Бізбен байланыс
kum2017@yandex.ru
WhatsApp: +7 705 241 87 47


Жыл басына таласқан хайуанаттар

27 сәуір 2019, Сенбі
Категориясы: Оқушыларға
Жыл басына таласқан хайуанаттар
Ең ерте заманда хайуанаттар жылдың басы болуға таласыпты. Сонда жылқы айтыпты:
- Мен алысты жақын қыламын. Күшімді көреді, сүтімді ішеді, қылыма шейін арқан, жіп еседі. Адамға менен пайдалы мал жоқ, жыл ағасы мен боламын, – дейді.
Түйе айтады:
- Сен адамның жұмысын қылсаң, сұлы, шөп асайтын тамағың үшін құл болдың, міне, мен сен көтере алмайтын ауырды көтеріп, неше айшылық алыс жерлерге барамын. Аш болдым деп, арпа, сұлы сұрамаймын. Көде болса, көде, жусан болса, жусан, не кез келсе, соны қорек етіп, табылса, су ішіп, табылмаса, шөлде де жолға жүре беремін. Жыл басы болу маған лайық. Сиыр айтады: - Адам егін ексе, менімен егеді, сүтімді ішеді, құрт - май істейді, жыл басы болу маған лайық.
Қой айтады:
- Мен болмасам, қазақ үйін немен жабар еді. Жүнімді алып, киіз басады, жабағымнан киім тігеді, арқан, жіп еседі. Сүтімнен құрт - май алады, шаруаға менен пайдалыларың жоқ.
Ит айтады:
- Мен болмасам, сендердің көбіңді не ұрлап, не қасқыр жеп тауысар еді. Мен сендердің баршаларыңның бақташыңмын, дұшпан көрінсе, үріп, абалап, иеме хабар беремін.
Тауық айтады:
- Мен болмасам, кісі ерте жұмысына бармай, ұйықтап қалар еді. Мен ерте тұрып, таң атты деп шақырып, хабар айтамын. Кеш болса, жатар мезгіл болды деп, тағы шақырамын.
Тышқан не айтарын білмей тұрады да бір түрлі қулық ойлап, жиылған көпке айтады: - Бұл таластан еш нәрсе өнбес, жылды қарап тұралық та кім бұрын көрсе, сол жыл басы болсын.
Өзгелері қарап тұрғанда, түйе өзінің бойына сеніп: «Менен бұрын кім көреді?», – деп, тышқанның сөзін қостайды. Бәрі қарасып тұрады.
Біраздан соң тышқан жорғалап, түйенің өркешіне шығып отырады. Көп хайуан таласып: «Біз көреміз, біз көреміз»,– деп тұрғанда, ең биікте отырған тышқанды көріп, еш нәрсе демепті.
Сонан соң жылды бәрінен бұрын тышқан көріп, хабар беріп, жыл басы болыпты. Түйе бойына сеніп құр қалыпты.
Ертегілер еліне саяхат, ертегілер жинағы
1 281
1
  • 0
0 дауыс
Загрузка...
Оқи отырыңыз
Жыл басына таласқан хайуанаттар
Жыл басына таласқан хайуанаттар
Түйе айтады: — Сен адамның жұмысын қылсаң, сұлы, шөп асайтын тамағың үшін құл болдың, міне, мен сен көтере алмайтын ауырды көтеріп, неше айшылық алыс жерлерге барамын. Аш болдым деп, арпа, сұлы сұрамаймын. Көде болса, көде, жусан болса, жусан, не
Жыл басына таласқан хайуанаттар
Жыл басына таласқан хайуанаттар
Балаларға он екі жыл атаулары туралы түсіндіру. Балаларды достыққа, бір - бірін сыйлауға тәрбиелеу. Ұйымшылдыққа, Отансүйгіштікке, қайырымдылыққа тәрбиелеу.
Жыл басына таласқан хайуанаттар
Жыл басына таласқан хайуанаттар
Маңғыстау облысы, Бейнеу ауданы, Ж. Қалдығараев атындағы орта мектептің дайындық сыныбының мұғалімі Сынабаева Раушан
Наурыз-жыл басы
Наурыз-жыл басы
Қарағанды облысы, Жаңаарқа ауданы, Атасу кенті, Ю.А.Гагарин атындағы орта мектебінің бастауыш сынып мұғалімі Саденова Меруерт Айдарқызы
Жануарлардың қысқы мекені
Жануарлардың қысқы мекені
Шалқар қаласы, №6 орта мектебі Төреханова Г.
Үй жануарлары
Үй жануарлары
Етістікті, оның сөйлемдегі орнын, тұйық етістіктің жасалуы мен септелуін меңгеру дағдысын байқау.
Пікірлер (1)
Ақпарат
Қонақтар,тобындағы қолданушылар пікірін білдіре алмайды.
aiboll
aiboll Бас редактор 28 маусым 2019 00:42
0
Сабырлық туралы мақал-мәтелдер

Бір қолың ұрысшы болса,
екінші қолың арашашы болсын (Қазыбек би).
****
Бір жылға қоян терісі де шыдайды.
****
Ебетейсіз асыққан сүрінер.
****
Жатқан тастың астына су бармайды.
****
Келмей жатып қорықпа,
Көрмей жатып торықпа.
****
Қарадан қан шыққанша сарыдан жан шығады.
****
Құм шөлмек мың күн сынбас, бір күн сынар.
****
Отырған қыз орнын табар.
****
Сабын кірді ашады,
Сабырсыз сырды ашады.
****
Сабырлы адам сақтанып сөйлер,
Сабырсыз адам мақтанып сөйлер, сапырыстырып, ақтарып сөйлер.
****
Сабыр түбі сары алтын:
сарғайған жетер мұратқа,
сабырсыз қалар ұятқа.