Бізбен байланыс
kum2017@yandex.ru
WhatsApp: +7 705 241 87 47

» » Жаңалықтың жаршыларына жырдан жауһар

Жаңалықтың жаршыларына жырдан жауһар

30 маусым 2020, Сейсенбі
Категориясы: Қоғам
Жаңалықтың жаршыларына жырдан жауһар
Бүгін елімізде халықтың тынымсыз тұрмыс - тіршілігінен, әлеуметтік әл - ауқатынан, қоғамдағы өзекті мәселелерден алғашқы боп хабар тарататын мәртебелі мамандық иелері – БАҚ өкілдерінің кәсіби мерекесі. Көрнекті жазушы Шерхан Мұртаза: «Журналистің арқалағаны - алтын, жегені - жантақ», - деп бекерге айтпаса керек. Қазіргідей ел басына туған қиын - қыстау сәтте індеттен ілгері, қауіппен қатарласа жүрген журналистер қауымы кәсіптеріне деген адалдықты ту етіп келеді.
Осынау мерейлі мереке қарсаңында Назарбаев Зияткерлік мектептерінің оқушылары мен оқытушылары бастаған жүрекжарды құттықтаулар легін «Назарбаев Зияткерлік мектептері» дербес білім беру ұйымының филиалы «Нұр - Сұлтан қаласындағы Халықаралық мектептің» оқушылары жалғастыруды жөн көрді. Зияткерлер өткір сөз бен ұшқыр қалам иелеріне өз қаламдарынан туған жыр шумақтарын арнады.


Қарамастан қауіпті дерт, індетке,
Биік қойған адалдықты міндетке
Жылдамдықпен таралады жер - көкке.
Жас - кәріні түгел жинап көк жәшік,
Атамызды үңілдірген газетке.
Тілші болу - ең қастерлі мамандық,
Халық атты қазыналы мектепке.
Бүгінгі күн сіздер үшін тым ерек,
Ақ тілектер жауып жатыр толассыз
Жақсылыққа арқау болсын мың себеп,
Біз сіздермен мықты қоғам болмақпыз!
Оқушылар өз жандарынан туған өлең жолдарында журналист болудың өзіне тән ерекшеліктері мен қиындығын да сөз еткен.
Алыс пенен жақындығын ғаламның
Көзбен емес сөзбен өлшер қауым бар
Жан бітірген сиясына қаламның
Бұл кім екен, ал, қанеки табыңдар
Жаңалықтың жаршылары дейміз біз,
Ойлағаны ел мен жердің тынысы
Өзге ешкімге құлақ асып, сенбейміз
Бұл журналист – халық үні, һәм көзі
Жарық күндей жарып шыққан тұманды,
Тілшілермен қоғам тіпті мәндірек
Құтты болсын төл мереке бүгінгі,
Қуанышқа куә болсын халық тек.
- Біз сіздерге арнап жазған жыр шумақтарымыз арқылы барша БАҚ өкілдерін төл мерекелерімен құттықтаймыз. Өркениет көшіне бет алған кезеңде бұқаралык ақпарат құралдарынсыз қоғамды елестету әсте мүмкін емес. Әсіресе, бүгінгідей сын сағатта. Журналистер қауымы тәуліктің қай мезгілінде болмасын, қолдарынан қаламдарын тастамай оқиға орнына ұмтылады. Ауру мен індеттің ошағында жүріп, халыққа жедел хабар таратады. Тіпті, бүгінгідей мереке күні олар сіз бен бізді толғандырып жүрген өткір мәселелердің бел ортасында жүр», - дейді зияткерлер.
- Бүгінгінің батырлары – дәрігерлер мен ұстаздарды, полиция қызметкерлерін әдеттегіден өзгеше құттықтауды оқушылар дәстүрге айналдырды. Бүгін бұл тізімді жақсылықтың хабаршылары, жаңалықтың жаршылары журналистер қауымы толықтырды. Билік пен қалың бұқараның алтын көпіріне айналған сала мамандарын жыр шумақтары арқылы құттықтау идеясын балалар өздері ұсынды. Оған мектептің баспасөз қызметінің «Egemen Qazaqstan» газетінің 100 жылдық мерейтойына арнап жазған «Жүз жыл тарих тоғыстырған тағдырлар» атты толғау өлеңі түрткі болғанға ұқсайды. Балалар барша журналистер қауымына деген ыстық ықыластары мен ақжарма тілектерін өлең шумақтарына сыйғызуға тырысты», - дейді білім ордасының баспасөз қызметі.
Сандуғаш Асанқызы Кожина,
"Нұр - Сұлтан қаласындағы Халықаралық мектеп" "Назарбаев Зияткерлік мектептері" дербес білім беру ұйымы филиалының баспасөз хатшысы
63
0
0 дауыс
Оқи отырыңыз
ПЕДАГОГТЫҢ БІЛІМ БЕРУ МАЗМҰНЫН ЖАҢАРТУ ЖАҒДАЙЫНДАҒЫ КӘСІБИ ДАМУЫ
ПЕДАГОГТЫҢ БІЛІМ БЕРУ МАЗМҰНЫН ЖАҢАРТУ ЖАҒДАЙЫНДАҒЫ КӘСІБИ ДАМУЫ
Әр қоғамның білім беру саласының алдына қояр мақсаттары мен одан туындайтын міндеттері ешқашан да бір - біріне ұқсаған емес. Ұстаздар қауымы алдына мемлекетіміз жай білім беру ғана емес, сонымен қатар өркениет көшінің сүбелі тұсынан орын алып, жол
Төлеген Мұсабеков: өткенін білмеген елдің болашағы бұлыңғыр
Төлеген Мұсабеков: өткенін білмеген елдің болашағы бұлыңғыр
Нұр - Сұлтан қаласындағы Халықаралық мектептің шығармашылық тобы «Назарбаев Зияткерлік мектептері» ДББҰ ұйымдастыруымен Ұлы Жеңістің 75 жылдық мерейтойына орай
Полный текст Закона «О статусе педагога»
Полный текст Закона «О статусе педагога»
Настоящий Закон определяет статус педагога, устанавливает права, социальные гарантии и ограничения, обязанности и ответственность педагога.
ҰБТ электронды форматта өтетін болды
ҰБТ электронды форматта өтетін болды
Үкіметтің кезекті отырысында Білім және ғылымды дамытудың 2016 - 2019 жылдарға арналған мемлекеттік бағдарламасын іске асыру және 2025 жылға дейінгі жобасы мәселелері қаралды. Білім және ғылым министрі Асхат Аймағамбетов өткен кезеңдегі жұмыс
Латын негізіндегі қазақ тілі әліпбиінің жаңа нұсқасы
Латын негізіндегі қазақ тілі әліпбиінің жаңа нұсқасы
Президент Қ. Тоқаев бүгінде қолданысқа енген қазақ тілінің латын негізіндегі әліпбиінің кемшіліктері бар екенін айтып, тиісті мекемелерге оны қайта қарауды тапсырды.
2019 жылдың жұлдыз жорамалы
2019 жылдың жұлдыз жорамалы
Жаңа жылдан әрдайым жақсылық күтетін қазақ елінің әр бір азаматына тек жақсылық пен бақыт тілей отырып, 2019 жылға арналған жұлдыз жорамал ұсынып отырмыз. Армандаған армандарыңыз орындала берсін!
Пікірлер (0)