Білімділер поралы
загрузка...

Ізгілікке бастар жол

Өзiн-өзi тану сабағының жоспары
Мектеп: №34
Мерзiм ___________
Тақырып: Ізгілікке бастар жол
Сабақ реті: 1
Құндылық: Ақиқат
Қасиеттер: Қиянат жасамау, ізгілік, мейірім, адамгершілік
Мұғалiм: Мұхаметқали Е.
Сынып: 6
Оқушылар саны:
Сабақтың мақсаты:
- оқушыларға ізгілік ұғымы туралы түсінік бере отырып, ақиқат құндылығының мәнін түсіндіру;
Міндеттері:
- оқушыларға ізгілік ұғымы туралы түсінік беру;
- оқушыларды ізгі іс істерге жетелейтін адамгершілік құндылықтар мен қасиеттерін дамытуға ықпал ету;
- мейірімді, ықыласты болуға тәрбиелеу.
Ресурстар: аудиокассета

Сабақ барысы:
1. Ұйымдастыру кезеңі
Тыныштық сәті: Орманға саяхат
Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл - пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да, оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым - жырт тыныштығына көңіл бөліңіз. (Осы жерде мұғалім 1 - 2 минут үзіліс жасауына болады).

Бізге қалайша жеңіл, әрі тыныш және бақытты сезіну қандай! Табиғат неткен ғажап! Оны қалайша сүйетініміз бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым - жырттық, тыныштық, қанағат сезімін өзіңізде сақтаңыз. Көзіңізді ашып, айналаға күлімсіреңіз!

2. Үй тапсырмасын тексеру.
5 құндылықты еске түсіру
Сабақ барысын талқылау:
3. Әңгімелеу(сұхбат):
«Ойланайық, пікірлесейік!» айдарындағы әңгімені оқу:
1. Өзін - өзі тану сабақтарынан қандай жақсы қасиеттерді үйрендіңдер?
2. Осы қасиеттер іс жүзінде қалай көрініс табады?
3. Өзіңе және өзгеге жасаған ізгі істерің сендерді қандай сезімге бөлейді?
4. Жазғы демалыста жасаған ізгі істерің туралы айтып беріңдер?
4. Мәтінмен жұмыс.
«ІЗГІЛІК» (Құтты білік шығармасынан үзінді)
Жүсіп Баласағұн
• «Қайырымды жан қайырым етпес есеппен» деген өлең жолының мағынасын қалай түсінесіңдер?
• Ізгілік неліктен асыл қасиет ретінде бағаланады?
• Айналаңдағы адамдарға жақсылық жасау қандай нәтижеге жетелейді?
5. Дәйексөз:
«Кімде кім өзін сүйсе, туысқандарын сүйсе, өз елін сүйсе, әсіресе, адам баласын бауырым деп білсе, сол адамды ізгі атаймыз».
М. Жұмабаев
• Дәйексөздің мағынасын қалай түсінесіңдер?
6. Дәптермен жұмыс
Нақыл сөзді оқыңдар.
Мен кіммін? Менің өмірдегі мақсатым не? Деген сұрақтар негізінде ой тұжырымдарыңды жасаңдар.
7. Тапсырма.
Мейірімді және ықыласты болуға жетелейтін игі істер мен жақсы әрекеттер топтамасын жасаңдар.
Мысалы:
Ізгілікті болу үшін:
- Мейірімді болу;
- Үлкендерді сыйлап – құрметтеу;
- Өзіңді қоршаған адамдарға көңіл бөлу;
- Әлсіздерге көмектесуге ұмтылу;
- Достарыңмен ізгілікті қарым - қатынаста болу және т. б.
8. Қорытынды.
Адамның мейірімді, ықыласты болуы, елін, жерін сүюі, танып - білуге құштарлығы, еңбексүйгіштігі ізгі істер мен жақсы әрекеттерге жетелейді.
8. Үй тапсырмасы.
2 - сабаққа берілген «аңыз әңгімені» оқып келу
9. Бағалау.
Сабаққа белсене қатысқан оқушыларды мадақтау.
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Үздік жаңалықтар
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Соңғы пікірлер
Өз пікіріңді білдір
5 күндік оқу кестесі дұрыс па?
Ия керемет
Бұрыннан күткем
Еш өзгеріс келтірмеді
Маған бәрібір
Жоқ бұрынғысы дұрыс еді
Сайтта кім бар
Барлығы: 189
Қолданушылар: 1
Қонақтар: 188
Роботтар: 2
asilai
Ілмек сөздер
Сайт статистикасы
Яндекс.Метрика