Қазақстан
жаңалықтары.
» » Назарбаев атақты бизнесмендерді не істеуге міндеттеді?

Назарбаев атақты бизнесмендерді не істеуге міндеттеді?

01 қазан 2018, Дүйсенбі
Категориясы: Экономика
Қазақстан президенті Түркістанды дамыту қорын да құру қажеттігін айтты.

Қазақстан президенті Түркістанды дамыту қорын да құру қажеттігін айтты.
Қазақстанның ірі компаниялары мен бизнесмендері Түркістан қаласына бір - бір нысаннан салып береді. Мемлекет басшысы Нұрсұлтан Назарбаев әрбір басшыға жеке - жеке тапсырма берді, деп хабарлайды Sputnik Қазақстан Түркістан облысы әкімінің баспасөз қызметіне сілтеме жасап.
Қазақстан президенті Нұрсұлтан Назарбаев өткен аптада Түркістанға жасаған сапары барысында Түркістан облысының әлеуметтік - экономикалық даму мәселелері жөнінде кеңес өткізді. Жиында Елбасы министрлер мен үкімет мүшелеріне, еліміздегі алпауыт компаниялардың басшыларына Түркістан қаласына бір - бір нысан салу жөнінде тапсырма берді.

Баспасөз қызметінің мәліметінше, президент әрбір басшыны орнынан тұрғызып, жеке - жеке сөйлескен. Назарбаев мемлекет тарапынан кәсіпкерлерге үнемі қолдау көрсетілгенін, енді олар да елдің дамуына үлес қосуы керектігін баса айтқан.

Мемлекет басшысы Түркістан қаласына қандай нысандар қажет екенін тізіп, ірі компанияларға нақты міндет жүктеді.

Мәселен, Елбасы "Базис - А" компаниясының басшысы Александр Беловичке "Сіздер спорттық және мәдени нысандарды жақсы салып жүрсіздер. Бұл жерге театр керек. Оған қауқарыңыз жетеді деп есептеймін. Түркістанға әдемі, әмбебап театр салу қажет" деді. Бизнесмен тапсырманы орындауға уәде берді. Ал ENRC басшыларының бірі, атақты миллиардер Патох Шодиевке Түркістанда әлемдік деңгейдегі Түркі халықтарының музейін салып беруді тапсырды.

Сонымен қатар, "ҚазМұнайГаз" ҰК басқарма төрағасы Сауат Мыңбаевты халықаралық талапқа сай үлкен стадион салуға міндеттеді. Айдын Рақымбаев басқаратын "BI Group" компаниясы қазақ хандары мен билерінің, батырларының орталығын ашып берсе, "Хайвилл Қазақстан" компаниясы тұрғын үй кешенін салуға кіріспек.

"Қазақстан теміржолы" ҰК жастар сарайын қолға алса, "KEGOC" Қожа Аxмет Ясауидің шағын музейін тұрғызады. Сондай - ақ "Қазпошта" АҚ Түркістанда заман талабына сай почта бөлімшесі мен цифрлық кеңсе салады.

Ал "Қазақтелеком" Smart теxнологияларын енгізеді. Кәсіпкер Данияр Абылғазин су спорты кешенін салуға уәде берсе, Нұрлан Смағұлов көлік салонын ашып бермек.

"Қазатомөнеркәсіп" ҰАК" АҚ Түркістанға қаржылай қолдау көрсетсе, түркиялық компаниялар да Түркістанды дамытуға үлес қосатынын білдірді. Жиын барысында кәсіпкерлер мен ірі компаниялар Түркістанға аурухана, туризм колледжін тарту ететінін жеткізді.

"Мемлекет басшысы әрбір нысанды қағазға мұқият белгілеп, оны салу міндеті кімге тапсырылғанын жазып алып отырды. Облыс әкімдігі мен компаниялар арасында келісімдер бекітілді", — делінген хабарламада.

Сонымен қатар Нұрсұлтан Назарбаев қала халқының көбеюі мен туристердің көптеп келуіне байланысты Түркістан қаласының теміржол вокзалын реконструкциялау, оның өткізу мүмкіндігін ұлғайту, сондай - ақ әуежай салу және әуе қатынастарын қамтамасыз ету мәселелерін қарастыруды тапсырды.

"Түркістанды заманауи технологияларды қолдана отырып, төл мәдениетімізге сай қайта жаңғырту керек. Сондай - ақ, Түркістанды дамыту қорын да құрған дұрыс. Кім қолдау жасауға дайын, сол ақшаны аударсын. "Көз — қорқақ, қол — батыр" демекші, осының бәрін бір - екі жылда бітіретін болсақ, Түркістан жайнап шыға келеді", — деді президент.
54
0
0 дауыс
Оқи отырыңыз
1 қазаннан бастап Қазақстанда не өзгереді?
1 қазаннан бастап Қазақстанда не өзгереді?
Банк саласы, кәсіпкерлік және денсаулық сақтау жүйесінде өзгерістер болады. Қазақстандықтарды теңгемен ашылған депозиттердің мөлшерлемесі, тұмауға қарсы екпе бойынша өзгерістер күтіп тұр, ал кәсіпкерлер кассалық аппараттарды ауыстыруға мәжбүр
Астанаға ақылы кіру жобасы қарастырылуда
Астанаға ақылы кіру жобасы қарастырылуда
Ақылы қызмет тек таңғы уақытта енгізіледі деп жоспарлануда, басқа кезде жол жүру толығымен тегін болады
“Мобильдік үкімет” қызметтерін бір реттік парольмен алуға болады
“Мобильдік үкімет” қызметтерін бір реттік парольмен алуға болады
Енді қолданыстағы 43 мемлекеттік көрсетілетін қызмет пен 13 төлем түрінен басқа бір реттік пароль арқылы 13 қызметті қолдануға болады.
Қазақстанда 10 миллионнан астам электрондық денсаулық паспорты жасалды.
Қазақстанда 10 миллионнан астам электрондық денсаулық паспорты жасалды.
ҚР Денсаулық сақтау министрінің орынбасары Олжас Әбішевтің мәліметінше, қазіргі уақытта республика бойынша 10 миллионнан астам денсаулық паспорты жасалды.
Түркия президенті Нұрсұлтан Назарбаевты қалай қарсы алды?
Түркия президенті Нұрсұлтан Назарбаевты қалай қарсы алды?
Нұрсұлтан Назарбаевтың Түркияда ресми іс - сапармен жүргеніне екі күн болды. Жыл басында Елбасын Реджеп Ердоған Түркияға арнайы шақырған еді.
Пікірлер (0)
код көрінбесе қайта басыңыз