11.05.2016 4 955 0 Дауыл

Соғыстың соңғы көктемі

Өлеңдер

Мұқағали Мақатаев

Жасылмен бояп қойған ба?!
Жап - жасыл таудың бөктері
Қырлар да, мынау ойлар да,
Жап - жасыл болып көктеді.
Соғыстың соңғы көктемі.
Көп болды, жасыл тауларға,
Жап - жасыл бұлттар шөккелі.
Әкелді шуақ бар маңға,
Соғыстьң соңғы көктемі.
Соғыстың соңғы көктемі,
Көп болды нұрын төккелі.
Жап - жасыл анау аспан да,
Аспан да, сірә, көктеді.
Бойына таудың асылып,
Шұғыла тұрды, көк меңі.
Қызғанып, гүлін жасырып,
Қылтанақтар да көктеді.
Соғыстың соңғы көктемі.
Жап - жасыл шыбық, тал - дағы,
Орманның жасыл шекпені.
Қуанта, бірақ, алмады,
Сонау бір үйді шеттегі,
Соғыстың соңғы көктемі...

Мұқағали Мақатевтың өлеңдері 1
Мұқағали Мақатевтың өлеңдері 2

Оқи отырыңыз

Келеді еріншек түн

Келеді еріншек түн. Жасыл құрақ. Үн де жоқ жағада түк. Көл мөлдіреп көзіндей келіншектің, жанарына аспанды паналатып,

Тағы да күз, тағы, міне, сары таңды ұзақ түн

Тағы да күз, тағы, міне, сары таңды ұзақ түн, Уысында тағы да мен ұйқы дейтін тұзақтың, Ой - хой, шіркін, тағы да бір күзді, міне, ұзаттым, Өмірімнің

Сағатым қайда, сағатым

Қалған ба тағы таң атып?! Жайған ба жасыл қанатын?! ... Таусылмас менің тағатым Соқ, соқ, соқ, менің сағатым!

Сарыжайлау

Жазира, жасыл кілем өрнектеген, Туған жерге, дариға, жер жетпеген! Кең өлкем, әлдилей бер сен деп келем, Аңсап келем, сағынып, шөлдеп келем.

Мәңгілік жастық

Мәңгілік жастық, Мәңгілік жасыл, Көкпеңбек. Алақай, біздің алаулы жастық еткен жоқ! Қуарған күз де, Бозарған қыс та, мінеки, Майменен бірге оралды

Көктемде

Мына келген көктем бе?! Сүйісуде кептерлер. Көз ұшында, көк белде, Түйісуде көк пен жер.