Бізбен байланыс
kum2017@yandex.ru
WhatsApp: +7 705 241 87 47


М. Шаханов «Махамбеттің монологы»

12 мам 2016, Бейсенбі
Маңғыстау облысы, Жаңаөзен қаласы, №17 орта мектеп
Қазақ тілі және әдебиеті пәні мұғалімі Сутбаев Абубакир

Әдебиет 5 - сынып
Сабақтың тақырыбы: М. Шаханов «Махамбеттің монологы»
Сабақтың мақсаты: а) білімдік: М. Шахановтың өмірі мен еңбектеріне қысқаша сипаттама беріп, өлеңнің негізгі мәнін ұғындыру, ақын Махамбеттің бейнесін ашу; ә) дамытушылық: Оқушыларға тарихымыздағы дүниетанымдарын кеңейту, шығармашылық қабілеттерін дамыту;
б) тәрбиелік: Оқушыларды патриоттық тәрбиеге, ақын шығармашылығын тануға тәрбиелеу.
Сабақтың түрі: Танымдық сабақ.
Пәнаралық байланыс: Тарих, география, музыка.
Сабақтың әдістері: Сұрақ - жауап, топтық жұмыс, СТО стратегиялары, шығармашылыққа баулу.
Сабақтың көрнекілігі: Ақындар суреттері, кітаптар көрмесі, слайдтар.

Сабақтың барысы:
І. Ұйымдастыру кезеңі:
ІІ. Қызығушылықты ояту.(Слайдтан М. Шахановтың суретін көрсету).
• Ақын 1942 жылы Оңтүстік Қазақстан облысы Леңгір ауданы Қасқасу аулында дүниеге келген.
• Ақынның алғашқы «Сырдария» атты өлеңі 1959 жылы жарияланған.
• 1966 жылы тұңғыш өлеңдер жинағы басылып шықты.
• Кітаптары: «Балладалар», «Ай туып келеді», «Қырандар төбеге қонбайды», «Сенім патшалығы» т. б.
Біз бүгін М. Шахановтың «Нарынқұм зауалы» поэмасынан «Махамбеттің монологы» атты өлеңін өтеміз. Бұл тарихи шындыққа арналған өлең. Өздерің білетіндей, жауынгер ақын Махамбет ақын өз жерінен, атақонысынан айырылған елінің жоғын жоқтап, Исатай батырмен бірлесіп, ханға, сұлтандарға қарсы тұрды. Соғыста Исатай батыр қаза тапты, артынан Баймағамбет сұлтанның бұйрығымен Махамбет те ажал құшты. Махамбеттің соңғы монологын Мұхтар Шаханов өз жүрегінен өткізіп, Махамбет болып жырлағанын түсініңдер.

І бөлім: «Махамбеттің монологы»
(Бір оқушы жырды мәнерлеп оқиды).
Өлеңнің мазмұнынан тарихи мәліметтермен толықтырамын:
1846 жылы Баймағамбет сұлтанның жалдаған тыңшылары Ы. Төлеев, М. Нұралин, Ж. Боздақов және Ж. Өтеулин бірігіп, Қараой деген жерге барып, батырдың үйінде қонақ болып, батырды өлтіреді. Осыдан бір күн бұрын ақын түс көріп, кейін өзімен өзі сырласқан.

Топтық жұмыс:
топқа тапсырма: «Топтастыру» - «Махамбет ақын кім?». ( оқушылар тақтаға шығып, ақынды ақылдасып топтастырады ).
Махамбет - 1803 - 1846 жылдары өмір сүрген.
Азаттық көтерілісін ұйымдастырушылардың бірі.
Дауылпаз ақын, батыр, күйші.

Сөздік жұмысы:
зауал – қиындық, басқа қайғы түсу
дулыға – батырдың соғыста киетін бас киімі
ел наласы – ел қарғысы
пір тұту – сену мағынасында
пасық ойлар – адамға жамандық шақыратын ой.

• Сабақты бекіту:
Махамбеттің трагедиялық көңіл күйін өлеңде ақын жеткізе алған ба?
Лирикалық кейіпкердің(Махамбеттің) арманы қандай?
Сабақты ақынның өлеңінен үзінді оқып, қорытындылаймыз:
Мен сенемін, күні ертең,
Ақыл ойды пір тұтар деп ұлы өлкем,
Мынау дәурен бұрқан тарқан,
Ертең қайта өзгерер...
Шындап құлап сүйе алмауы,
Қылмыс санар кез келер.

Үйге тапсырма беру: « Махамбеттің монологы» тақырыбына ойтолғау жазу. Оқушылар білімін бағалау.
8 453
0
  • 0
0 дауыс
Загрузка...
Оқи отырыңыз
Махамбет Өтемісұлы Қызғыш құс өлеңі
Махамбет Өтемісұлы Қызғыш құс өлеңі
Отанын сүйетін патриот етіп тәрбиелеу, ерлік пен елдікті, батырлықты дәріптеу, олардың бойында қызығушылық, ізденушілік қабілеттерін арттыру.
Жалынды ақын – Махамбет
Жалынды ақын – Махамбет
Сабақтың мақсаты: Сабақтың білімділігі: Оқушыларға ақынның кім екендігін, оның қандай шығармаларын төменгі сыныптарда өткендігін еске алу
М. Шахановтың «Нарынқұм зауалы» поэмасы
М. Шахановтың «Нарынқұм зауалы» поэмасы
Атырау қаласы, Еркінқала орта мектебінің қазақ тілі мен әдебиеті пәні мұғалімі Мутигуллина Гүлсара Мергенқызы
"Төрт ана" Мұхтар Шаханов
"Төрт ана" Мұхтар Шаханов
Жамбыл облысы, Шу ауданы, Жаңа жол ауылы, Бауыржан Момышұлы атындағы орта мектебінің бастауыш сынып мұғалімі Шакирова Мейрамкул Елемесқызы
Махамбет – өр рухты ақын
Махамбет – өр рухты ақын
Мұғалім: Бекенова Индира Сабақтың тақырыбы: Махамбет – өр рухты ақын
Махамбет Өтемісұлы "Соғыс"
Махамбет Өтемісұлы "Соғыс"
Атырау облысы, Исатай ауданы, Нарын селосы, Нарын орта мектебінің қазақ тілі мен әдебиеті пәні мұғалімі Бөбек Есмағанбетова Ғалымжанқызы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.