ойын сауық отауы
Бір сұлу қыз тұрыпты хан қолында
02.04.2016 3 432 0 Дауыл

Бір сұлу қыз тұрыпты хан қолында

Өлеңдер
Абай Құнанбаев

Бір сұлу қыз тұрыпты хан қолында,
Хан да жанын қыяды қыз жолында.
Алтынкүміс кигені, қамқа, торғын,
Күтуші қыз келіншек жүр соңында.
Деген сөз: "Бұқа буға, азбан дуға",
Хан қарық боп түсіп жүр айғай шуға.
Етімді шал сыйпаған құрт жесін деп,
Жартастан қыз құлапты терең суға.
Сән салтанат жұбантпас жас жүректі,
Кім де болса тұрғысын көксемекті.
Мезгілі өткен дәуренді қуалаған,
Не қылсын бір қартайған өу сүйекті.
Кәрі, жас дәурені өзге тату емес,
Епке көнер ет жүрек сату емес.
Кімде кім үлкен болса екі мүшел,
Мал беріп алғанменен сатын емес.
Есерлер жас қатынды тұтады екен,
Жас қайғысын білдірмей жұтады екен.
Ортасында бұлардың махаббат жок,
Тұсап қойған қашырар бұқа ма екен?
Бай қартайса, малына берер шылбыр,
Мал өмірді жанғыртпас, құдай ұрғыр.
Біреудің қызын алып малға сатып,
Баяғыны іздеген қандай құрғыр?
Қатыным қалай демес ақсақал бай,
Сонымен дос боп жүрсің, япырым ай!
Қу қатынның майысса, мәз боласың,
Шайтанның шәкіртінің қылығын ай!
Қартаң бай, қатты сақ бол, тілге көнсең,
Мүйіз шығар қатынның тіліне ерсең.
Тіпті оңбассың, өзіңе өзің мәз боп,
Дастарқан мен қатынды мақтан көрсең.
Кінәсіз бәйбішемен болады араз,
Жастың көңілі жылымас, ол өзіне аз.
Біреуі көк балдырған, бірі қурай,
Бір жерге қосыла ма қыс пенен жаз?
Үнем болмас құйрықты бұлаңдатқан,
Сауырына шапақтап, сүіп жатқан.
Екі көңіл арасы жылшылық жер,
Оны қайтып қосады ол ант атқан?
Абай Құнанбайұлының басқа өлеңдерін қарау

Кәрі жілікті босағаға неге іледі? Кәрі жілікті босағаға неге іледі?
Қазанға ет салғанда алдымен «Бісміллә»деп кәрі жіліктен бастап салады. Себебі кәрі жілік еттің бәрін ұстап тұратын қасиетке ие. Оны шақпайды, құда
Қызғанбайтын болдық-ау қатынды да Қызғанбайтын болдық-ау қатынды да
Қызғанбайтын болдық-ау қатынды да, Ғаламторда тілдесіп жатыр мұнда. Қандай дос ол, кімменен сөйлесті деп, Салынбаймыз сары уайым, қайғы мұңға.
Жақсы келіншектің үш белгісі бар: жүзінде күлкі, қолында оқтауы, тілінде тоқтауы бар. Жақсы келіншектің үш белгісі бар: жүзінде күлкі,
Жаман келіншектің екі пышағы болады екен: біреуі қолында, біреуі – тілінде. Қолындағысымен нанын турайды, тіліндегісімен жаныңды турайды. Ал, жақсы
Шайтан Шайтан
Мұңлы шайтан — құдайдың қуған жаны, Күнәлі жер кез келіп бір ұшқаны. Өткен жақсы дәурені ойында оның, Сондағы не көргені, не қылғаны.
Құр айғай бақырған Құр айғай бақырған
Құр айғай бақырған Құлаққа ән бе екен? Өнерсіз шатылған Кісіге сән бе екен?
Үй іші - семьяға байланысты мақал - мәтелдер Үй іші - семьяға байланысты мақал - мәтелдер
Үй іші - семьяға байланысты мақал - мәтелдер
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×