Бізбен байланыс
kum2017@yandex.ru
WhatsApp: +7 705 241 87 47


Татулығы жарасқан, тағдыры бір халықпыз атты 1 мамыр – Халықтар бірлігі мерекесіне арналған

31 наурыз 2019, Жексенбі
Категориясы: Тәрбие сағаты
«Татулығы жарасқан, тағдыры бір халықпыз» атты 1 мамыр – Халықтар бірлігі мерекесіне арналған 5 - 7 кластар арасында өткізілген байқау сценарииі
Сыныптан тыс жұмыс

Мақсаты: ұлттар достастығын күшейту және жастар арасында патриоттық сезімде тәрбиелеу;
— Фанфары
— Күй әуені
Мұғалім: Құрметті ұстаздар мен оқушылар, сіздердің назарларыңызға Халықтар ынтымақтастығы күніне арналған “Татулығы жарасқан, тағдыры бір халықпыз” тақырыбындағы 5 - 7 кластар арасында өткізілетін сайысымызды бастаймыз. Бүгінгі мерекемізде біз 3 ұлт өкілдерінің басын қосып отырмыз. Әрине, қазіргі таңда елімізде 130 - дан астам ұлт өкілдері тұрады. 1995 жылы ұлтаралық татулық пен тұрақтылықтың феномені – Қазақстан халықтары Ассамблеясы құрылды. Бұл – ешбір елде болмаған ерекше, саяси маңызы зор құрылым.

Әнұраным – жан ұраным,
Айтар әнім – сөйлер сөзім,
Туған жерім – сағынарым,
Мәңгі бақи шырқалады
Республика әнұраны.
(ҚР мемлекеттік Гимні орындалады)

1 - жүргізуші: Бұл күн — әрбір қазақстандық үшін Отанға деген сүйіспеншілік пен патриоттық сезімнің, адамзаттық борыш пен жалпы ұлттық келісімнің мерекесі. Бұл күні ел азаматтары ұлт пен ұлыстың өткен кезеңдегі тарихын дәріптеп, әлемдік қауымдастық тарапынан жоғары бағаланған қазақстандық татулық пен келісімді паш етеді.

2 - жүргізуші: Еліміздің басты қорғаушы күші – қоғамдық келісім мен этносаралық үйлесімді сақтау – Қазақ елінің алдында тұрған басты міндет.

1 - жүргізуші: Баршаңызды 1 мамыр – Халықтар бірлігі мен ынтымақтастығы мерекесімен шын жүректен құттықтаймыз!

2 - жүргізуші:
Қазақтың қасиетті даласында
Думанда ауыл аймақ арасында
Қызықтап көрермендер жиналыпты
Қошемет көрсетуге баласына, — дей келе сіздердің қошеметтеріңізбен бүгінгі байқауға қатысушы ұлттарды ортаға шақырайық

1 жүргізуші:
Енді осы өнерпаздарымыздың өнерлерін бағалаушы әділқазы алқасының мүшелерімен таныс болайық:

Мектеп әдіскері --------------
Музыка пәні мұғалімі -----------------
Еңбек пәні мұғалімі -------------

2 - жүргізуші: Қазақстан халқы өркен жайып, мемлекетіміз молшылыққа, ал әрбір шаңырақ шаттық пен бақытқа кенелсін, деген тілекпен біз әрі қарай сайысымыздың кезеңдерімен таныстыруға рұқсат етіңіздер

Таныстыру
Өз өнерін көрсету
Сұрақ - жауап
Үй тапсырмасы

1 - жүргізуші: Нәсілдерге нәсіл болсын нұрлы күн,
Ынтымақтың шертсем деймін бір жырын.
Татулығын жырға қосам ұлттардың,
Мақтан қылып ұлыстардың бірлігін.
Кешімізді сайыс қатысушыларын таныстырудан бастаймыз.
(Сайысқа қатысушы ұлттар өз тілдерінде топтарын таныстырады)

2 - жүргізуші: Тілі бөлек болғанымен тілек бір,
Ұлы достық мәпелеген жүрек гүл.
Қазақстан бар ұлысқа шаңырақ,
Шайқалмастан шаттығымыз тіреп тұр.
Ұлтаралық татулық арқасында бүгінде ел тыныш, жұрт аман. Осы берекеміз бұзылмағай. Қазақстанда тұратын барша ұлт арасындағы айнымас достыққа сызат түспесе екен деген тілекпен, ұлттарымыздың дайындап келген өнерлерін тамашалаңыздар!

(Сайысқа қатысушы әр топ өз ұлттарының өнерлерін көрсетеді)

1 - жүргізуші: Кең байтақ елімізді Елбасымыз Нұрсұлтан Әбішұлы Назарбаев басқарып отырса, біздің білім ордамыздың ұйытқысын келтіріп отырған оқу - тәрбие ісі жөніндегі орынбасары --------------------------. Ендеше, апай, көпшілікке деген жүрекжарды ақ тілегіңізді білдіру үшін өзіңізді ортаға шақырамыз.

2 - жүргізуші:
Ортақ мекен жер шары,
Төбемізде бір аспан.
Барлық ұлттың баласы,
Достығымыз жарасқан, — дей отырып сұрақ - жауап кезеңіне де жеттік

(Сайысқа қатысушылар сұрақтарды таңдау арқылы жауап береді)

1 - жүргізуші:
Ортақ бізге бір Отан,
Ортақ жердің байлығы.
Еңбек ортақ, жыр ортақ,
Ортақ бізге барлығы, — дей келе сайысымыздың ІҮ кезеңі үй тапсырмасы

(Әр ұлт өздерінің қолдарынан шыққан ұлттық бұйымдарын немесе тағамдарын көрсетеді )

2 - жүргізуші:
Елім менің, жарқыраған, жайнаған,
Бақ біткенде бұлбұл құсы сайраған.
Елім менің биіктігі шарайнам,
Қыран құсы көгінде мың самғаған!

Жер - Ана бәрімізге ортақ. Осынау сахара кең қазақ даласында көптеген ұлт өкілдері тату - тәтті ынтымақта, бауырластықта өмір кешуде. Қазақ жері ортақ Отан, ортақ өлке болып, әр азаматтың мекеніне айналған.

1 - жүргізуші:
Ағайын - туған – бар адам,
Адалдық үшін жаралған.
Бар қымбат туыстық,
Баянды болсын тыныштық!

Бүгінгі «Татулығы жарасқан, тағдыры бір халықпыз» атты сайыс жеңімпаздарын матапаттау рәсімін әділқазыларға береміз.
(Сайысқа қатысушылар марапатталады)

2 - жүргізуші:
Жер - анамыз жасайды тарлық кімге,
Кетпеу үшін мәңгілік қалғып түнде.
Қайталанып, жаңарып айтылады,
Бейбітшілік деген сөз барлық тілде.

1 - жүргізуші: Осымен, бүгінгі «Татулығы жарасқан, тағдыры бір халықпыз» атты сайысымызды аяқтаймыз. Сау саламатта болыңыздар!

№41 жалпы білім беретін орта мектебінің
технология пәні мұғалімі Бисұлтанова Қ. Н.
2 233
0
  • 0
0 дауыс


Жаңалықтар
1 мамыр - Қазақстан халықтарының бірлігі күніне арналған. Ынтымағы жарасқан туған өлкем
1 мамыр - Қазақстан халықтарының бірлігі күніне арналған. Ынтымағы жарасқан туған өлкем
Халықтар арасындағы достықты нығайту, осы мақсатта студенттердің достық қарым - қатынастарын қалыптастыруды жалғастыру, Қазақстанның өркендеуіне достық арқылы өз үлестерін қосуға баулу.
Достығымыз жарасқан
Достығымыз жарасқан
1 – мамыр Қазақстан халықтар бірлігі күні мерекесі екенін жеткізу. Ынтымақтыққа, достыққа, өз Отанын сүюге, қорғауға, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.
«Достығымыз жарасқан» Мерекелік ертеңгілік
«Достығымыз жарасқан» Мерекелік ертеңгілік
1 - Мамыр Қазақстан халықтарының бірлігі күні екенін балаларға айтып ұғындыру. Балаларды татулыққа, достыққа, елін, жерін сүйе білуге үйрету. Басқа ұлт өкілдерімен таныстырып олармен тату, достық қарым - қатынаста болуға тәрбиелеу.
Татулығы жарасқан ұлттар
Татулығы жарасқан ұлттар
Қазақ халқының салт - дәстүрі мен ұлттық тағамдары туралы мәліметтерді іздену жұмыстары арқылы өзгелермен ой бөлісу. Танымдық тапсырмалар арқылы балалардың ойлау қабілеттерін дамыту.
Достығымыз жарасқан!
Достығымыз жарасқан!
1 мамыр - Қазақстан халықтарының бірлігі күні. 1995 жылдың наурызында Дүние жүзіне үлгі болып отырған, ұлтаралық татулық пен тұрақтылықтың феномі - Қазақстан халықтары ассамблеясы құрылды. Бұл ешбір елде болмаған ерекше, саяси маңызы зор құрылым.
Ортақ біздің жеріміз
Ортақ біздің жеріміз
Ақтөбе облысы, Мұғалжар ауданы, Бірлік ауылы, №5 "Айгөлек" балабақша МКҚК тәрбиешісі Бисенова Жансая Ғлажадинқызы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×