Бізбен байланыс
kum2017@yandex.ru
WhatsApp: +7 705 241 87 47


Қар суретін салайық

15 желтоқсан 2012, Сенбі
Категориясы: Сурет және сызу
Қызылорда қаласы
№ 197 қазақ орта мектебі
бейнелеу өнері пәнінің мұғалімі
Әлібекова Нұргүл Орынтайқызы

І. Сабақтың тақырыбы: Қар суретін салайық
ІІ. Сабақтың мақсаты:
а) білімділік: қар қиыршығын балауыз және акварель бояумен салу тәсілін меңгерту; түрлі тәсілдерді, бейнелеу құралдарын қолданып сурет салуға үйрету.
ә) дамытушылық: өмір шындығына эстетикалық қатынасын қалыптастыру; шығармашылық қиялын ұштау; көркемдік талғамын дамыту; аралас техника бойынша білігі мен дағдысын дамыту.
б) тәрбиелік: табиғат сұлулығын, әсемдігін көре білуге, сезінуге үйрету; эстетикалық тәрбие беру.

ІІІ. Сабақ типі: жаңа оқу материалын меңгерту.
IV. Сабақ әдісі: сұрақ-жауап, түсіндіру.
V. Сабақ көрнекілігі: қар қиыршықтары бейнеленген суреттер мен фотосуреттер, қысқы табиғат бейнеленген суреттердің көшірмелері, слайд-шоу.

VI. Сабақтың кезеңдері:
1. Ұйымдастыру сәті.
2. Сабақтың тақырыбы бойынша ұйымдастырушылық-танымдық әңгіме өткізу.
3. Сурет салу тәсілдерін көрсету.
4. Оқушылардың өз бетінше жұмысы.
5. Сабақты қорытындылау.
V. Сабақтың барысы:

Жаңа сабақтың тақырыбын баяндау.
Қар қиыршығын алақаныңа салып, оған жақсылап қарашы. Иә, олар тез еріп кетеді, себебі олар бар болғаны мұзға айналған су түйіршіктері ғана ғой. Дегенмен, сенің көріп үлгергеніңді ғажайып деуге болады. Бірде-бір қиыршығы бір-біріне ұқсамайды және олар өте әдемі!
Қар қиыршығының үлкейтілген көрінісі

Балаларға суреттер мен фотосуреттерді көруді ұсыну. Балаларды жаттықтыру үшін оларға жай қарындашпен салуды ұсыну. 6 және 8 ұшы бар қар қиыршығын салу тәсілін түсіндіру.

Оқушыларға альбом парағында қар қиыршығын бейнелеуді ұсыну. Бұл үшін балауыз бор мен акварельді пайдалану қажет. Аралас техника оқушыларға әрдайым қызық. Қар қиыршығының суретін ақ параққа балауыз бормен саламыз. 6 және 8 ұшы бар түрлі қар қиыршығының суреттерін бейнелейміз.

Қылқаламды пайдалана отырып, параққа көк және көгілдір акварельмен өң береміз. Бормен салынған сурет пайда болады.

Оқушылардың әрқайсысымен жеке жұмыс істеген кезде оларға берілетін кеңестер:
1. Қар қиыршығының суретін салу барысында ұсақ бөлшектерге айналып, алданып қалмау, олар акварельмен өңдегеннен кейін нашар көрінеді.
2. Суретті тиянақты әрі жан-жақты ойластырып салу керек, өйткені майлы бормен салынған суретті түзетуге болмайды.
3. Суреттің өңін кіргізу үшін тек суық түстерді таңдау керек.

VI. Өзіндік жұмыс
Тапсырма: Қар суретін балауызбен салу
Жұмыс барысында оқушыларға жалпы және жеке көмек беру. Ұқыпты, таза жұмыс істеуге назар аударту.
VII. Сабақты қорытындылау
Балалар біз бүгінгі сабақта қар қиыршықтарын бейнеледік. Дайын жұмыстарды талқылап, үздік орындалған суреттерді бағалау.
VIII. Үйге тапсырма беру
Қар қиыршықтарын фломастер, түсті қаламмен салып келу.
18 990
0
  • 0
0 дауыс


Жаңалықтар
Мектеп жасына дейінгі балалардың эстетикалық тәрбиесі
Мектеп жасына дейінгі балалардың эстетикалық тәрбиесі
Баланың қоғамдық өмірде, еңбекте, табиғатта көркем өнерде бар әсемдікті сезіне білуге үйрету, тәрбиелеу деген сөз. Эстетикалық тәрбие балаға қоршаған ортаның көркемдігін, адамның рухани сұлулығын терең түсіндіре білу, сөйтіп оларды ойлау, қиялдау,
Бейнелеу өнері күнделікті жоспарлар (1 сынып)
Бейнелеу өнері күнделікті жоспарлар (1 сынып)
Бейнелеу өнері 1 сынып күнделікті жоспарлар
Алғашқы гүлдер
Алғашқы гүлдер
Өмір шындығына эстетикалық қатынасын қалыптастыру. Табиғатты қорғауға, аялауға баулу.
Қысқы пейзаж
Қысқы пейзаж
Қысқы табиғат көрінісін көре білуге баула. Қыс айларындағы табиғат өзгерістерін, құбылыстарын бейнелеуге үйрету. бояу түстері арқылы оқушылардың ой өрісін, қиялын дамыту, шығармашылық қабілеттерін өрістету.
Пейзаж
Пейзаж
Қызылорда қаласы № 197 қазақ орта мектебінің бейнелеу өнері пәні мұғалімі Әлібекова Нұргүл Орынтайқызы Сабақтың тақырыбы: Пейзаж
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×