Бізбен байланыс
kum2017@yandex.ru
WhatsApp: +7 705 241 87 47


Тілімде менің сыры терең жаным бар...

20 ақпан 2015, Жұма
Категориясы: Тәрбие сағаты
Ақиық ақын Мұқағали Мақатаевтың шығармашылығына арналған
«Тілімде менің сыры терең жаным бар...» атты шығармашылық байқау /сценарий/

Байқаудың мақсаты:
• Қазақ тілі мен әдебиеті пәні мұғалімдерінің кәсіби деңгейі мен шығармашылық білігін анықтау;
• Қазақ тілі мен әдебиеті пәнінен сабақ беретін мұғалімдердің қоғамдық мәртебесі мен беделін көтеру.
Барысы:
Жүргізуші:
Қарасаз, қара шалғын өлеңде өстім,
Жыр жазсам соған жұртым елеңдестің.
Өлсе өлер Мұқағали Мұқатаев,
Өлтіре алмас алайда өлеңді ешкім,
Армысыздар, өлең сүйер, өнер сүйер қонақтар, қадірлі ұстаздар! Бүгінгі ақиық ақын М. Мақатаевтың шығармашылығына арналған «Тілімде менің сыры терең жаным бар...» атты қазақ тілі мен әдебиеті пәні мұғалімдерінің шығармашылық байқауына қош келдіңіздер!
Сырым да - осы,
Жырым да - осы,
Алдыңда.
Байқашы бір
Бықсыдым ба, жандым ба?
Махаңдар жоқ,
Махаңдардың сарқыты -
Мұқағали Мақатаев бар мұнда, - деп бір күндік сәуледей ағып өткен қысқа ғұмырында М.Мақатаев ұрпақтарға ұланғайыр мұра қалдырып кеткені баршамызға мәлім.
Жыл керуені алға жылжыған сайын Мұқағали Мақатаевтың артына қалдырған өшпес мұрасы, жарық жұлдыздың қараңғы түн қойнауынан құпия сәулесін шашқандай жарқырай, өркендей өсіп, айшықтала түсуде. Абай үндес Мұқағалидай перзенті бар халық - шынымен бақытты халық.
Бүгінгі байқауға баға беретін әділқазылар алқасымен таныстырып өтуге рұқсат етіңіздер.
----------------------------
Жүргізуші:
Дара туған, дана туған ақиық ақын Мұқағали ағамызға арналған «Тілімде менің сыры терең жаным бар...» атты байқауды жүргізу ретімен таныстыруға рұқсат етіңіздер.
1. Командалардың таныстыру тұсаукесері
2. «Мен тауда туған мұзбалақпын»(Мұқағали туындыларынан өлеңді мәнерлеп оқу)
3. «Дариға жүрек» (Ақын шығармалары бойынша сахналық көрініс)
4. «Есіңе мені алғайсың»(Мұқағали өлеңдерінің сөзіне жазылған әндерін орындау)
5. «Жыр сапарың тоқтамайды мәңгілік,
Жатады ол жүректерде жаңғырып!»(Ақынға арнау өлеңдері)
6. Ақынның өмірі мен шығармашылығына байланысты тест тапсырмасын орындау (40 сұрақ)

1. Қазаққа тән қара өлеңге табынды,
Ата - баба дәстүрінен ап үлгі,
Ұшан - теңіз ұлылықты паш еткен,
Мұқағали - поэзия алыбы,- дей келе, командалардың таныстыру кезеңіне берейік

2. Жыр кеңістігі – шексіз, ал сен дарасың,
Ғасырыңды жырлап өткен данасың.
Табындырып, сағындырып біздерді.
Хантәңірідей биіктеп сен барасың, - деп ақынның өлеңдерін мәнерлеп оқу кезеңіне берейік.
3. «Дариға жүрек»(Ақын шығармалары бойынша сахналық көрініс)

4. Ән сал, жаным!
Әніңмен тербет мені.
Бір сәтке тынсын,
Тіршілік жер көктегі.
Ақынның ғұмырлы поэзиясы бүгінде әнге айналып, көкке қалықтайды. Оның сөзіне жазылған әндер бүгінгі таңда барша жұрттың жүрегінен берік орын алып, қуанышы мен қайғысын бөлісетін айнымас жан серігіне айналды. Мұқағали өлеңдерінің сөзіне жазылған әндеріне кезек берейік.

5. Артық едің аға, сен асылдардан,
Өзің жайлы шертеді сыр ғасыр маған.
Астыңа ат мінгізе алмасам да,
Өлеңіммен жасай алам бір той саған.
Кезекті бүгінгі Мұқағалиға арнаған жыр шумақтарына береміз.
6. Ақынның өмірі мен шығармашылығына байланысты тест тапсырмасын орындау.

Жүргізуші:
Қырансың, аға, топтан сен бөлек дарасың,
Хантәңірі сынды заңғар боп мәңгі қаласың.
Жырларың сенің таулардай биік тұлғалы
Шарлап жүр бүгін көк пенен жердің арасын.
Бүгінгі байқауымыз өз мәресіне жетіп қалды. Байқау қорытындысын жариялау
үшін әділқазылар алқасына сөз кезегін берейік...

Қорытынды:
Тарих дөңгелегі алға жылжыған сайын Мұқағали өлеңдері ұрпақтан - ұрпаққа мирас болып, егемен еліміздің аспанында азат даласында қыран құстай самғап ұшып жүр.
Тірлігінде шекпен кимей, шен алмай,
Еңбегінің қызығын да көре алмай.
От боп жанып өтіп кеткен ақынға
Мәңгілік қып өмір берген өлеңді – ай, - деп Айтақын ақын жырлағандай, өлең өлмейді. Ендеше, оны жазған ақын да өлмейді. Ол – біздер үшін өшпес те өлмес асыл мұра, қасиетті қазына. М. Мақатаевтың шығармашылығына арналған «Тілімде менің сыры терең жаным бар...» атты қазақ тілі мен әдебиеті пәні мұғалімдерінің шығармашылық байқауы аяқталды.
Қош сау болыңыздар!
7 063
0
  • 0
0 дауыс


Жаңалықтар
Мұқағали - мәңгілік ғұмыр!
Мұқағали - мәңгілік ғұмыр!
Ақиық ақынның өмірінен мағлұмат беру, өлеңдерін мәнерлеп оқу, Мұқағали Мақатаев поэзиясының халыққа кең таралауына және оның шығармаларының сыры неде екенін таныту, ақын өлеңдерін оқи отырып, адамгершілікке, шындықты айта білуге, адалдыққа,
Үш бақытым. М.Мақатаев
Үш бақытым. М.Мақатаев
Қарағанды облысы, Бұқар жырау ауданы, Ақжар негізгі мектебі бастауыш сынып мұғалімі Акимова Раиса Касимовна
Мұқағали-мәңгілік ғұмыр
Мұқағали-мәңгілік ғұмыр
Маңғыстау облысы, Түпқараған ауданы, Ақшұқыр ауылы, М. Әбдіхалықов атындағы орта мектебі Бастауыш сыныптар бойынша тәрбие ісінің меңгерушісі: Көкен Гүлжамал Өмірзаққызы
Сөнбес жұлдыздар
Сөнбес жұлдыздар
Маңғыстау облысы, Бейнеу ауданы, «Бейнеу гимназиясы»ММ ағылшын тілі пәні мұғалімі Муханмедиева Шынар Муханмедиевна
«Бүгін менің туған күнім, ой пәлі-ай!...»  (Мұқағали Мақатаевтың туған күніне арналған әдеби-сазды кеш)
«Бүгін менің туған күнім, ой пәлі-ай!...» (Мұқағали Мақатаевтың туған күніне арналған әдеби-сазды кеш)
Жезқазған қаласы Дарынды балаларға арналған облыстық қазақ-түрік ерлер лицей-интернатында қазақ тілі мен әдебиеті пәні мұғалімі Бакирова Сандуғаш Шарафиденқызы
Мұқағали Мақатаев
Мұқағали Мақатаев
Жамбыл обылысы, Жуалы ауданы, Б.Момышұлы ауылы, Г. Орджоникидзе атындағы мектеп- гимназияның қазақ тілі мен әдебиеті пәні мұғалімі Кемпрекова Жанар Жансериковна
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×