көкөністер» биін билеп бермекші, тамашалаңыз!

Күз ханшайымына көкөністер туралы тақпақ айтып берші.
9 - бала Қияр пісті,
Қарбыз пісті.
Қауын пісті,
Қандай күшті

10 - бала Өсіретін бойыңды,
Дамытатын ойыңды
Қоянға да азықпыз,
Сәбіздерміз жазықсыз.

Ал, балалар біздің өнерімізге күз ханшайымы таңдана отырсын.
« Алтын күз» әнін әуелетіп жіберейік.

1) Қызыл, сары жапырақты күз қандай,
Айналада бар тіршілік қызғандай.
Жан аямай терін төккен адамға,
Бар байлығын таратады қызғанбай.

Қ - сы
2) Қазан айы әнге бөлеп көңілді,
Сары алтындай жапырақтар төгілді.
Қырмандарға үйіп тау - тау астығын,
Сары алтынға бөлеп жатыр өңірді.

Әдемі музыка әуенімен ( күз самалы) кіреді.

Мен күз самалымын,
Бәріңе сәлем бердім.
Өңменіңнен өтетін,
Күзгі суық желмін.
Жүргізуші:

Күздің тентек самалы, ашуыңды баса тұр, тал басындағы барлық жапырақтарды түсіріп болдық. Тентек болмай балалармен бірігіп « Кім жылдам» ойынын ойнашы, келісесің бе?
- Ия, ойнайық.

Ойынның мақсаты:
Шашылған жапырақтарды балалар тез арада музыка әуенімен жинап болуы керек.( 3 бала, желмен төрт адам шығып ойнауға болады).
Самал жел: Ал балақайлар, сендер ойынды жақсы ойнай алады екенсіңдер. Менің ашуым тарқады. Енді менің кетуім керек. Біз әлі кездесеміз.

Күз ханшайымы: Қане балалар, күзгі желдің ұшып кетуіне көмектесейік. Қане қатты үрлейік.( Уф - уф - уф)

Жүргізуші: Бек, Бірғаным тақпақтарыңды айта қойыңдаршы

11 - бала Мынау алма айналдым,
Түрлі - түрлі болатын.
Бірі ерте бірі кеш,
Кезектесіп салатын.

12 - бала Мынау алмұрт ақылдым,
Күзде жинап алатын.
Балбыраған біреуін,
Жесең тойып қалатын.

Күз ханшайымы:
Менің есіме мына тақпақтан кейін түсті. Менің сендерге әкелген сиқырлы алма, алмұрттарым бар. Бұл жемістер сендерге денсаулық, шаттық, байлық әкелсін. Қазір топқа барғасын жерсіңдер. Менде кетуім керек, қыс ызғары жақындап келеді.

Жүргізуші:
Күз ханшайымы, саған мың алғыс. Бүгінгі сыйлығыңа рахмет. Біз сізді сағына күтеміз.
Алма, өрік, көкөніске,
Толтырды әкеп, Алтын күз.
Дастарханы таба нанға,
Айналыпты « Алтын күз».

Бүгінгі «Байлықтың бәрі күзде» атты ертеңгілік мерекесімен құттықтаймыз. Ертеңгілікке ат салысқандарыңыз үшін көп - көп бүлдіршіндер атынан рахмет айтамыз.
(Музыкамен шығып кету)
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Ойын-сауық отауы
  • Қадір түні

    Шілденің 1 - нен 2 - не қараған түн – Қадір түні. Бұл түнді құлшылықпен, Аллаға жалбарынып, дұғамен өткізу қажет. Пітір садақаны Рамазан айы басталған күннен Ораза айт намазына дейін беруге болады. ...
  • Кереметі - ай, мына жарық сәуленің

    Кереметі - ай, мына жарық сәуленің! Езу тартып барады, әне, әлдекім, Алатау да жатыр, әне, сәнденіп, Ал мен болсам, бір жаныммен әуремін.
  • Керек осы адамға

    Бүгін бе, болашақ па?! Ақылгөй кәрілік пе, бала шақ па?! Қиын - ау, өзің жатып жерошақта, Жансыз тән, жанарсыз көз - болашақта.
  • Қазақтың ырым - тыйымдары

    Ұнасын, ұнамасын, Бұзба құстың ұясын.
  • Нағыз адамға тән қасиеттер.

    Ер жігіттің айнымас серіктері: өмірлік жарың - жұбайың, мінген атың – пырағың, парасатың - ақылың.
  • Егер де айта алмасам айтарымды

    Егер де айта алмасам айтарымды, Алжыдым, ақылымды сайтан ұрды. Қынына қылышымды салам онда, Ақ жүзі алмасымның қайтарылды.
  • Біреулерді мерт қылып аламын деп

    Біреулерді мерт қылып аламын деп, Ашуыма ауыздық саламын кеп. Тентек іні бетіме тік қараса, Жасқанамын жандай - ақ залалым көп.
  • Қожанасыр туралы әзілдер

    Бір күні Қожанасыр үйіне өзімен бірге досын ертіп әкеліпті.
Үздік жаңалықтар
загрузка...
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 80
Қолданушылар: 0
Қонақтар: 80
Роботтар: 4
Соңғы пікірлер
Ілмек сөздер
Сайт статистикасы
Яндекс.Метрика