Бізбен байланыс
kum2017@yandex.ru
WhatsApp: +7 705 241 87 47


Ғажайып сурет әлемінде

16 сәуір 2013, Сейсенбі
Категориясы: Сурет және сызу
Сабақтың тақырыбы: Ғажайып сурет әлемінде
Сабақтың мақсаты:
1. Оқушыларға бейнелеу өнерінің қыр - сырын жан - жақты үйрету. Олардың дүние танымын, эстетикалық талғамын кеңейту.
2. Сурет салу дағдысын, логикалық ойлау, еске түсіру, елестету қабілеттерін және шығармашылығын дамыту.
3. Жалпы өнерді құрмет тұту, оған сүйіспеншілігін арттыру. Өнерге баулу, шығармашылыққа тәрбиелеу.
Түрі: Дәстүрлі емес.
Әдісі: Жарыс - сайыс сабақ, сұрақ - жауап, топтық жұмыс, құрастыру, тақырыпқа сурет салу.
Көрнекілігі: Слайдтар, құрастырма суреттер, суреттер.
Пәнаралық байланыс: Музыка, технология
Құрал - жабдықтар: Плакат, қарындаш, қайшы, желім, акварель, қылқалам.
Сайыстың барысы:
I Ұйымдастыру.
II Оқушыларды екі топқа бөлу.
III Әділқазы алқаларымен таныстыру.

Армысыздар құрметті ұстаздар, сайысымызға қатысушы жас өркен!
Бүгін бейнелеу өнері пәнінен 6б – сынып оқушыларының «Ғажайып сурет әлемінде» атты сайысына қош келдіңіздер!
Жүзден жүйрікті, мыңнан тұлпарды анықтайтын әділқазы алқасымен танысайық.
Ортамызда екі топ сайысқа түскелі отыр. Ендеше сайысымызды бастаймыз.
I топ.«Қылқаламдар» II топ. «Қарындаштар»
Өнерпазды жарау аттай баптасын,
Халқымыздың асыл мұрасын сақтасын.
Өнерімен танылып оқушылар,
Ел сенімін еңбекпен ақтасын, - деп сайыстың түрлерімен таныстырып өтейін.
1. Таныстыру. (Топтың аты, ұраны, эмблемасы)
2. Сұрақ - жауап. (Екі топқа бірдей сұрақ қойылады)
3. «Кім шапшаң, кім тапқыр?» (Қиылған суреттерді құрастырып, сол шығарманың атауын және авторын дұрыс айту)
4. Сөздерден түс шығару. (Орны ауысқан әріптерді орналастырып түстерді табу)
5. Сөзжұмбақ шешу.
6. Бейнелеу. (Экранда екі топқа өлең жолдары берілген. Тез арада екі топ елестетіп шапшаң сурет салып, бояп, суретін түсіндіруі керек)
Сайыс кезеңдерімен таныс болсақ сайысымызды бастаймыз.
1 - кезең. Таныстыру.
Өнер десе өртеніп жанып тұрар,
Сусындап сол өнерден қанып тұрар.
Сегіз қырлы, бір сырлы сайыскерлер,
Кез келді деп өзін - өзі таныстырар, - дей келе кезекті таныстыруға берейік.
Әр топ өздерін таныстырады.
2 - кезең. Сұрақ - жауап. Екі топқа бірдей сұрақ қойылады. Соған дұрыс жауап береміз.
1. Бейнелеу өнері дегеніміз не? (Айналамыздағы өмір көріністерін жазықтықта әрі кеңістікте бейнелеу арқылы суреттейтін өнер түрі)
2. Табиғат көрінісін бейнелейтін шығарма? (Пейзаж)
3. Суға еритін бояу түрі? (Акварель, гуашь)
4. Қарындаш дегеніміз не? (Сырты ағаштан, өзегі қара графиттен жасалған жазу, сызу құралы)
5. Түстер неше топқа бөлінеді? (2. Ахроматикалық және хроматикалық)
6. Бейнелеу өнерінің түрлерін ата? (Живопись, графика, мүсін, сәулет өнері, сәндік қолданбалы өнер, дизайн)
7. Кемпірқосақтың түсі нешеу және оларды ата? (7. Қызыл, қызылсары, сары, жасыл, көгілдір, көк, сиякөк, алқызыл)
8. Адам келбетін бейнелейтін жанрды қалай атаймыз? (Портрет)
9. Түстер неше түрге бөлінеді және қандай? (2. Жылы және суық)
10. Жан - жануарларды бейнелейтін көркем шығарма қалай аталады? (Анималистік жанр)

3 - кезең. «Кім шапшаң, кім тапқыр?»
Кім жылдам табады,
Заттардың бейнесін
Бір - бірімен суреттер табу керек үйлесім
Быт-шыт болып шашылған,
Құрайды екен кім жылдам? – деп сайысымыздың «Кім шапшаң, кім жылдам?» кезеңіне де келіп жеттік. Олай болса қиылған суреттерді құрастырып, сол шығарманың атауын және авторын дұрыс айту керек.
Тапсырма:
I топқа: «Дастарқан» авторы А. Ғалымбаева
II топқа «Алма ағашы гүлдегенде» авторы И. И. Левитан

4 - кезең. Сөздерден түс шығару.
I топқа: Лызық, ақра, дөрігілік, ырқоң, ұрс
Жауаптары: Қызыл, қара, көгілдір, қоңыр, сұр
II топқа: Лысаж, ырса, лызықарыс, көксия, гінкүл
Жауаптары: Жасыл, сары, қызылсары, сиякөк, күлгін

5 - кезең. Сөзжұмбақ шешу. «Перспектива»
1. Табиғат көрінісін бейнелейтін шығарма? (Пейзаж)
2. Түстердегі жылы түс? (Сары)
3. Белгілі бір адамның көркем бейнесі? (Портрет)
4. Көркем шығарманы құру, бейнені жазықтықта орналастыру әдісі? (Композиция)
5. Бейнелеу өнерінің бір түрі, түстермен шығарылатын көркем шығарма? (Живопись)
6. Заттарды бейнелейтін бейнелеу өнерінің жанры? (Натюрморт)

6 - кезең. Бейнелеу сайысы (топтық жұмыс)
Экранда екі топқа өлең жолдары көрсетіледі және әні ойналады. Оларды тыңдап, мағынасына қарап өлең жолдарын суреттеп қағаз бетіне түсіреміз. Топ басшылары ортаға шығып түсіндіреді. Әділқазы алқасы суретшілердің жылдамдығына суреттің сапасына қарайды.

I топқа: А. Құнанбаевтың өлеңі «Желсіз түнде жарық ай» әні ойналады.
Желсіз түнде жарық ай
Желсіз түнде жарық ай,
Сәулесі суда дірілдеп.
Ауылдың, жаны — терең сай,
Тасыған өзен күрілдеп.
Қалың ағаш жапырағы
Сыбырласып өзді - өзі.
Көрінбей жердің топырағы,
Құлпырған жасыл жер жүзі.
Тау жаңғырығып, ән қосып
Үрген ит пен айтаққа.
Келмеп пе едің жол тосып
Жолығуға аулаққа?
Таймаңдамай тамылжып,
Бір суынып, бір ысып,
Дем ала алмай дамыл қып,
Елең қағып, бос шошып.
Сөз айта алмай бөгелiп
Дүрсіл қағып жүрегі,
Тұрмап па еді сүйеніп,
Тамаққа кіріп иегі.

II топқа: Е. Хасанғалиевтің «Атамекен» әні ойналады.
Атамекен
Жасыл жайлау түкті кілем көк кілем,
Көк кілемде көп ойнаймын көп күлем.
Маңдайымнан сипап өткен самалды,
Қазағымның алақаны деп білем.
Қайда жүрсем атамекен
Көкейіңде жатады екен
Күннің өзі қимай оны
Ұясына батады екен
Жасыл жайлау түкті кілем көк кілем,
Көк кілемде көп ойнаймын көп күлем.
Күннің нұрын айдың аппақ сәулесін,
Қазағымның махаббаты деп білем.

Қорытынды.
Жас мұраты білім, тәлім талабы
Өнер – оқу жастық қару жарағы – демекші бүгінгі өнер туралы «Ғажайып сурет әлемінде» атты сайысымыз аяқталды.
Сайысты қорытындылау: Әділқазыларға сөз беріледі. Жеңген топты анықтап, марапаттайды.
19 846
0
  • 100
2 дауыс


Жаңалықтар
Бояулар сыр шертеді
Бояулар сыр шертеді
Оқушылардың бейнелеу өнері жайындағы білімін толықтыру. Оқушыларды шапшаңдыққа үйрету, шығармашылықтарын дамыту. Оқушының ой – қиялын дамыту, олардың икемділігін, сурет салу шеберлігін арттыру.
Акварель, гуашь бояуларымен сурет салу әрекеттері
Акварель, гуашь бояуларымен сурет салу әрекеттері
Сыни тұрғыдан ойлау арқылы логикалық ойлауларын жетілдіруге, бейнелеу өнерінде бояуларды қолдану тәсілдерін, эстетикалық талғамдарын дамытуға, нақты түсінік беруге, тазалық пен ұқыптылыққа тәрбиелеу.
Бояулар сыры
Бояулар сыры
Бояулардың сан түрлерімен, негізгі және қосымша түстерімен таныстыру. Түстермен жұмыс жасуды үйрету.
Мемлекеттің тәуелсіздігі халқының бақыты
Мемлекеттің тәуелсіздігі халқының бақыты
16 желтоқсан мерекесін негізге ала отырып, бейнелеу өнерінің қыр - сырын жан - жақты үйрету. Жалпы өнерді құрмет тұту, өнерге деген сүйіспеншілігін арттыру, шығармашылыққа тәрбиелеу
Абай шығармаларына иллюстрация
Абай шығармаларына иллюстрация
Атырау облысы, Қызылқоға ауданы, Жасқайрат селосы, Ш. Т. Еркінов орта мектебінің сызу, бейнелеу өнері пәні мұғалімі Қожағали Жеңісбек Қожағалиұлы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×