Параллель проекциялау. Кеңістіктегі фигуралардың жазықтықтағы кескіні

Шығыс Қазақстан облысы, Катонқарағай ауданы,
Аққайнар ауылы, «Чернова орта мектебі» КММ - сі
математика пәнінің мұғалімі Базильбекова Сымбат Фазыловна

10 - cынып
Сабақтың тақырыбы: Параллель проекциялау. Кеңістіктегі фигуралардың жазықтықтағы кескіні.
Сабақтың мақсаты:
Параллель түзулер мен жазықтықтардың қасиеттерін қайталау, параллель проекциялаудың қасиеттерімен танысу; кеңістіктік фигураларды жазықтыққа бейнелеуді үйрету.
Сабақ түрі: аралас сабақ
Сабақтың типі: қайталау сабағы

Сабақтың құрылымы:
1. Ұйымдастыру кезеңі 2 мин;
2. Бұрынғы алған білімін еске түсіру 5 мин; (дұрыс - қатені анықтау)
3. Үй тапсырмасын тексеру 3 мин;
4. Жаңа сабақты түсіндіру 15 мин; жасалған презентация ның көмегімен
5. Сабақты бекіту 15 мин; сұрақтар мен есептер арқылы
6. Үйге тапсырма беру 2 мин;
7. Қорытындылау. Рефлексия 3 мин

Сабақтың барысы:
2. Бұрынғы алған білімін еске түсіру (дұрыс - қатені анықтау)
3. Үй тапсырмасын тексеру
a) Жазықтықтың кез келген нүктесі арқылы берілген түзуге параллель бірнеше түзу жүргізуге болады.
b) Егер екі параллель түзудің бірі жазықтықты қиып өтсе, онда ол екінші жазықтықты да қиып өтеді.
c) Кеңістіктегі екі қиылыспайтын түзу параллель болады.
d) Егер екі түзу бір жазықтыққа параллель болса, онда олар бір біріне параллель.
e) Егер екі параллель жазықтықты екі параллель түзу қиып өтсе, және осы түзулердің бойында жазықтықтардың арасында жататын кесінділер өзара тең болса, онда жазықтықтар параллель болады.

3. Жаңа сабақты түсіндіру
Презентацияның көмегімен центрлік проекция; параллель проекциялау; тік және көлбеу проекциялау; параллель проекциялаудың қасиеттерін түсіндіру.
Сабақты бекіту:
1. Дұрыс ABC үшбұрышының, оның BH биіктігінің және АK биссектрисының кескінің салыңдар.
2. ABCD трапециясы – теңбүірлі трапецияның кескіні. Осы трапецияның симметрия осін және биіктігін салыңдар.
3. A бұрышы 60 градус болатын АBCD ромбысының сүйір бұрышынан жүргізілген биіктігінің кескінің салыңдар.

1. Кесіндінің, үшбұрыштың, тіктөртбұрыштың, квадраттың, шеңбердің кескіні қандай фигура болады?
2. Қаңдай шамалар параллель проекциялауда өзгермейді? (кесіндінің ұзындығы, бұрыштың градустық өлшемі, кесінділердің ұзындықтарының қатынасы, фигуралардың аудандарының қатынасы)?
3. Параллелограмның кескіні трапеция болып, трапецияның кескіні параллелограмм болуы мүмкін бе?
Сабақты қорытындылау.