ойын сауық отауы
Наполеон торты
05.11.2019 5 949 0 Дауыл

Наполеон торты

Ас дайындау
Торт Наполеон
Қамыр құрамы:
Ұн - 750 грамм
Сары май немесе маргарин - 600 грамм
Жұмыртқа – 2 бас
Тұз - 1 шай қасық
Сірке қышқылы (уксус) 5 - 7% - 1, 5 ас қасық
Су - шамамен 220 миллилитр


Екі жұмыртқаны жарып үстіне тұз, сірке қышқылы және суды құйып жақсылап араластырып тоңазытқышқа салып қоямыз. Ұнды електен өткіземіз оның үстіне сары майды үккіштен өткіземіз де ұнмен майды араластырамыз, мыжымаймыз. Үстіне тоңазытқышта тұрған суды әкеліп құямыз да ұнды біріккенше жаймен араластырамыз. Мұқият илеу қажет емес. Ұн шашылмайтындай болып тұрса жеткілікті, содан соң, целлофанға орап тоңазытқышқа кем дегенде 4 - 5 сағатқа салып қою керек.

Тоңазытқыштан қамырды шығарып қалауыңызша бөлікке бөліп жұқалығын 3 - 4 мм болатын етіп жаямыз, жайылған қамырды шанышқымен тесіп - тесіп қойған дұрыс, 200 градус ысытылған пеште 20 минуттай пісіреміз. Бетіне себуге арналған пәтірді 25 минуттай пісірген дұрыс, қаттырақ қызарып піскені дұрыс.

Наполеон тортының крем құрамы:
Сүт - 1 литр
Шекер - 300 грамм
Жұмыртқа - 4 бас
Ұн - 120 грамм
Сары май - 320 грамм
Ванильді қант - 10 - 15 грамм
Шекер ұнтағы бетіне себуге - 3 ас қасық


Кастрөлге сүтті құямыз үстіне шекерді саламыз да отқа қоямыз, шекер ерігенше араластырып тұрамыз. Отты жай басып қоямыз. Бөлек ыдысқа жұмыртқаны жарып саламыз да үстіне ұнды салып араластырамыз, отта тұрған сүтті ожаумен жайлап жұмыртқа үстіне құямыз, араластырып тұру қажет (жұмыртқа пісіп қалмас үшін). Түгел араластырып болған соң отқа қойып, крем дайын болғанша яғни қоюланғанша пісіреміз. Оттан түсіріп салқын жерге шығарып қоямыз.

Кремге қосатын сары майды тоңазытқыштан шығарып қойған дұрыс, жұмсарып тұруы керек. Сары майды миксермен жақсылап араластырамыз да үстіне аздап алдында дайындаған кремді салып тұрып араластырамыз, арасында ванильді қантты да қосып жібереміз, мұқият араластырылған соң крем дайын болады.
Дайын болған кремді пәтірдің арасына, сыртына түгел жағамыз. Қалған пәтірді мыжып майда үлпіршек қылып шекер ұнтағымен араластырып торттың бетіне, сыртына түгел сеуіп шығамыз.

Дайындаған: Асыл
Қаттама Қаттама
Үлкендеу табаққа ұнды елеп аламыз, тұзды суды ұнның үстіне құйып жұмсақтау етіп қамыр илейміз. Қамырды 5 - 10 минутқа қалдырамыз.
Ет қосып пісірілген бәліш Ет қосып пісірілген бәліш
Үлкен ыдысқа сары майды ерітіп салыңыз, қаймақ, жұмыртқа, тұз салып араластырыңыз.
Картоп езбесі қосылған нан Картоп езбесі қосылған нан
Үлкендеу табаққа жылы сүтті құйыңыз үстіне картоп езбесін салып араластырыңыз.
Орама нан немесе ханым Орама нан немесе ханым
Ең алдымен қамырды илеп дайындап қою қажет. Үлкен ыдысқа ұнды електен өткізіңіз, бөлек ыдысқа жұмыртқаны жарып тұз салып суды құйып дайындап
Бал қосылған торт (Торт медовик) Бал қосылған торт (Торт медовик)
Торт медовик Бұл тортты дайындауда үшін қамыр қоймалжың болуы шарт.
Алма қосылған бәліш (пирог) Алма қосылған бәліш (пирог)
Алма пирогы Ең алдымен ұнды елгезермен елеп алыңыз да тоңазытқышта тұрған сары майды майдалап кесіп ұнмен араластырыңыз, жақсылап араластырып алған
Наполеон торты Наполеон торты
Үлкен табаққа сүтті құйыңыз, жұмыртқа, тұз, шекерді салып араластырыңыз да ұнның жартысын салып қасықпен қою болғанша араластырыңыз содан соң соданы
Бәліш (пирожки) Бәліш (пирожки)
Сүтті жай отта қойып жылытып алу керек. Жылы сүтке шекер, ашытқы, тұз, сұйық майды құйып араластырыңыз. Ұнды електен өткізіп салып жұмсақ етіп қамыр
Тез дайындалатын қарапайым торт Тез дайындалатын қарапайым торт
Бұл торт арнайы мерекеге немесе қонаққа арналып жасалатын торт емес, үйде өзіміз үшін арнап пісіруге болатын торттың рецепті.

Пікірлер (0)
Пікір білдіру
Пікір білдіру
код көрінбесе қайта басыңыз