Бізбен байланыс
kum2017@yandex.ru
WhatsApp: +7 705 241 87 47


Астанам - мақтанышым!

29 маусым 2017, Бейсенбі
Категориясы: Тәрбие сағаты
(Ересектер тобы үшін мерекелік ертеңгілік)

Мақсаты: Елдік мерекеге өзіндік үн қосу. Көңілді орта қалыптастыру.
Бас қала – Астана туралы әндер мен өлеңдер үйрету, сүйіспеншілік және мақтаныш сезімдерін тудыру. Туған ел тарихымен таныстыру.
Алдын ала атқарылатын жұмыстар: Астананың сұлу келбеті топтастырылған слайд дайындау, Астана күніне арналған көпшіліктің жүрекжарды лебіздері, құттықтаулары түсірілген бейнежазба әзірлеу, балалардың өз шығармашылықтарынан дайындаған суреттері көрмесін ұйымдастыру.

Барысы:
Экранда «Жаңалықтар қызметінің заставкасы» көрініп, әуені ойналады. Ортаға тәрбиеші тележүргізуші болып шығады:
Тележүргізуші
тәрбиеші:
Қайырлы күн, құрметті телекөрермендер! Эфирде «Апта КZ»
жаңалықтар топтамасы. Сіздермен бірге мен – Индира Қосымова
Бүгінгі шығарылымда көретіндеріңіз:
-«Астана - балалар көзімен!»
Мереке аясында балабақша бүлдіршіндерінің арасында өткен сурет көрмесінің нәтижесін анықтау.
-«Тәуелсіз елдің жүрегі сенсің - Астана!»
Астана қаласының сұлу келбеті әлемді таң қалдырды.
-«Астана - татулық пен бірліктің ордасы»
Сүйікті бас қала – Астананың туған күніне арналған республика жұртшылығының жүрекжарды лебіздері
- Осы және тағы басқа да жаңалықтар легімен таныс боласыздар, арнаны ауыстырмаңыздар!......
Тележүргізуші
тәрбиеші:
Бас қаламыз - Астана қаласының 16 жылдық мерейтойына орай республика бойынша барлық балабақшалар арасында «Астана - балалар көзімен!» атты балалар қолымен салынған суреттердің көрмесі ұйымдастырылған болатын. Сурет көрмесі кеше Астана қаласы тұрғындары мен қала қонақтарының назарына ұсынылды. Көрмені тамашалаушылар бас жүлдеге
лайықты деп таныған балабақшасы мен өз пікірлерін «www. Astana - 16» сайтына жолдап, дауыс берулері керек. Қазір біз сіздермен 5 - тен кері бағытта санау арқылы дауыс беруді тоқтатамыз. Қане, бастайық:
5,- 4,- 3,- 2,- 1! Дауыстар санын есептеу - тоқтатылды.
Қай балабақша суырылып алға шықты екен, назар аударайық:
(Экранда аты жазылмай нөмірленген балабақшалардың диаграммасы көрінеді)
Тележүргізуші
тәрбиеші:
Нәтиже әділ болуы үшін балабақшалардың аты аталмай, тек рет сандарымен ғана белгіленген болатын. Ал мына диаграмма бойынша қасиетті 7 санымен белгіленген балабақша айқын басымдықпен жеңіп отыр екен. Енді бұл нөмірге қай балабақша жасырылғанын білейік, сәл сабыр сақтаңыздар.....
(Экранда: «....................» балабақшасы, Қызылорда қаласы!» - деген жазу шығады)
Тележүргізуші
тәрбиеші:
Міне, нәтиже де белгілі болды! Қызылорда қаласындағы
«.....................» балабақшасының бүлдіршіндері мен ұжымын шын жүректен құттықтаймыз!
(Тележүргізуші құлағындағы микрофонды тыңдағандай болады да:)
Тележүргізуші
тәрбиеші:
Жаңа ғана маған хабар келді, біздің Қызылордалық кішкентай жеңімпаздармен жүздесуге мүмкіндігіміз бар екен. Олар қазір біздің студиямызға келеді, қошеметтеп қарсы алайық!
(Көңілді музыкамен қуанышты кейіпте, бір тобы қолдарына өздері салған суреттерін ұстаған, бір тобы гимнастшыларша киініп ленталар ұстаған, әр түрлі мерекелік костюмдерін киген балалар студияға қонаққа келгендей болып жарты шеңберге тұра қалады)
Тележүргізуші
тәрбиеші:
Студиямызға қош келдіңдер, ботақандар! Жеңістерің құтты болсын!
1 - бала: Көп рахмет, біз аса қуаныштымыз.
2 - бала: Бізге дауыс берген барлық Астаналықтарға үлкен рахмет айтамыз!
3 - бала: Барлығымызға ортақ мереке бас қаламыз - Астананың 16 жылдық мерекесі құтты болсын!
Тележүргізуші
тәрбиеші:
Айтсын, айтсын! Расында да бүкіл Қазақстандықтарды біз де өз атымыздан Астананың туған күнімен құттықтаймыз!
Ал балалар сендердің Астана қаласына тартуларың керемет болды. Байқауда жеңетіндеріңді білдіңдер ме?
4 - бала: Жеңетінімізді білген жоқпыз, бірақ үміттендік. Бізді осында алып келген, сурет салуға, барлық өнерге үйреткен балабақшамыздағы тәрбиеші апайларымызға алғыс айтамыз.
Тележүргізуші
тәрбиеші:
Бәрекелді! Ал мына қолдарыңдағы қандай суреттер?
5 - бала: Бұл - біздің Астанадағы мерекеден алған әсерлерімізден туындаған суреттер, сіздердің телеарналарыңызға сыйлаймыз.
Тележүргізуші
тәрбиеші:
Көп рахмет! Шынында да нағыз суретшілер екенсіңдер, суреттерің маған ұнады. Теле-арнамыздың мұражайына қойып қоятын боламыз. Ал сендердің тағы қандай өнерлерің
бар?
6 - бала: Біз Астана қаласының туған күніне арнап әндер үйрендік, тақпақтар жаттадық.
Тележүргізуші
тәрбиеші:
Қане, онда өнерлеріңді тамашалап көрейік.....
Ән «Ел жүрегі - Астана» Муз: Қ. Қайым
7 - бала: Киелі менің Ақордам
Арудай сұлу таранған
Береке, бірлік, достықтың
Тұнығынан нәр алған.
8 - бала: Жайнай бер жаңа Астанам
Ертегідей ғажап бас қалам
Ынтымақтың тербеп бесігін
Тәуелсіз ел көшін бастаған
9 - бала: Сәулеңді шаш еліңе
Нұрыңды төк жеріңе
Киелі менің Елордам
Бақ болып қонған төріме!

Қызылорда қаласындағы №8 «Бүлдіршін»
санаториялық балабақшасы коммуналдық
мемлекеттік мекемесінің музыка жетекшісі
Жұмабекова Бибігүл Мүсірепханқызы

Назар аударыңыз! Жасырын мәтінді көру үшін сізге сайтқа тіркелу қажет.
88 322
0
  • 0
0 дауыс


Жаңалықтар
Астана өлеңі Ермек Өтетілеуұлы
Астана өлеңі Ермек Өтетілеуұлы
Астана қаласы туралы түсініктерін кеңейту, Астана өлеңнің мазмұнын түсініп тыңдау үйрету.
Астана – арман қала
Астана – арман қала
Астана - арман қала. Астана қаласы Қазақстанның жахандық брендіне айналып, дүние жүзіндегі әсем де жас қала ретінде танылуда.
Астана – мерейім, мәртебем, беделім.
Астана – мерейім, мәртебем, беделім.
Астана бейбітшілік пен достықтың қаласы екенін, Тәуелсіз Қазақстанның дамуы мен елордамыздың сәулеті, әсемдігі жөнінде шетелдіктердің жылы лебізі арқылы оқушылар бойына мақтаныш сезімін ұялату.
Астана – әсем қала!
Астана – әсем қала!
Астана қаласының көрікті ғимараттарымен таныстыру және оқушылар бойында ұлтжандылық қасиеттерді қалыптастыру.
Астана - сұлу қала
Астана - сұлу қала
Астана - сұлу қала «Астана дегеніміз - Астана. Қазақша әдемі естіледі. Қомақты ауыз толады, қысқа да нұсқа, әуезді. Орысша да, ағылшынша да солай естіледі. бұл атауда батылдық, мығымдық және айқындық рең бар» - деп жазды Елбасымыз Н. Ә. Назарбаев.
Астана
Астана
Ойыл ауданы, Жақсыбайкөл негізгі мектебінің 1 класс оқушысы Әділханова Дильназ Алмазқызы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×