Сені сүйдім...

Сені сүйдім...
Сені сүйдім,
Жансерігім,- деп келем,
Өміріме көрік берген көктем ең.
Қысқы ызғар жауратса да жаныңды,
КӨҢІЛІҢДІ СУЫТПАШЫ тек менен.
ЖАЛЫҚПАШЫ,
Менен,
Менен, өтінем,
Мейірімге жарымаған "жетім" ем.
Сені көрем батқан күннің көзінен,
Сені көрем аққан судың бетінен.
Мендік сезім жермен көкті өртеді,
Мендік сезім жұмбағы көп ертегі.
Бір - ақ сәтте бақыт жайлы ән салып,
Бір - ақ сәтте мұңлы күйін шертеді.
ЖАЛЫҚПАШЫ,
Менен, қалқам,
Жалықпа,
Сені ессіз сүйетінім анықта.
Өліп - талып сүйгенімде риясыз,
Өтінемін, сенімсіздік танытпа.
Санжар Ғұлама