ойын сауық отауы
Қонақ келсе - құт
14.01.2020 94 0 Admin

Қонақ келсе - құт

Бұл қызықты
Үйіңізге келген қай қонақты сыйлықсыз қайтаруға болмайтынын білесіз бе?
"Қонақ келсе - құт" деген аталы сөз бар. Егер қонағыңыз риза болып кетсе, мейманның құты сіздің үйге орнайды. Халқымыз үйіне келген қонақты сый - сыралғысыз қайтармаған. Сыйлық ұсынудың өзінде терең мән мен мағына жатыр. Осы орайда босағаңыздан аттаған үш кісіні құр қол қайтармай, дәрежесіне сай сыйлық беруіңіз керек.
Қария кісі
Айтатын өсиеті бар, көрсетер өнегесі мол, беретін батасы бар қарияларға міндетті түрде сый көрсетіп, қошеметтеу керек. Есігіңізден енгеннен бастап - ақ, қалың көрпе төсеп, жастық ұсынып, жылы - жұмсақ тамақ жасаған абзал. Барлық құнарлы, пайдалы асты алдына тосып, қазыналарымыздан бата, тілек алған жөн.
Олар сізге екі дүниенің жақсылығын тілеп, ұрпағыңызбен ұзақ жасауыңызға тілектестігін білдіреді. Отбасыңызға Алладан амандық - саулық сұрап, балаларыңыз бақытты болсын деп ақ батасын береді.
Міне, бар жақсыны тілеп отырған қарияға сәулетіне сай шапан жауып, ақ жаулықты дана әжеміздің басына ақ орамал тастау керек.
 Нәресте
Жаңадан дүние есігін ашқан нәресте анасынан қалмай сіздің шаңырағыңызға қонақтардың санын толтырып келеді. Анасының құшағы мен бесігін ғана білетін оларға да сыйлық берсеңіз, кеміп қалмайсыз.
Баланы қуантқанды Жаратушының өзі қуантады емес пе? Балаға берген сыйлық өзіңізге еселеп қайтады. Алла босағаңызға береке, шаңырағыңызға құт дарытады. Ырысыңыз молайып, қуанышқа кенелесіз. Бір сәтке болса да бесігіңіз тербеледі, ананың әлдиі шырқалады. Мұның өзі білгенге тамаша шаттық болмақ.
Ал есі кіріп қалған балаға кішкентай болса да ойыншық ұсыныңыз. Ойын баласы қолындағы жаңа затқа мәз болып, сізді ұзақ уақытқа дейін ұмытпайды.
 Жас келін
Бауырыңыздың, қайныңыздың немесе туысыңыздың таңдап алған жарын үй көрсетуге шақыру кез келген қазақ келіндеріне тән дүние. Үйді көрсін, жақыннан аралассын, той - томалақта қызметте болсын деген ниетпен жаңадан түскен келінді шаңыраққа шақырып, шай беру қазақтың дәстүрінде бар.
Демек, отбасыңызға жаңадан келіп қосылған, сіздің сапыңызды толықтырған келінді де құр қол қайтаруға болмайды. Оған да шамаңызға қарай көйлек, халат немесе орамал секілді сыйлық ұсынсаңыз болады. Тіпті, ыдыс - аяқтың өзі де керемет сый болмақ. Сізбен, сіздің отбасыңызбен жақыннан танысқан келін де өзін бөтенсітпей, сіздерге жақындайды.
Міне, осы аталған қонақтарға сый ұсыну арқылы көрегенділігіңізді, тектілігіңізді байқатасыз. Жалпы, дастархан жайып, қонақ шақыру – жақсы келіннің жақсы қасиеті болмақ. Жақсы келіннің үйінен қонақ үзілмейді. Құт қонақтап, береке дариды деген ескілердің сөзі бар.
Қонақ құдайдың елшісі Қонақ құдайдың елшісі
Бір әйел кісі күйеуінің үйіне көп қонақ ертіп келетінін, соның себебінен қиындыққа тап болып қалатындығы жайында пайғамбарымызға (саллаллаһу әлейһи
Мінезің қара жерден ауыр болсын Мінезің қара жерден ауыр болсын
Сырым жас кезінде Есентемір Бөкен биге батасын алайын деп және ақыл сұрайын деп ат, шапан алып барады. Барып қонақ болғаннан кейін Бөкен Сырымнан
Алғыс дәметпе! Алғыс дәметпе!
Бір ауылда данагөй ақсақал өмір сүріпті. Одан ақыл сұрап жан - жақтан адамдар келіп тұрады екен. Күндердің бір күні әлгі қарияға көрші ауылдан бір
Қонақ келсе – құт келеді Қонақ келсе – құт келеді
Үй қалай тазарады білесіздер ме? Үй қонақ келсе тазарады екен.
Наурыз бата Наурыз бата
Ниеттерің ақ болсын, Наурыздың ақша қарындай! Бастарыңа бақ қонсын, Шашыңның барлық талындай!
Қазақ халқының тағам ұсыну тәрбиесі Қазақ халқының тағам ұсыну тәрбиесі
Қазақ халқының кісі сыйлау, үйге келген кісінің қолына су құйып, ас - тағам ұсынуының өзінен үлкен адамгершілік пен мәдениеттілік қасиетімен
Сүйінбай ақынның Жамбылға берген батасы Сүйінбай ақынның Жамбылға берген батасы
О, Жамбыл, бата дедің, бердім саған, Бақытты, өмірлі бол, жүргін аман. Батасын ат орнына берді ғой деп, Қоймағын былай шығып кінә маған.
Шақырғанда жауың да келер саған Шақырғанда жауың да келер саған
Табысымды жүргем жоқ санап пайда, Қонақ қайда, келетін қонақ қайда? Әлде, біздің пәтердің «әйелінің» «Ашуланшақ» мінезі жолатпай ма?
Бай мен қонақ Бай мен қонақ
«Қазақтың көп жұмысы не?» – десеңіз, Айтайын, жамандайды демесеңіз. Көргеніңді сөйле деп айтқызып ап, Қайта айналып етімді жемесеңіз.

Пікірлер (0)
Пікір білдіру
Пікір білдіру
код көрінбесе қайта басыңыз