ойын сауық отауы
Келіні бар адамның бір көзі көріп, бір көзі көрмеуі керек
03.12.2019 309 0 Admin

Келіні бар адамның бір көзі көріп, бір көзі көрмеуі керек

Бұл қызықты
«Келіні бар адамның бір көзі көріп, бір көзі көрмеуі керек. Бір құлағы естіп, бір құлағы естімеуі керек»
Иә, «қазақта білмегенді кешіре алмасаң, білгендігің қайсы?» деген сөз бар ғой. Сондықтан кейде енелер де даналық танытып, көп нәрсеге байыппен, ақылмен қарай білуі керек. Өзінің үлкен екенін, одан гөрі тәжірибесі молдығын ескеруі керек.
Осы ретте енелер тарапынан атқарылуы тиіс кейбір шараларды жаза кетуді жөн көріп отырмыз. Бәлкім, пайдасы тиіп қалар:
1. Иә, «келін алдым – қолым ұзарды» деп қуанып жүрген шығарсыз. Алайда, бұл - келін барлығын біліп тұруы керек, барлығын қатесіз орындауы керек деген сөз емес. Оның осы уақытқа дейін өзге отбасының тәрбиесінде өскенін, үйренісіп кеткенше тосырқайтынын естен шығармаңыз. Келін тәрбиелеудің ең ұтымды әдісі - кінәлайтын емес, үйрететін стильді пайдалану.
2. Егер келініңіз барынша тырысып, өз міндетін қалтқысыз орындап жүрсе, оны демеп, елеп - ескеріп, кейде тіпті, еңбегін бағалап, өзгелердің көзінше жақтап отырыңыз. Бұл әдіс оған мотивация болып, онан сайын жақсы қызмет етуіне құлшынысын оятады. Негізі енесінен мақтау, жылы сөз есту келінге «халық қаһарманы» деген атақты алғаннан да әсерлі болатынын білесіз бе?)
3. Жас отбасы болған соң басында балаңыз бен келініңіздің арасында ұсақ - түйек түсініспеушіліктердің болатыны анық. Мұндай кезде әр іске шұқшиып, жағдайды одан әрі ушықтырып жібермеуге тырысуыңыз керек. Егер балаңыз бен келініңіз келісе алмай жатса, ұлыңызды емес, келініңізді қорғаштауға тырысыңыз. Себебі, туған баласын ана бәрібір жек көріп кете алмайды және баланың да өз анасына деген мейірімі оңайлықпен суымайды. Ал ене мен келін жараса алмай қалса, ол жағдайды шешу, алшақтықтың орнын толтыру – дәл бұндай оңай бола қоймайды. Сондықтан балаңызға отбасын ұстап қалатын ер, азамат ретінде қарап, ал келінге жаны нәзік әйел - ана ретінде қарым - қатынас жасасаңыз, екеуінің арасын жарастырушы «алтын көпірге», жанашырға айналасыз.
4. Келініңіз жоқта балаңызға келініңізді мақтаңыз.
«Ой, біздің келін алтын ғой, Құдайға шүкір», «келінім айтқанымды екі етпей елпілдеп жүр», «шамасы жеткенше тырысып - ақ жүр», «келінім өзіме тартқан ақылды ғой» деңіз. Мұндайды естіген балаңыздың өз - өзіне деген сенімділігі артып, отбасын асырауға деген жауапкершілігі, әйеліне деген қадір - құрметі күшейе түседі. Аузынан тек жақсы сөз шығатын сізді де сыйлап, елпілдеп болады. Ал ұлыңыз жұмысқа кеткенде келініңізге балаңызды мақтап отырыңыз. Оның абыройын көтеріңіз. Бұл жастар арасындағы махаббатты, құрметті арттырып, отбасының сақталып қалуына көп көмегін тигізеді.
5.  Келініңізді ауылдағы басқа келіндермен салыстырмаңыз.
«Пәленшенің келіні былай жасайды екен, түгеншенің келіні керемет қой, шіркін!» деген секілді сөздер келіннің жүрегіне қаяу салады. Сізге деген құрметін кемітеді.
Иә, біреудің келіні сіздікінен гөрі жақсырақ шығар, бірақ біз идеал санап жүрген ол отбасының да бізден жасырын өз қате, кемшіліктері бар екенін ұмытпауымыз керек. Міне, бұл - ене мен келін арасындағы қарым - қатынастың нығаюына септігін тигізетін кейбір қағидалар.
Ұжымда ұялшақтыққа жол жоқ Ұжымда ұялшақтыққа жол жоқ
Кейде: «Қарапайымдылық адамды әдемі етеді» - дейді. Бірақ бұл қасиеттің жұмыста пайдасы бар ма? Өз орнын білу мен менмендік қасиет екеуі бір нәрсе
Адамға қатысты ырым - тыйымдар Адамға қатысты ырым - тыйымдар
Кісіге қарап есінеме Есеп бер әр ісіңе, білу керек түсіне. Есінеме, қарағым, аузыңды ашып кісіге. Ондай - ондай баланы, ақыл - есі шамалы
Келіндер жайлы мақал-мәтелдер Келіндер жайлы мақал-мәтелдер
Келіндер жайлы мақал-мәтелдер Келін жақсы болса немере тәтті Әр елден келін келер, Әр түрлі ырым етер.
Жақсы әйел қандай болуы керек? Жақсы әйел қандай болуы керек?
Жақсы әйел, сүйікті жар, сыйлы келін, аяулы ана қандай болуы керек? Осы сұраққа жауап іздеп көрейік. Кез келген адамның жақсы тұстарымен қатар
Бала бақытының құпиясы Бала бақытының құпиясы
Ата-аналардың көпшілігі балаларының жағдайын жасауға барынша күш салады, балада бәрі болуы керек: ойыншықтар, тәлім-тәрбие, білім. Дегенмен де,
Данагүл. Қазақ тарихындағы әйелдер Данагүл. Қазақ тарихындағы әйелдер
Данагүл Төле бидің келіні екенін көзі қарақты адамдардың барлығы біледі. Ол шамамен 1720 - 1790 жылдар аралығында өмір сүрген. Әкесінің есімі –
Жұпар ана. Қазақ тарихындағы әйелдер Жұпар ана. Қазақ тарихындағы әйелдер
Жұпар ана – Бәйдібек бидің келіні, Қоңырат Қызыл бидің қызы.
Киіз үй Киіз үй
Қазақта қасиетті үш нәрсе бар Қара шаңырақ, қара орман, қара қазан. Осы үшеуін аман сақтап қаламын деп Қанша қазақ қыршынынан қиылған.
Жас келін Жас келін
Жаңа түскен жас келін, Кемпірлерге ас келін. Орамал - шаршы бермесе, Абұйырсыз тас келін.

Пікірлер (0)
Пікір білдіру
Пікір білдіру
код көрінбесе қайта басыңыз