Білімділер поралы
загрузка...
загрузка...

Ұлы дала - академигі

«Ұлы дала - академигі»
Мақсаты: Оқушыларға қазақ елінің біртуар азаматы Нұрмолда Алдабергенов туралы жан - жақты түсінік қалыптастыру, кемеңгер тұлғаның өз халқына, еліне тигізген шарапатын, сіңірген еңбегін көрсету. Нұрмолда Алдабергеновтың азаматтық тұлғасын таныту.

Жүргізуші: Армысыздар құрметті қонақтар, ұстаздар мен оқушылар!
Биыл қазақ халқының мақтанышы, колхоз құрылысын алғаш ұйымдастырушылардың бірі, қоғам қайраткері, екі мәрте Социалистік Еңбек Ері Нұрмолда Алдабергеновтың туғанына 110 жылдық мерейтойына арналған «Ұлы дала - академигі»атты әдеби сазды кешімізге қош келдіңіздер.
Жүргізуші: Бүгінгі кешіміздің негізгі мақсаты - Нұрмолдадай ұйымдастырушылық қабілеті жоғары кемеңгер атаның мүддесін түсіну, рухани тарихымызды тану, тұлғаның аяулы бейнесін бүгінгі және келер ұрпақтың есінде қалдыру.

Жүргізуші: Қаршадай күнінен бастап еңбекке араласқан қазақтың қарапайым біртуар ұлы бүкіл ғұмырын туған жерін гүлдендіруге, ауыл тұрғындарының әлеуметтік - тұрмыстық жағдайын жақсартуға арнады.
Жүргізуші: Осы алып тұлғаның аңызға айналған жетістігі, шыққан биігі, қажырлы еңбегі туралы бүгін еске алудың сәті келген сияқты.
Жүргізуші: Ауыл шаруашылығы саласының шебер көшбасшысы атанған Нұрмолда Алдабергеновтің өмірбаянын 11 - сынып оқушысы баяндап береді. (слайд көрсетіліп тұрады)
Жүргізуші: Ән орындалады.

Жүргізуші: Құрметті көпшілік! Ерекше топ жарған дарын иесінің үлгілі ісін насихаттау, оны ұрпақтан ұрпаққа мирас етіп қалдыру үшін ауылымыздың ақыны Қ. Жапсарбаевтың «Нұрмолда туралы жыр» атты дастанын 7 - сынып оқушысы Ізтай Қасымхан оқып береді.
Нұрмолда туралы жыр
Талай байдың есігін
Тоздырдым мен жасымда.
Байдан болып несібім,
Ұйықтадым қойдың қасында.
Жаз шыққанда өріске.
Қозыменен бірге ердім,
Жақсылықтың не екенін
Естімедім, білмедім.
Сөйтіп зармен жүргенде
Октябрьдің таңы атты
Елмен бірге күлімдеп
Мен шыңдадым талапты
Талмай жүріп ақыры
Атқан таңға жеттім – ау
Жоқшылықты, құлдықты
Жасымда көп шектім ау
Шаруа болып қуандық
Октябрь таңы атқанда
Біз мәз болып жылындық
Құмырсқадай ұйыстық
Өмір шамын жаққанда
Кекірейіп тұрмадым
Кедейлер дабыл қаққанда
Тілектес болдық қызылға
Ақтар келіп шапқанда
Тілеуін тілеп қызылдың
Маңайынан кетпедік,
Ақ пен қызыл араласып жатқанда
Бай, кедей болып бөліндік,
Екі тапқа ажырап
Советтің нұрлы шуағы
Түсіп тұрды төбемізден жадырап
Темір жолға кірдім де
Еліме арқа тіредім,
Неге шаршап, қажимын
Болғасын қабыл тілегім
Қорықпады жұмыстан
Жастық қайрат жігерім
Екі есе жоспар орындап
Күннен күнге үдедім,
Жатсам ұйқым келмеді
Алып - ұшып жүрегім
Қажымадым, талмадым.
Жұмыстан бір күн қалмадым.
Үш жыл жүріп бір ауыз
Ешбір сөгіс алмадым

Өмірдің создым қолды жаңасына,
Әркімнің ұят болсын санасында.
Бөлініп бай мен кедей екі тапқа
Өмірдің тұрған кезі таласында,
Жоламан, Сарыөзек, Айнабұлақ

Жұмыстан қорқып Нұрмолда
Басын тартып, таймады
Нелер оман арықты
Жалғыз өзі байлады
Нұрмолданы ұнатты
Бар колхоздың аймағы
Көп өтпей - ақ оны жұрт
Бригадир етіп сайлады
Көктемнің жылғы егісі
Бұрын бітті егіліп
Қызылшасы бітіпті
Алдыменен себіліп
Басталды соғыс бір күні
Нұрмолда кетті сұранып
Жүрегінің әмірін
Ар – ожданы құп алып.
Окопта тоңды есіл ер.
Аянбай жауға оқ атты
Жапырағын жанының
Сұрапыл желге тонатты
Соғыс бітті, ол да аман
Ауылына оралды
Жүдеп қалған шаруалар
Ортасына оны алды
Қайта бастық сайлады
Шегінбеді Нұрмолда
Таңнан тұрып далада
Жұртпен бірге жүрді ол да
Жұртпен бірге демалды
Жұртпен бірге күлді ол
Рахатын, еңбектің,
Бала жастан білді ол
Атағы елге жайылды
Құрметтеді бар халық
Талай өлең жазылды
Талай дастан арналып
Еңбек ері атағын
ЕКі рет алды Нұрекең
Сондықтан да тебіреніп
Нұрекеңді жыр етем
Оның өмір жолдарын
Талай ақын жыр етті
Сол бір ұзақ дастанға
Мен жалғаймын жүректі
Жүргізуші: Капиталистік, социалистік екі жүйеде өмір сүріп, өз еңбегімен еліне әйгілі болған Нұрмолда Алдабергенов ағамыздың есімі тарихқа мәңгілікке алтын әріппен жазылған қасиетті де киелі адам.
Әлемнің алдын көрген өрені ме ең?!
Таппадым дәл өзіңдей төрені мен
Білікті жүрек төрден өре білген,
Ту ұстар түркі жұрттың жебері ме ең!
Келесі кезекті әдеби монтажды тамашалау үшін мектебіміздің оқушыларына береміз.(Өлеңдері, арнаулары оқылады).
Жүргізуші:
Аңызын Нұрағаның шерте білсін
Ерліктің ерте ұйытқан ертегісін.
Ар тұнып, алғы күнге ұрпақ өсер,
Тұрғанда кие жерде бөрте мүсін.
Оқушылардың орындауында би тамашалаңыздар.
Жүргізуші: Жиырмасыншы ғасырда дүниеге келіп өз дәуірінің аса көрнекті қоғам қайраткері, «Дала академигі» атанған екі мәрте социалистік еңбек ері Нұрмолданы еске алғанда, оның ұшқан ұясын, қара шаңырағын жалғастырушы - ұрпағын еске алмасқа болмайды. «Орнында бар, оңалар» демекші атамыздың қызы, мектебіміздің ардагер ұстазы Рабиға Нұрмолдақызына сөз береміз.
Жүргізуші: «Өз ұлын, өз ерлерін, ескермесе,
Ел тегі алсын қайдан кемеңгерді»,-
деп Ілияс ағамыз айтқандай, өлең жырдың жүйіткіген жүйрігіне айналған дара тұлға Нұрмолда Алдабергенов атамыздың мұрасы ұрпақтар есінде мәңгілікке сақталады! Нұрмолда атамызды көзін көрген ауыл ағалары мен апайларымызға сөз берейік.
Жүргізуші: Құрметті көпшілік, қадірменді қонақтар! «Өлі разы болмай, тірі байымайды» дегендей, алып тұлғалардың есімін, еліне сіңірген еңбегімен үлгілі ісін насихаттау, оларды ұрпақтан – ұрпаққа мирас етіп қалдыру – біздің азаматтық парызымыз.
Жүргізуші: Қорытынды сөз мектеп директоры Қилыбаев Қалияс Ештайұлына беріледі.
Жүргізуші: Қоғам қайраткері, екі мәрте Социалистік Еңбек Ері Нұрмолда Алдабергеновтың 110 жылдық мерей тойына арналған «Ұлы дала академигі» атты әдеби сазды кешіміз өз мәресіне жетті.
Көріп тамашалағандарыңызға көп, көп рахмет.

«Көксу ауданы Мұқыры ауылы
Жапсарбаев атындағы орта мектебі»,
коммуналдық мемлекеттік мекемесі,
математика пәнінің мұғалімі
Ж. Ә. Сабырқұлова
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Загрузка...
Ақпарат
Қонақтар,тобындағы қолданушылар пікірін білдіре алмайды.
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Үздік жаңалықтар
загрузка...
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 65
Қолданушылар: 1
Қонақтар: 64
Роботтар: 2
Боратаева Салиха
Соңғы пікірлер
Ілмек сөздер
Сайт статистикасы
Яндекс.Метрика