ойын сауық отауы
Шахандағы жарылыстан соң Атырауда кемі 1800 пəтер орталық жылыту жүйесіне қосылуы мүмкін
20.01.2017 969 0 Дауыл

Шахандағы жарылыстан соң Атырауда кемі 1800 пəтер орталық жылыту жүйесіне

Жаңалықтар
Шахандағы жарылыстан соң Атырауда кемі 1800 пəтер орталық жылыту жүйесіне қосылуы мүмкін

Бұл туралы кеше, 19 қаңтарда аймақ басшысы Нұрлан Ноғаевтың Жылыой ауданына жұмыс сапары кезінде белгілі болды. Сапар барысында аймақ басшысы мəжіліс өткізіп, облыстағы жылу беру маусымының барысын талқылады. Жиынға облыстың коммуналдық шаруашылығына жауапты қызметкерлер қатысты.

Мəжілісте облыс тұрғындарының жеке қазандықтарды қауіпсіздік ережелерін сақтамай пайдаланып отырғаны сөз болды. Мəселен, Жылыой ауданында жеке қазандықтың 1858 пəтерде жағылып отырғаны, бірақ солардың 50 - інің ғана қауіпсіз екені айтылды. Мұндай жауапсыздықтың салдарынан былтыр облыста 41 адам газдан уланып, бір кісі қаза болған.

Əр аудан ерекшеліктерін ескеріп мəселені реттеудің өзінше жолдарын ұсынды. Мəселен, Жылыой ауданының əкімі тұрғындардан ережені сақтауды талап етеміз, болмаса оларды орталық жылу жүйесіне қосамыз десе, Махамбет ауданы əкімдігі мəселені бір топ пəтерге ортақ қазандық орнату арқылы реттейміз деді.

Мəжілісте айтылған тағы бір мəселе тұрғындардың қазандықтарын тексертуден қашатындығы болды.

"Атырау қаласындағы Балықшы ауданында тұрғындардың көбі артық жұмыстан қашып, есіктерін ашпайды. Сол себепті, қазандықтарды толық тексеріп шыға алмай отырмыз", - деді Атырау қалалық коммуналдық шаруашылық бөлімінің басшысы Серікбай Қазиев.

Аймақ басшысы Нұрлан Ноғаев қазандықтар мәселесін келесі жылыту маусымына дейін шешу керектігін баса айтып, қарамағындағыларға тапсырма берді.

"Қазандықтар мәселесін шешу ең алдымен тұрғындардың өздері үшін қажет. Қиын кезеңдерде халықтың жылыну үшін қазандықтарды асығыс жүріп өздері орнатып алғанын жақсы түсінеміз. Дегенмен, қазір жағдай түзелді. Қауіпсіздікті толықтай қамтамасыз етуге мүмкіндік бар. Бұл ең алдымен əр адамның, əр отбасының жеке қауіпсіздігі. Соны халық түсінуі керек. БАҚ арқылы тұрғындарға түсінік жұмыстарын жүргізуді тапсырамын", - деді облыс əкімі қарамағындағыларға.

Естеріңізге салалық, бұған дейін Үкімет басшысы Бақытжан Сағынтаев əкімдерге жылыту маусымын тиісті деңгейде өткізуді тапсырған еді.

Қаңтардың басында автоматтандырылған жылыту қазандығындағы ақаудың себебінен Қарағанды облысындағы Шахан елді мекені мен Шымкент қаласында ірі апат болып, бірнеше адам қаза тапты.

Атырау облысы әкімінің баспасөз қызметі

Атырауда 2 батыр анаға алқа табыс етілді Атырауда 2 батыр анаға алқа табыс етілді
Бүгін атыраулық қос анаға алтын және күміс алқа табысталды. Президенттің жарлығымен бекітілген алқаларды аймақ басшысы Нұрлан Ноғаев бүгін әйелдер
Қазақстанда ағылшын тіліне ресми мәртебе беру ұсынылды Қазақстанда ағылшын тіліне ресми мәртебе беру
Қазақстанда ағылшын тіліне ресми мәртебе беру ұсынылды. Бұл туралы бүгін Ақордада Елбасы Нұрсұлтан Назарбаевтың төрағалығымен өтіп жатқан билік
Атырау қаласына жастарға арналған заманауи саябақ керек Атырау қаласына жастарға арналған заманауи саябақ
"Атырау қаласына жастарға арналған заманауи саябақ керек деп ойлаймын. Сол себепті "банан бағы" жобамды ұсынамын. Қаланың Еуропа бөлігінде
Илья Жақановтың “Еділ - Жайық” атты ән кеші өтті Илья Жақановтың “Еділ - Жайық” атты ән кеші өтті
Кеше, 25 желтоқсан күні Атырауда композитор, жазушы Илья Жақановтың “Еділ - Жайық” атты ән кеші өтті. Кешті Атырау облысы тұрғындары және
Нұрлан Ноғаев кәсіпкерлерді халық алдында адал болуға шақырды Нұрлан Ноғаев кәсіпкерлерді халық алдында адал
“Күмісбектегі” қараусыз қалған ұңғымаларды өз ақшамызға бітеуге мәжбүр болдық. Ал бұған жауапты тұлғалар байланысқа шықпай отыр. Бұл, түптеп
Нұрлан Ноғаев: қазақ қоғамын ұлтсызданудан қорғауымыз керек деп мәлімдеді Нұрлан Ноғаев: қазақ қоғамын ұлтсызданудан
Атырау облысының әкімі Нұрлан Ноғаев қазақ қоғамын ұлтсызданудан қорғауымыз керек деп мәлімдеді. Аймақ басшысы бұл туралы облыста өткен республикалық
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×