ойын сауық отауы
Қасқыр менен қозы - Спандияр Көбеев
20.03.2019 1 459 0 Дауыл

Қасқыр менен қозы - Спандияр Көбеев

Өлеңдер
ҚАСҚЫР МЕНЕН ҚОЗЫ - Спандияр Көбеев
Ашығып қасқыр байғұс іздеп тамақ,
Қыдырып жер қоймады күн - түн сабап;
Далада бір хайуан кез келмеді,
Ауылға жуытпады иттер қамап.
Қыдырып тастамады елден елді,
Секіріп ор қояндай жалақ жерді,
Бұлаққа су ішуге келген ҚОЗЫНЫ.
Көрді де зәлім, кәпір сөйлей берді.
Ойлайды кінә қойып жейін деп мең
Сол тигеннен осыным болар деп жөн.
— Шақырған сені, ақмақ, кісі бар ма?
— Деп сөкті,— бұл араға неге келдің?
Әкеңді алдыңдағы танымайсың,
Басыңда ақылын; жоқ кішкентайсың
Әдейі шөлдеген соң келіп едім,
Суымды ішетұғын лайлайсың.
Жетіп едім ашығып, өліп - талып,
Ойыммен ішейін деп мейірім қанып.
Әдейі таза суды бүлдірдің - ау,
Арамдап әй, ақмақ, аузың, малып.
Сөзіңе құлақ қоймас болса жаман,
Жақындап бері келші маған таман,
Суымды әдейі келген бүлдіргенде,
Не қылсам болады рауа, қозы, саған.
— Әй, батыр сөгер болсаң жөнімен сөк,
Кісіге айыбы жоқ соқтықпа тек,
Сенен мен жүз қадамдай төмен тұрмын,
Айтасың қай араны лай болды деп,
Және аузым сенікінен арам емес,
Жоқ жерден шығарасың қалай кеңес,
Өзіңе мықтылығың, жайыңа жүр,
Батыр - ау, сесің маған керек емес.
— Аузыңнан қалай - қалай шығады отың,
Былтыр да осы арада боқтап кеттің,
Мінекей тағы былай етіп тұрсың,
Кетерлік болмады ғой сенің датың.
— Жоқ сөзбен тұрсын, батыр қинап мені,
Сөйлей бер тек езіңе болса жөні,
Былтыр бітіп анама биыл тудым,
Боқтаймын қай арада, Қақа, сені?
— Сен болмасаң бірге туған ағаң шығар,
Болмаса сені тапқан анаң шығар,
Егерде ол екеуі болса жаңылыс,
Әйтеуір сіздің тұқым, құдаң шығар.
Сені баққан қойшы мен иті дағы,
— Бәрің, маған жамандық ойлайсыңдар,
Иең де мен дегенде қояды қол,
Ашықтым, айтар сез жоқ, айыбың сол,
— Деді де қозыны алып кірді ағашқа,
Жауаптан жеңілген соң, жүдеген сор,
Жауыздар бұл секілді бізде де көп,
Жүрмейтін жайын біліп жөніне тек,
Біреуге залымдықпен назары ауса,
Келеді жоқ нәрсені кінә қылып.

Қарға - Спандияр Көбеев Қарға - Спандияр Көбеев
Осылай масқара боп батыр қарға, Қарқылдап, байбаламдап жатыр қарға, Қойшылар қанат-құйрығын бірдей жұлып, Беріпті ойнаңдар деп балаларға.
Арыстан менен кісі - Спандияр Көбеев Арыстан менен кісі - Спандияр Көбеев
Мықты болсаң күшіңе серік болсын ақыл, Бес күндік дүниеге еріп болма ғафыл, Кейінгі балалардың пайдасы үшін, Көрсетіп тәржімамен айттым нақыл, Құр
Түлкі менен жүзім жемісі - Спандияр Көбеев Түлкі менен жүзім жемісі - Спандияр Көбеев
Біреудің сап алтынын қолындағы, Жамандап надандар көп мыс қылатын. Асылдың жамандаумен заты кетпес, Көңілден сондай сөздің, даты кетпес, Кейбіреу
Қасқыр менен мысық - Спандияр Көбеев Қасқыр менен мысық - Спандияр Көбеев
Аңшылар аңға шықты мылтық алып, Иттерін жүйрік - жүйрік ертіп алып, Ішінде қалың тоғай ұйықтап жатқан, Бір қасқыр қаша берді тұра салып.
Қасқыр менен тырна - Спандияр Көбеев Қасқыр менен тырна - Спандияр Көбеев
Қасқырдың есітуге аты жаман, Қайтадан қалыпқа енбес дәті жаман, Түзеліп лауахазда кісі болмас, Шыққаннан дүниеге болса надан.
Қасқыр мен қозы Қасқыр мен қозы
Бұлаққа су ішуге келді Қозы, Жанында серігі жоқ, жалғыз өзі. Бәрі жоқ десең, шығар бөрік астынан, Бәле мен қаза алыс па, келсе кезі.
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×