Бізбен байланыс
kum2017@yandex.ru
WhatsApp: +7 705 241 87 47


Жаңылтпаштар, жұмбақтар, мақал-мәтелдер.

26 наурыз 2012, Дүйсенбі
Категориясы: Бастауыш сынып
Тренинг – сабақ (Ана – тілі, 4 - сынып)
Сабақтың тақырыбы: Жаңылтпаштар, жұмбақтар, мақал - мәтелдер.
Сабақтың мақсаты: а) Білімділік: оқушыларды халық ауыз әдебиеті шығармасының түрлері жұмбақ, жаңылтпаш, мақал - мәтелдерімен таныстыру.
ә) Дамытушылық: халық шығармасының бұл түрлерін бір - бірінен ажырата білуін, мәнін терең ұғынып, мағынасын аша білуін, тілін дамыту.
б) Тәрбиелік: оқушылардың халық ауыз әдебиеті шығармасы арқылы ұлттық сезімін оятып, кішіпейілділікке, ізеттілікке, адамгершілікке тәрбиелеу.

Сабақтың әдісі: сұрақ - жауап
Сабақтың түрі: тренинг - сабақ
Пәнаралық байланыс: ағылшын тілі, орыс тілі, дүниетану.
Көрнекі құралдар: үлестірмелі қима қағаздар, тренинг ережелері жазылған плакат, топ ұпайларын белгілейтін көрсеткіш.
Сабақтың барысы:
I. Ұйымдастыру кезеңі.
А) сәлемдесу; ә) топтарға бөлу.
II. Жаңа сабақ
- Бүгінгі сабағымыз тренинг түрінде өтеді. Тренинг - сабақтың негізгі мақсаты сендерді ұйымшылдыққа, топтасып жұмыс істеуге баулып, ойларыңды бөлісіп, ашық айтуға дағдыландыру. Сабағымызды бастамай тұрып тақтадағы ілулі тұрған сөздерді оқи отырып топтарға бөлінейік
Есік.
Кереге
Уық.
Шаңырақ
Бақан
Осылайша сыныпты 5 топқа бөле отырып, ережесімен таныстыру.
1. Тыныштық сақтау
2. Бір - бірін тыңдау.
3. Қол соғу.
4. Ойын ашық айту.
Әрбір дұрыс жауап 5 ұпаймен бағаланады.
- Енді әр топ өздерінің
1) топ басшысын
2) уақыт есептеушісін
3) жазып отырушысын
4) көпшілікке таныстырушысын сайлау керек.
- Әр топтың топ басшысы топ мүшелерінің сабаққа қатысуын бақылап, сабақ соңында бағалау тапсырылады.

1 - бөлім.
Кіріспе бөлім. «Білгенге маржан, білмегенге арзан»
Әр топқа тапсырмалар таратылады. Ойлануға 2 минут уақыт беріледі.
Тапсырмалар: №1Жаңылтпашты қалай түсінесің?
№2 Жұмбақты қалай түсінесің?
№3 Нақыл сөзді қалай түсінесің?
№4 Мақал дегеніміз не?
№5 Мәтелді қалай түсінесің?
Ойын: «Орамал тастамақ»

2 - бөлім. «Халық айтса, қалт айтпайды» атты бөлімде топ басшылары келіп тапсырмалар алады. Орындауға 2 минут, түсіндіруге 2 минут уақыт беріледі.
А) Мақал - мәтелдердің мағынасын ашып түсіндіру.
№1 Оқу – білім азығы,
Білім - ырыс қазығы.
№2 Білімдіге дүние жарық,
Білімсіздің күні кәріп.
№3 Жер - ырыстың кіндігі,
Білім - ырыстың тізгіні.
№4 Өнер - ағып жатқан бұлақ,
Білім - жанып тұрған шырақ.
№5 Наданмен дос болғанша,
Кітаппен дос бол.

ә) Әр топқа тақырып беріледі, тақырыпқа сай 3 мақалдан айтулары керек. Ойлануға 1 минут уақыт
Тақырып: Қыс. Отан. Кітап.
Ойын: «Ұршық»
3 - бөлім. «Ойлан, тап!»деп аталады.
А) Бұл бөлім бойынша әр топқа жеке - жеке жұмбақ жасырылады.. Шешуін 3 тілде айтулары қажет. Ойлануға 10 секунд

№1 Бір үйге көзссіз боп басыңды сұғасың,
Бұл үйден көреген болып шығасың. (мектеп, школа, school)
№2 Ымырт түссе шығамын,
Таң атқанда батамын.
Көк теңізде шашылып,
Көзімді ілмей жатамын. (жұлдыз, звезды, stars)
№3 Тындырып адам жұмысын,
Тазартып үйдің жуды ішін.
Кейде дауыл соғады,
Кейде ішіне сорады. (шаңсорғыш, пылесос, vacvum cleanen )
№4 Ішегіне мұз қатқан,
Өзін - өзі мұздатқан. (тоңазытқыш, холодильник, fridge)

№5 Жылыны суытпайды,
Суықты жылытпайды. (термос, termos)
ә) – Сөз жазылған карточкалар таратылады Түлкі, жұмыртқа, қайшы, кітап, бор. Әр топ өзіне түскен сөзге жұмбақ құрастырып, қарсы топқа жасырады. Ойлануға 2 минут.
Ойын: «Сөз ойла, тез ойла»
4 - бөлім. «Кім жылдам?» Оқылған жаңылтпашты топ басшылары жаңылмай, қайта айтып берулері керек.

№1 Бала бал арасын қуалады
Бал арасы баланы қуалады
№2 Ықылас пен Ыбырай
Ыдыстарын тасымай,
Ырыскүлден үлгі алмай,
Ынтасыз жүр тілді алмай.
№3 Ескекті есекші еседі,
Ескекші ескекті еседі.
№4 Гүлім гүлге қарап күлімдеді,
Көгілдір гүлге қонған аралар гуілдеді.
№5 Әбдіреде әбігер әтеш отыр,
Әбігер әтеш отырған әбдірені
Әжем қолмен ашып отыр.

III. Сабақты бекіту, қорыту.
- Тренинг сабақ ұнай ма?
- Сабақтың басында қойған мақсатымызға жеттік пе?

IV. Бағалау
Әр баланың сабаққа қатысуына қарай бағалап, жұмыстарын қорытындылап, мадақтау. Топ басшылары өз топтарының балаларын жазбаша түрде бағалап береді. Оқушылар толық бағаланады.

V. Үйге тапсырма
- Әр топ шағын кітапшалар жинақтап келу тапсырылады
44 809
0
  • 0
0 дауыс


Жаңалықтар
Мақал - мәтелдер, жұмбақтар, жаңылтпаштар
Мақал - мәтелдер, жұмбақтар, жаңылтпаштар
Оқушыларды халық ауыз әдебиетінің түрлерімен таныстыру мақсатындағы сабақты дамыта оқыту түрінде өтті.
Мақал - мәтелдер, жұмбақтар, жаңылтпаштар
Мақал - мәтелдер, жұмбақтар, жаңылтпаштар
Оқушыларды халық ауыз әдебиетінің түрлерімен таныстыру мақсатындағы сабақты дамыта оқыту түрінде өтті.
Мақал - мәтелдер, жұмбақтар - шешендіктің айнасы
Мақал - мәтелдер, жұмбақтар - шешендіктің айнасы
Қазақ тілі мен әдебиеті пәні мұғалімі Жунусова Майрагуль Садырбайқызы
Сан есім
Сан есім
Ойыл ауданы, Жақсыбайкөл негізгі мектебінің бастауыш сынып мұғалімі Ажмухамбетова Тамара Иксановна
Архаизмдер. Ертегі, жұмбақ, жаңылтпаштар. Мақал - сөздің мәйегі
Архаизмдер. Ертегі, жұмбақ, жаңылтпаштар. Мақал - сөздің мәйегі
Астана қаласы «Техникалық колледжі» МКҚК қазақ тілі мен әдебиет пәні оқытушысы Махметова Жанаргуль Койшыбаевна
Жаңылтпаштар, жұмбақтар, мақал- мәтелдер
Жаңылтпаштар, жұмбақтар, мақал- мәтелдер
Маңғыстау облысы, Жаңаөзен қаласы №7 орта мектептің бастауыш сынып мұғалімі Күншығарова Сәния Капизуллаевна
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×