Бізбен байланыс
kum2017@yandex.ru
WhatsApp: +7 705 241 87 47


Күзгі орманның көріністері

21 мам 2014, Сәрсенбі
Категориясы: Бастауыш сынып
Сабақтың тақырыбы: Е. Салықов. Күзгі орманның көріністері

Білімділік мақсаты: Өткен сабақты пысықтай отырып жаңа сабақпен таныстыру. Күзгі орман тіршілігінен түсініктер беру, орман тіршілік иелерінің тірлігі туралы білімін кеңейту, орманның байлық екенін меңгерту.
Тәрбиелік мақсаты: Табиғатты қорғауға, аялауға және адамгершілікке тәрбиелеу.
Дамытушылық мақсаты: Өз бетімен жұмыс жасауға баулу. Ойын, қиялын, тілін дамыту, зейінін тұрақтату, шығармашылық қабілетін жетілдіру, шыңдау.
Сабақтың түрі: серуен сабақ.
Сабақтың әдісі: сұрақ – жауап, түсіндіру, әңгімелеу.
Сабақтың жүрісі:
1. Ұйымдастыру.
Армысың, күн, емендер мен кең дала!
Армысың, тау, ормандар мен теңіздер!
Армысың, өсімдіктер, гүлдермен!
Армысың, әлемде өмір сүргендер!

- Балалар, біз бүгін сондай тамаша әрі қуаныш пен ізгілікке толы қоршаған ортаға сәлем береміз. Қане, мына жайдары да жарқын күзгі күнге, мына мейірімді самал желге күлімсірейікші, бір - бірімізге жымия қарап табыс тілейік.
- Балалар, қазір қай мезгіл?
- Терезе сыртында күз.
- Ол сендерге өзінің алтын жапырақтарын сыйлайды.

2. Үй жұмысын сұрау.
- Үйге қандай тапсырма берілді?
- Кім айтады? (4 – 5 баладан сұрау)

3. Жаңа сабақ.
- Күздің бізге берері әлі де көп. Бүгінгі жаңа сабағымызда Елемес Салықов ағамыздың «Күзгі орманның көріністері» әңгімесімен танысамыз.
Мақсатымыз: мәтіннің мазмұнымен танысып, орман тіршілігі туралы ұғым алу, табиғатты аялауға, қорғауға үйрену.
Елемес Салықов ағамыз жазушы. Ол өздеріңдей балаға арнап көп әңгімелер жазған.
Дәптермен жұмыс.
- Жазайық.
- Балалар, орманға барып көргендерің бар ма?
- Орман иесі бүгін бізбен бірге. Ол өзінің орманын жамандықтан қорғап жүреді, өсімдік, құстар, жануарына қамқоршы бола біледі екен. Бізді бүгін орман иесі Бөрене атай серуендетпекші. Өзінің орманын аралатып жүріп, ормандағы тиін, борсық, қоянмен таныстырады.
Кітаппен жұмыс.
Мәтінді оқу.
Дауыстап оқу.
Шынжырлап оқу.

Тренинг.
Сергіп, жұмбақ шешіп көрейік.
Мол өнім бізге береді
Барлығы жеміс тереді (күз)
Жүні үлпілдеген
Бұтақтан бұтаққа секірген. (тиін)
Бір жылда екі тон киген
Ешкімге өзі тимеген. (қоян)

Жаңа сабақты бекіту.
- Балалар, Бөрене атайдың сіздерге берер тапсырмасы да бар екен. Ол орман жапырақтарынан орман жануарының бейнесін құрастыру екен. Жапырақтарда сұрақтар бар.
- Кім жауап береді?
1. Мәтінде қай мезгіл суреттелген?
2. Мәтіндегі танысқан тіршілік иелері нелер еді?.
3. Жануарлардың қыс мезгіліне дайындығы қалай??
4. «Орман – байлығымыз» дегенді қалай түсіндіресің?
5. Дос - сыныптастарыңа орманды қорғауда не айтар едің?
4. Қорытынды.

- Сабақ ұнады ма?
- Олай болса, көңіл - күйлеріңізді білдіретін күндей сары жапырақты көрсетіңдерші.
- Мен де ризамын.
- Орман табиғи байлығымыз. Табиғат бізден бар жақсылығын аямайды. Сондықтан да табиғатты қорғап, аялай білейік!

5. Үйге тапсырма.
Мазмұндау, сөзжұмбақты шешу.
18 943
0
  • 0
0 дауыс


Жаңалықтар
Ашық сабақ "Күз"
Ашық сабақ "Күз"
Сабақтың тақырыбы:. Е. Салықов. Күзгі орманның көріністері Сабақтың мақсаты: 1. Білімділігі: мәтінді мәнерлеп, сауатты оқуға үйрету. 2. Дамытушылығы: оқушылардың сөздік қорын молайта отырып, ауызекі сөйлеу тілін қалыптастыру, ойлау қабілеттерін
Табиғат аясына саяхат
Табиғат аясына саяхат
Сөздің мағынасын түсіндіріп, ойын жеткізе алуға, ой – өрісін дамыта отырып, таным деңгейлерін кеңейту.
Жабайы аңдар
Жабайы аңдар
Балалардың жабайы аңдар туралы түсініктерін тереңдету. Олардың түрлерін бір-бірінен ажыратуға, дене мүшелерін дұрыс атай білуге үйрету.
Біздің Елбасы
Біздің Елбасы
Балаларға Президент туралы әңгімелеу, ұғымдарын кеңейту, сөздік қорын молайту.
Күзгі орманның көріністері
Күзгі орманның көріністері
Маңғыстау облысы, Ақтау қаласы. Бастауыш сынып мұғалімі Ахметова Айман Хамитовна
Үй жануарлары
Үй жануарлары
Шалқар қаласы, № 6 орта мектебі № 6 орта мектебі Өткізген: Ешнияз Д. А
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×