Білімділер поралы
загрузка...
загрузка...

Ата салты - асыл қазына

Астана қаласы, №68 орта мектептің
өзін - өзі тану пәнінің мұғалімі,
Қазақстан Республикасы Білім беру ісінің құрметті қызметкері
Есенбаева Роза Түзелбайқызы

Өзін - өзі тану пән апталығында 11 сынып оқушыларымен өткізілген тәрбие сағаты
Сабақтың тақырыбы: Ата салты - асыл қазына
Құндылық: Дұрыс әрекет
Қасиеттер: Құрмет көрсету, сүйіспеншілік, адамгершілік;

Сабақтың мақсаты:
1. Ұлттық салт - дәстүрдің, ата салтының ұрпаққа мұра ретіндегі маңызын түсіндіру.
2. Оқушыларды ата салтына адал болуға, қастерлеуге, сақтауға, жасампаздықпен дамытуға үйрету.
3. Ұлтжандылыққа, ата салтына беріктікке, парасаттылыққа тәрбиелеу.

Сабақтың міндеті:
1.«Ата салтының» ұлттық құндылық ретіндегі мәнін ашу;
2. Ата салтын жіті біліп, оны құрметтеудің перзенттік борышы екенін түсіндіру;

Сабақтың жоспары:
І. Кіріспе Салт - дәстүр - халқымыздың бай қазынасы.
ІІ. Негізгі бөлім
*Ұлттық тәрбие өнегесі.
*Халқын сүйген – халқының салтын сүйеді.
*Дәстүр жалғастығы – ұлт болашағы.
ІІІ. Қорытынды бөлім
Ұлт тағдыры – ұрпақ қолында.

Сабақтың барысы:
1 - ші жүргізуші: Қазақ халқы салт - дәстүрге өте бай ел. Бұл оның мәдениетті әрі тәрбиелі ел екендігінің белгісі. Біздің халқымыз ұрпақтарына ғасырдан ғасырға ұлт қасиетін салт - дәстүрмен, өнегені әдеп – ғұрыппен, үлгіні жөн - жосықпен, әдепті ырым - тыйыммен тәрбиелеп, аса сенімді, әрі ғажайып жол екенін көрсетті.
2 - ші жүргізуші: Отаншылдық, ерлік, мәрттік, жомарттық, қайырымдылық, жоғары адамгершілік қасиеттер осы жол арқылы дарыған.
1 - ші жүргізуші: Қазақ дәстүрі - ата - ананы, үлкенді сыйлауға баулиды. Үлкенге сәлем беру, жол беру, қонақты қарсы алу, жолдас - жораға қайырымды болу сияқты дәстүрлер өмір бойы ескірмейді.
2 - ші жүргізуші: Халықтық жақсы дәстүрлерді ешбір ұлы адам аттаған емес, әрбір жас дәстүрді қорғаушы, орындаушы әрі дамытушы болуы керек.
Көрініс көрсету «Бақытты жастар ауылы»
Ауыл ақсақалы: Уа, балалар, мына ауыл қандай керемет еді! Паһ, шіркін берекесі мен бірлігі қатар қонған бақытты ел екен.
Ауыл анасы: Иә, дұрыс айтасыз, ақсақал! Бұл ауылдың жастары әдепті, білімді, ата - аналарын сыйлап, ұлттық тәрбиеге құрметпен қарайтын жастар екен.
Ауыл ақсақалы: «Алтау ала болса, ауыздағы кетеді,
Төртеу түгел болса, төбедегі келеді», - дегендей бірлікті жаны сүйген, тату – тәтті, білім нәрімен сусындаған жастар екен ғой.
1 - ші жүргізуші: Келіңіздер, көріңіздер! Біздің ауылдың қыздары әдепті әрі сыпайы, шеттерінен өнерлі. Ал, жігіттерге келсек «сегіз қырлы, бір сырлы», сабырлы әрі ұлтжанды, білімді жастар.
2 - ші жүргізуші: Құрметті қонақтар! Біздің шағын ғана «Бақытты жастар ауылы» атануымыз, ең бірінші – тәлім – тәрбие берген ұстаздарымыз бен өздеріңіз сияқты жақсылыққа бағыт сілтеген ата - анамыздың еңбектерінің жемісі деп ойлаймыз. Біз ана тілімізді сүйеміз, салт - дәстүріміз бен тарихымызды құрметтейміз.

1 - ші жүргізуші: Біз бойымызға ұлттық ізгі қасиеттерді дарыта отырып, жалпы адамзаттық құндылықтарды меңгеруге ұмтылған, білім нәрімен сусындаған, алдымызға мақсат қою арқылы биік белестерден көрінетін ХХІ ғасырдағы Қазақстан Республикасының азаматтары боламыз.
2 - ші жүргізуші: Ал, құрметті қонақтар, ауылымызға қош келдіңіздер!
(Ауыл жастары қонақтармен амандасу рәсімін көрсетеді)
Ақсақал, «Батамен ел көгерер, жаңбырмен жер көгерер» демекші жастарға бата беріңіз.
(Ақсақал жастарға бата береді)
Ауыл анасы: Осы ауылда бүгін той болады деген қуанышты хабарды естіп, шашуымды ала келдім.
1 - ші жүргізуші: Бүгін біздің ауылда үлкен той. Жас сәбидің тұсауын кесу тойы. Тұсау кесу – қасиетті салт – дәстүрдің бірі, сәбидің өмірге алғашқы аяқ басу тойы.
2 - ші жүргізуші: Бұл әдемі дәстүрді ауылымыздың қадірлі, көпті көрген, ұлағатты адамдары сәбидің болашағына ақ жол тілеп, тұсауын кессін.
Шашу шашылып, жұрт көңілденеді.
1 - ші жүргізуші: Ал, құрметті халайық! Қазақ халқының барлық тойы, салт - дәстүрі ән мен жырсыз өтпеген. Ауылдың алты ауызын, сіздерден сұрайық. Қане, кімнің тойға әнмен шашу шашпақ ойы бар?
Әсем мен Қымбаттың орындауында “Қазақтың салт - дәcтүрлері” әні
2 - ші жүргізуші: Келесі кезекті «Бақытты ауылдың» жастарына берейік, ой - пікірін тыңдайық.
1 - оқушы: Мен ұлтымның салт - дәстүрін құрметтеймін, себебі ол - мен үшін үлкен тәрбие бесігі.
2 - оқушы: Салт - дәстүр - қазақ халқының күделікті өмірімен байланысты, оны бөліп алу мүмкін емес деп ойлаймын.
3 - оқушы: «Анасын көріп, қызын ал, аяғын көріп асын іш...» демекші, ана тәрбиесі мен үшін басты бағыт - бағдар.
4 - оқушы: «Әке көрген оқ жонар...» дегендей, әке тәрбиесінің ерекше мәні бар, жауапты іс.
5 - оқушы: Жүрегі иманды, адамгершілігі жоғары, білімді қазақ қызын - ең сұлу қыз деп бағалаймын.
6 - оқушы: Үлкенді - құрметтеу, кішіге - ізет көрсету - біздің адамгершілік міндетіміз.
1 - ші жүргізуші: Біз жаһандану заманында білім нәрімен сусындаған, ұлттық тәрбиені бойына сіңірген, өз отанын сүйетін, еліне қызмет ететін, болашақта үлкен мақсаттарға жететін жастар болып қалыптастық.
2 - ші жүргізуші: Құрметті ұстаздарымыз! Бізге берген шексіз тәрбиелеріңіз бен білім нәрімен сусындатқан еңбектеріңізге алғыс айтамыз.

Өнеріміз, өздеріңізге арналады, құрметті ата - аналар мен ұстаздарымыз!
*Әдемі ән мен күмбірлеген күйге кезек береміз.
*«Қара жорға» биін билеу.
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Загрузка...
Ақпарат
Қонақтар,тобындағы қолданушылар пікірін білдіре алмайды.
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Үздік жаңалықтар
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 159
Қолданушылар: 0
Қонақтар: 159
Роботтар: 2
Соңғы пікірлер
Ілмек сөздер
Сайт статистикасы
Яндекс.Метрика