Бізбен байланыс
kum2017@yandex.ru
WhatsApp: +7 705 241 87 47

КҮРКІРЕП ӨТКЕН БІР СОҒЫС

30 мам 2020, Сенбі
Категориясы: Қоғам
КҮРКІРЕП ӨТКЕН БІР СОҒЫС
Атам Жананұлы Сахарбай 1897 жылы Маңғыстау ауданы Жыңғылды ауылына қарасты «Қарқын» деген жерде дүниеге келген екен. Соғысқа дейін колхоздың әртүрлі жұмыстарын атқарған. Ағаштан, темірден түйін түйген шебер, тұрмысқа қажетті заттарды жасап, ауыл - аймақтың қажеттілігін өтеген, сонысымен сыйлы болған.
Атам соғысқа түскен Белгород облысы Украин елінен 40 км, Мәскеуден 700 км жерде орналасқан, соғыс басталысымен, неміс оккупанттары бірден басып алып, үлкен бекініске айналдырып тастаған аймақ екен. 1942 жылы сәуірде, соғыстың өршіп тұрған тұсында, Белгород облысын азат ету далалық жаяу әскер тобымен майдан даласына түсіп, жаумен бетпе - бет шайқасып, кеудесін оқ пен отқа төсеген атам кезекті бір шайқаста сол аяғынан жараланып, айдалада ес - түссіз, қансырап жатып қалады.
«Жан жағымыз гүрсілдеп, көк тұман, түтіннен көзіміз ашып, жас саулап, адамдарды анық көрмейміз. Кенет гүрс еткен жарылыстан құлағанымды білемін. Одан әрі есімді жоғалттым. Көзімді ашсам, айнала тып - тыныш болып, оқ - дәрінің иісі басылып, көк тұман сейіліп, айнала анық көріне бастаған. Сол аяғым көтертпейді, етігімнің іші жылымшы қанға толып кеткен. Неде болса жатып қалмайын, жылжи берейін деп еңбектей бердім. Қалталарымды ақтарып, бір тобық тауып алдым. Сол тобықты талғажу етіп, неше күн, неше түн далада жатып қалыппын. Мені аман сақтаған, елден алып шыққан тобық, мені елге жеткізді. Бір күні әлсіреп жатып, еміс - еміс танктың гүрілі, адамдардың даусын естігендей болдым. Еңгезердей орыс жігітінің бетіме төніп, әлдене деп сөйлеп, көтеріп жатқанын еміс - еміс білемін. Есімді Қазан (Татар елі) қаласындағы госпитальда жидым. Сол аяғымды кескен. Сол госпитальда емделіп, күзде Красноводск арқылы елге оралдым» деп атам аждаhаша айналасын қызыл жалынға орап, қаншама адамның өмірін жалмап, аз уақытта өзін мүгедекке айналдырған соғыстың кесапатын қысқаша қайыратын.
Ауылға келген соң да бір аяқпен шойнаңдап, ескі кәсібіне оралып, Жеңістің жақындауына өз үлесін қосқан.
Қару асынып, қан майданға ұрпағының тыныштығы үшін аттанып, бір аяғын майданда беріп келген атамды қас батырға теңеймін.
Күркіреп, жан - жағын жайпап өткен соғыстың 75 жылдығына орай, атам туралы естігендерімді бір ауыз сөз қылып, жариялап отырмын.
«Адам ұрпағымен мың жасайды» дейді, қазір атамның көрмеген бейбіт, бақуатты өмірін, төрт баласынан тараған ұрпақтары қызығын көруде. Ата, біз сізге ризамыз, аруағыңыз желеп - жебеп жатсын!
«Өлі риза болмай, тірі байымайды» дейді қазақ, Сіз де атаңызды еске алып, әруағын риза қылыңыз. Еліміз аман, жұртымыз тыныш болсын!
М. Сахарбаева «мұғалімдердің кәсіби дамуын психологиялық - педагогикалық қолдау» кафедрасының аға оқытушысы
232
0
0 дауыс
Оқи отырыңыз
Төлеген Мұсабеков: өткенін білмеген елдің болашағы бұлыңғыр
Төлеген Мұсабеков: өткенін білмеген елдің болашағы бұлыңғыр
Нұр - Сұлтан қаласындағы Халықаралық мектептің шығармашылық тобы «Назарбаев Зияткерлік мектептері» ДББҰ ұйымдастыруымен Ұлы Жеңістің 75 жылдық мерейтойына орай
Әлеуметтік жобалар: идеядан жүзеге асыруға дейін
Әлеуметтік жобалар: идеядан жүзеге асыруға дейін
Жуырда Нұр - Сұлтан қаласындағы Халықаралық мектепте 8 сынып оқушыларының әлеуметтік жобалар конференциясы ұйымдастырылды. Конференцияға 22 оқушыдан құрылған 8 топ пен 8 супервайзер қатысты, - деп хабарлайды осы білім ордасының баспасөз қызметі.
Полный текст Закона «О статусе педагога»
Полный текст Закона «О статусе педагога»
Настоящий Закон определяет статус педагога, устанавливает права, социальные гарантии и ограничения, обязанности и ответственность педагога.
ҰБТ электронды форматта өтетін болды
ҰБТ электронды форматта өтетін болды
Үкіметтің кезекті отырысында Білім және ғылымды дамытудың 2016 - 2019 жылдарға арналған мемлекеттік бағдарламасын іске асыру және 2025 жылға дейінгі жобасы мәселелері қаралды. Білім және ғылым министрі Асхат Аймағамбетов өткен кезеңдегі жұмыс
Латын негізіндегі қазақ тілі әліпбиінің жаңа нұсқасы
Латын негізіндегі қазақ тілі әліпбиінің жаңа нұсқасы
Президент Қ. Тоқаев бүгінде қолданысқа енген қазақ тілінің латын негізіндегі әліпбиінің кемшіліктері бар екенін айтып, тиісті мекемелерге оны қайта қарауды тапсырды.
2019 жылдың жұлдыз жорамалы
2019 жылдың жұлдыз жорамалы
Жаңа жылдан әрдайым жақсылық күтетін қазақ елінің әр бір азаматына тек жақсылық пен бақыт тілей отырып, 2019 жылға арналған жұлдыз жорамал ұсынып отырмыз. Армандаған армандарыңыз орындала берсін!
Пікірлер (0)