Бізбен байланыс
kum2017@yandex.ru
WhatsApp: +7 705 241 87 47


«Нан дастарханға қалай келеді?»

29 қаңтар 2020, Сәрсенбі
Категориясы: Тәрбие сағаты

(Бастауыш сыныптары декадасында өткізілген)
Айналамен таныстыру
Сабақтың тақырыбы: «Нан дастарханға қалай келеді?»
Мақсаты: Дән тұқымымен танысу, бидайдан нан жасалатынын айта отырып, дастарханға жеткенге дейінгі істелетін еңбек мазмұнымен, қолданылатын техникалардың аттарымен таныстыру. 
Дамытушылық мақсаты: Балалардың ақыл - ой белсенділігін арттыру. нақыл сөз, мақал - мәтел арқылы тіл байлығын дамыту.
Тәрбиелік мақсаты: Берілген тапсырманы орындауға, еңбекқорлыққа тәрбиелеу, нақыл сөздердің тәрбиелік мәнін түсінуге талпындыру. Үлкендердің еңбегін бағалай білуге тәрбиелеу.
Жаңа сөздер: наубайхана, диірмен, комбайн, дихан, элеватор.
Әдіс - тәсілдер: түсіндіру, сергіту, ойын, әңгімелеу, сұрақ - жауап.
Көрнекі құралдар: Еңбек адамдарының суреттері, нан түрлерінің суреттері, нан, бауырсақ, ойынға дидактикалық құралдар, ұн, смайлик.
Пәнаралық байланыс:  тіл дамыту,  бейнелеу,  сауат ашу,  математика
Сабақ барысы:  Ұйымдастыру.
1. Амандасу
2. Сұрақ-жауап. 
- Балалар, қазір жылдың қай мезгілі?
- Қыс мезгілінен кейін қай мезгіл келеді?
- Көктемде қандай өзгерістер болады?
3. Міне, біздің алдымызда дастархан жаюлы тұр. Оның үстінде нандарды көріп тұрсыңдар. Енді біз осы дастарханға нан қалай келетінін мына суреттерден көретін боламыз.
4. - Көктемде мына суреттегі тракторлар жерді жыртып, жерге мынадай бидай дәнін себеді. (балаларға бидайды көрсетеміз)
- Диханшылар жаз бойы егілген дәндерді суарып, күтіп - баптайды. (дихан сөзіне түсінік беріп кетеміз)
- Күз болғанда жайқалып, бидай өсіп шығады. Өсіп шыққан бидайды комбайншылар  орып,  машиналарға салып береді. (комбайн сөзіне тоқталып кету)
- Көліктер оны элеваторға тасиды. Элеваторда бидайды жылдап сақтауға болады. (элеватор сөзіне тоқталу)
- Қажет бидайды диірменге апарып, одан ұн жасап шығарады. (диірмен сөзіне тоқталу) Балаларға ұнды көрсетеміз.
- Дайын болған ұннан наубайханаларда түрлі нан өнімдерін шығарады.
- Міне, балалар, біздің дастарханымызға нан осындай көп еңбектің арқасында келеді екен.
Тақтадағы ұннан жасалған өнімдер туралы суреттерге тоқталу.
5.Дидактикалық ойын: «Қайсысы артық?»
Ойынның шарты: Берілген суреттердің ішінен нан өнімдеріне жатпайтын тағам түрлерін шығарып тастаулары керек.
6.Сергіту сәтті 
Жайқалады ақ бидай
Басын иіп аққудай.
Трактор мен комбайн
 Жүргізуге мен дайын
7.Дидактикалық ойын: (тақтамен жұмыс)  «Дұрыс орналастыр»
Ойынның шарты: Ұн, тоқаш, нан суреттері беріледі. 
8. Айналамен таныстыру әліппе - дәптерінен берілген тапсырманы орындау. Балаларға бидайдың суретін салғызу.
 Жұмбақ жасыру: 
Ұзын мұртты сарылар
Қойнында дәні бар.         (бидай)
Бидай - пшеница.
Нан - хлеб;     
9. Мақал - мәтелдер
1.    Нан-тамақтың атасы 
2.Ас - атасы нан 
3Еңбектің наны тәтті, жалқаудың жаны тәтті 
4    Дастархан көркі -  нан
5    Дастарханында нан жоқтың, Тамағының дәмі жоқ 
10. Тыйым сөздер:
Нанды аяқ астына тастама. 
«Жерде жатқан нанды еңкейіп ал. 
Дәнді шашпа, нанды баспа.
Нан – Қасиетті дәм, онымен ойнауға болмайды
11. Дидактикалық ойын: «Тез ойла» (Мамандық түрлері атау.) 

 
1. Жерді жыртады. 
Трактор 
2. Егілген дәндерді суарып, күтіп-баптайды. 
Диқаншы 
3. Бидайды орады, бастырады.
 Комбайншылар
  4. Бидайды жылдап сақтайтын жер . 
элеватор
  5. Бидайдан ұн жасайтын адам.
Диірменші
  6  Нан пісіреді.
Наубайшы
  7. Ыстық нан қайда түседі . 
дүкенге
  8. Анамыз ұннан не пісіреді? 
Бауырсақ, шелпек, нан, тоқаш

 12.Сергіту сәтті
Нан қиқымын шашпаңдар,
Жерде жатса баспаңдар.
Теріп алып қастерлеп,
  Торғайларға тастаңдар.
13. ҚОРЫТЫНДЫ БӨЛІМ. 
- Балалар біз есімізге түсірейікші ақ бауырсақ, тәтті тоқаш, батондар біздің дастарханға келу үшін қандай жолдардан өтеді екен?
- Сол үшін қаншама адам жұмыс істеп, тер төкті, қане есімізге түсіріп атап кетейікші
Тракторшылар, комбайншылар, наубайшы, дүкеншілер
  - Сондықтан қаншама адам күні - түні еңбек етіп, тер төккен қасиетті нанды біз қадірлеуіміз, қасиеттеуіміз керек

494
0
  • 0
0 дауыс
Загрузка...
Жаңалықтар
Ас атасы – нан
Ас атасы – нан
"Ас атасы – нан" екенін түсіндіру. Нанды қадірлеп, қастерлеуге үйрету.
Нан дастарханға қалай келеді? «Бауырсақ»
Нан дастарханға қалай келеді? «Бауырсақ»
Балаларды айналадағы дүниемен таныстыру. Балаларға нанның адам еңбегімен келетінін, оған көп күш жұмсалатынын түсіндіру. Сондықтан нанды қастерлеу, жерге тастамау керектігін білдіру.
Нан дастарханға қалай келеді?
Нан дастарханға қалай келеді?
Дән тұқымымен танысу, бидайдан нан жасалатынын айта отырып, дастарханға жеткенге дейінгі еңбек мазмұнымен, қолданылатын техникалардың аттарымен таныстыру. Үлкендердің еңбегін бағалай білуге тәрбиелеу.
Нан дастарханға қалай келеді?
Нан дастарханға қалай келеді?
Тақырыбы: Нан дастарханға қалай келеді?
Ас атасы - нан
Ас атасы - нан
Павлодар облысы, Екібастұз қаласы, Екібастұз қаласы, №10 "Сказка" деген балабақша тәрбиешісі Кенжебаева Бахытжамал Каримовна
Нан дастарханға қалай келді?
Нан дастарханға қалай келді?
Маңғыстау облысы, Бейнеу ауданы, Ы.Алтынсарин атындағы орта мектебінің мектепалды дайындық тобының мұғалімі Кубегенова Жумагул Калыбаевна
Пікірлер (0)
Ақпарат
Қонақтар,тобындағы қолданушылар пікірін білдіре алмайды.