Бізбен байланыс
kum2017@yandex.ru
WhatsApp: +7 705 241 87 47


Райымбек бастауы

13 қаңтар 2013, Жексенбі
Категориясы: Бастауыш сынып
Сабақтың тақырыбы: Райымбек бастауы
Мақсаты:
Білімділігі: Әңгімені мәнерлеп, сауатты оқуға машықтандыру. Оқушылардың өз еліне, ата - мекеніне сүйіспеншілігін арттыру. Қазақ халқының батырлары туралы алған мағлұматын көбейту.
Дамытушылығы: Оқушылардың ойлау қабілетін, сабаққа деген қызығушылығын арттыру, сөздік қорын кеңейту, байланыстырып сөйлеуге үйрету.
Тәрбиелілігі: Оқушыларды Райымбек бабамыз сияқты батыр, елін, жерін сүйетін азамат болуға тәрбиелеу.

Сабақ әдісі: топпен жұмыс
Көрнекілігі: Батырлар туралы буклет, Райымбек батырдың суреті, сөзжұмбақ
І. Жүрісі: Ұйымдастыру
Сынып үш топқа бөлінеді.
І топ – Бөгенбай
ІІ топ – Наурызбай
ІІІ топ – Қабанбай
Әр топқа сабаққа қатынасқан сайын қоржындағы асықтар беріледі. Сабақ соңында асықтар саналып, қай топтың асығы көп сол топ жеңеді.
ІІ. Үй тапсырмасы
А) Батырлар туралы өлеңдерді жатқа айту
Ә) Үй тапсырмасын қорытындылау үшін сұрақтар беріледі, сол сұрақтар арқылы сөзжұмбақ шешіледі.

Б Ұ Қ А Р
С А Б А Л А Қ
Б Ө Г Е Н Б А Й
А Р Ы С Т А Н
ӘБ І Л М А Н С Ұ Р
НА У Р Ы З Б А Й
Т Ө Л Е
К И І М

1.Өлеңдер авторы кім?
2.Абылайға Төле бидің қойған аты
3.Абылайға бата берген қарт батыр
4.Бұқар Қабанбайды неге теңейді
5.Абылайдың шын аты
6.Еңкерістен жау келсе,
Бетіме ұстар керегім,
Өліспей тірі беріспес,
Артықша туған еренім, - қай батырдың өлеңінен үзінді?
7.Әбілмансұр мәтініндегі бидің аты
8.Берен дегеніміз не?

ІІІ. Жаңа сабақ. «Райымбек бастауы»
А) Автор жөнінде түсінік беру
Жолдасбай Тұрлыбаев – 1932 жылы туған. Жазушы. Көптеген кітаптары жарық көрген. Соның ішінде «Тамыз таңы» Райымбек батырға арналған. Мәтін осы кітаптан үзінді алынған.
Ә) Мәтінді түсіндіру
1. Райымбек сарбаздарының сусыздықтан тарығуы
2. Райымбектің Көкойнақты жетектеп, суды іздеп табуы
3. Сарбаздардың қуануы, бастаудың Райымбек атануы
ІV. Сөздікпен жұмыс
Сүңгі – бұл жерде: найза
V. Оқулықпен жұмыс
Әр топтан екі оқушыдан мәнерлеп, тізбектей оқыту.
VІ. Сұрақтарға жауап беру
Батырлар қаруы суреті сыртына жазылған сұрақтар беріледі. Жауап берсе сол сурет сыйға беріледі.
1. Райымбек сарбаздары неге тап болады? Айбалта
2. Райымбек қандай шешімге тап болды? Шоқпар
3. Ол Көкойнақты жетектеп қайда бет алды? Қылыш
4.Көкойнақ неге оқыранып жіберді? Найза
5.Райымбек неге қуанып кетті? Садақ
6.Су шыққан бастау қалай аталады? Қамшы

VII.Тапсырмалар:
І топ: Мәтіннен Райымбектің сарбаздарына айтқан сөзін тауып оқы
ІІ топ: Көкойнақтың суды сезген әрекеті айтылған тұсты тауып оқы
ІІІ топ: Райымбектің қуанған сәттегі көңіл – күйін білдіріп тұрған сөзді айт.
VIII. Шығармашылық жұмыс. Сөздерге сөйлем ойлау, жаздыру
І топ: ат, жеңілді
ІІ топ: шаба жөнелді, найза
ІІІ топ: жеңді, қылыш
ІХ. Сауалнама. Әр оқушыға жеке-жеке таратылады.
1. «Райымбек бастауы» әңгімесінің авторы кім?
А) Жолдасбай Тұрлыбаев
Ә) Ғафу Қайырбеков
Б) Мұхтар Әуезов
2. Райымбек кім?
А) Әнші
Ә) Күйші
Б) Батыр
3. Әңгімеде не жөнінде айтылған?
А) Қалмақпен соғысуы
Ә) Сусыздықтан тарығуы
Б) Аңға шығуы
Сауалнама сол бойда тексеріліп, қай топ қалай жауап бергені сараланады.
Х. Үйге тапсырма: «Райымбек бастауы» әңгімесінен түсінік айту.
ХІ. Сабақты қорытындылау.
І топ – 8 асық, ІІ топ – 13 асық, ІІІ топ – 10 асық, жақсы қатынасқан оқушылар бағаланады.
18 775
0
  • 0
0 дауыс


Жаңалықтар
Батырлар жыры туралы түсінік. Қамбар батыр жыры
Батырлар жыры туралы түсінік. Қамбар батыр жыры
Батырлар жыры -- ауыз әдебиетінің қомақты да асыл мұрасы. Оларда елін сыртқы жаулардан қорғау, елінің, халқының тәуелсіздігін сақтау мұраты басым. Қазақтың батырлар жырларында тарихи оқиғалардың ізі жатыр.
Алпамыс батыр жыры
Алпамыс батыр жыры
Батырлар жыры туралы түсініктерін кеңейту, оқушылардың сабаққа деген қызығушылығын арттыру; Оқушылардың шығармашылықпен жұмыс істеуіне ықпал ету. Ойлау шеберлігін, сөйлеу мәдениетін арттыру;
Батырлар жыры (күнделікті сабақ жоспары)
Батырлар жыры (күнделікті сабақ жоспары)
Батырлар жыры - ауыз әдебиетінің қомақты да асыл мұрасы. Оларда елін сыртқы жаулардан қорғау, елінің, халқының тәуелсіздігін сақтау мұраты басым. Қазақтың батырлар жырларында тарихи оқиғалардың ізі жатыр.
Батырлар жыры «Қобыланды батыр»
Батырлар жыры «Қобыланды батыр»
Мухамедрахимова Гульжанар Жаскайратовна - бастауыш сынып мұғалімі.
Райымбектің бастауы
Райымбектің бастауы
Семей облысы, Үржар ауданы, Үржар ауылының бастауыш сынып мұғалімі Нұрғалиева Гульсум Ермекбайқызы
Батырлар жырындағы сабақтастық
Батырлар жырындағы сабақтастық
Сабақтың тақырыбы: Батырлар жырындағы сабақтастық Мақсаты: Білімділік: Батырлар жырының мазмұны мен идеясын игерте отырып, жырды талдау арқылы жан-жақты ашу, меңгерту. Батырлар бейнесінің халықтың алып қуатының, қажымас қайратының, сарқылмас күшінің
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×