Білімділер поралы
загрузка...

Мәңгілік ел идеясы - Жұбан жыры

Мәңгілік ел идеясы - Жұбан жыры

1 Жүргізуші (41 топ студенті Бекеева Диана):
Армысыздар, сөз өнерін құрметтеуші, жыр сүйер қауым!

2 Жүргізуші (52 топ студенті Бейбіт Аңсар):
Жайық өңірінің перзенті, ел тарихында биіктен көрінер ұлы тұлға, «қазақпын» деуге ұлтшыл атанудан қорқып, көбі жалпақтап жүретін заманда, «Мен қазақпын» деп жариялап келген, өмірде де, поэзияда да оңай жол іздемеген, қазақтың халық жазушысы, КСРО және Қазақ КСР Мемлекеттік сыйлықтарының лауреаты, ақын Жұбан Молдағалиевтің туғанына биыл 95 жыл.

1 жүргізуші (41 топ студенті Бекеева Диана):
Ж. Молдағалиев атындағы облыстық ғылыми - әмбебап кітапханасымен бірлесіп өткізгелі отырған Жұбан Молдағалиевтің 95 жылдығына орай шығармаларын насихаттау бағытындағы «Жұбан жыры - Мәңгілік ел идеясы» атты жыр кешіне қош келдіңіздер!

2 жүргізуші(52ктоп студенті Бейбіт Аңсар):
Мен – қазақпын, мың өліп, мың тірілген,
Жөргегімде табыстым мұң тілімен.
Жылағанда жүрегім күн тұтылып,
Қуанғанда күлкімнен түн түрілген.
Дауылпаз ақын бұл поэмасында қазақ халқының өткен өмірі мен тағдыры жайлы лирикалық - публицистикалық стильде толғана жырлады. Қазақ халқының ұлттық ерекшеліктерін ашуда, оның ерлік дәстүрі, туған жер мен ел, оның байлығы, адамдары жайлы асқақтата көркемдеп жырлай білді. Сонымен қатар ақын қазақ халқының сан ғасыр бойында ауыр азаппен өткен тағдырын еске түсіреді. Қазақ елінің талай шапқыншылыққа ұшырағанын, бірақ халық бәріне төтеп беріп, өзін қорғай білгенін, елдігі мен салтын, ұлттық қасиетін сақтап қалғанын мақтана асқақтата жырына қосады.

1 жүргізуші(41 топ студенті Бекеева Диана):
Осы жыр кешін ашу үшін атты Батыс Қазақстан индустриалды колледжі директоры міндетін атқарушы ------------------------------ сөз беріледі.

2 жүргізуші(52ктоп студенті Бейбіт Аңсар):
Келесі сөз кезегін Ж. Молдағалиев атындағы облыстық ғылыми - әмбебап кітапхана директорының орынбасары Кенжебаева Сара Көшәліқызына беріледі.

1 жүргізуші(41 топ студенті Бекеева Диана):
Ұлы аманат етейік еркіндікті,
Ел құлдықты білмесін, жер күндікті,
Аңсаймын мен, сенемін, туады ертең.
«Қазақ болу – зор бақыт» дер күн тіпті...-
деген өлең жолдары бүгінгі «егемендікті» жыр еткендей әсерге бөлейді. Ақын Жұбан Молдағалиев 30жылдан соң 1986 жылы ұлттық намыс туын қолына ұстап, халқының ар - намысы үшін шыбын жанын тігіп, Алаш тәуелсіздігіне жол ашты, еліміздің егемендігінің алғашқы қазығын қадап кетті.
«Қазақ тілі» өлеңі, оқитын 52к топ студенті Калиев Нұржалғас.

2 жүргізуші(52ктоп студенті Бейбіт Аңсар):
Мен – қазақпын, биікпін, байтақ елмін,
Қайта тудым, өмірге қайта келдім.
Мен мың да бір тірілдім мәңгі өлмеске –
Айта бергім келеді, айта бергім.-
деген өлең жолдары дәл бүгінгі нұрлы дәуірдің, егеменді еліміздің болашағы мен кемел келешегін дөп басқандай сезіледі.

2 жүргізуші(52ктоп студенті Бейбіт Аңсар):
51ск топ студенттері ақын шығармашылығынан өлеңдерін ұсынады.
1. «Сағындым Жайық»
2. «Ақ жайық»
3. «Мұғалім»
4. «Отан»
5. «Туған ауылымда»

1 жүргізуші(41 топ студенті Бекеева Диана):
Ақын туған өлкесіне келген сайын өзі өскен ортаның өткені мен бүгінгісін салыстыра қарап, қай жақта жүрсе де өзі туып - өскен жерлестерінің жүрегіне жылы тиер өлеңдерін сыйлады. Солардың бірі –«Еділ мен Жайық» әні бүгінгі қазақ музыкасының алтын қорына айналған құнды мұра.
22к топ студенті Хафез Жалғасқанның орындауында ән «Еділ мен Жайық» сіздерге арналады.

2жүргізуші(52ктоп студенті Бейбіт Аңсар): Бүгінгі кешімізге ақынның замандас достарының бірі............................. ағамыз келіп отыр. Ақын туралы өз естелігін айтуға ағамызды ортаға шақырамыз.

1 жүргізуші:(41 топ студенті Бекеева Диана)
Ақиық ақын өз үнімен, дауылпаз жырларымен поэзия өлкесінде шоқтығы биік алып тұлғаға айналды. Ақын қанша биікке самғаса да, «алып та анадан туатынын» еш ұмытқан емес. «Ана жүрегінің жылуы күліп тұрған күн қызуынан кем емес», бәрімізде ананың ақ сүтімен, әлдиімен, жан шуағымен өсіп, жетілдік. Ананың балаға деген мейірімі, баланың анаға деген махаббаты шексіз, мұны тілмен айтып жеткізу мүмкін емес.
«Мен әйелге тәңірімдей табынам,
Гүл ұсынам поэзия бағынан.
Хауа анаға қара жер де қарыздар,
Содан туса адам атты бағыбан» - деп ақын ағамыз жырлағандай.
22к топ студенті Хафез Жалғасқанның орындауында «Абзал ана» әнін қабыл алыңыз.

2 жүргізуші(52ктоп студенті Бейбіт Аңсар):
Өсер ұрпағы әлі талай «Мен - қазақпын» поэмасын тұмар ғып қастерлеп, көкейге жаттап өспек. Сағыныш сазына айналған туған өлкесінің кешегі ерке ұлы, бүгінгі арқа таңар азаматы – Жұбан ақын нұрға малынған жасыл Жайығының тек төрінде, көгінде ешқашан ұмытылмай, жұлдыздай жарқырай түспек. Ұрпағы мақтанып, Ақ Жайық – Жұбан ақынның елі демек. Осымен «Мәңгілік ел идеясы -- Жұбан жыры» атты әдеби танымдық кешіміз аяқталды. Келесі кездескенше аман - сау болыңыздар!

Батыс Қазақстан индустриалды
колледжінің қазақ тілі мен әдебиеті пәні оқытушысы
Габдуллина Гуля Әлібекқызы
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Үздік жаңалықтар
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Соңғы пікірлер
загрузка...
Өз пікіріңді білдір
5 күндік оқу кестесі дұрыс па?
Ия керемет
Бұрыннан күткем
Еш өзгеріс келтірмеді
Маған бәрібір
Жоқ бұрынғысы дұрыс еді
Сайтта кім бар
Барлығы: 367
Қолданушылар: 2
Қонақтар: 365
Роботтар: 3
InkarBimaganbetiva aiboll
Ілмек сөздер
Сайт статистикасы
Яндекс.Метрика