Бізбен байланыс
kum2017@yandex.ru
WhatsApp: +7 705 241 87 47


Ана - отбасының ұйытқысы

16 қараша 2013, Сенбі
Категориясы: Тәрбие сағаты
Ана – отбасының ұйытқысы

Мақсаты: әрбір жеке тұлғаны өз ортасында, өзге ортада еркін сезіне алуға үйрету, айналсындағылармен қарым - қатынас орнатуға жаңа мүмкіндіктер табу.
Қатысушылардың өз ойын ашық жеткізуді, бір - бірінің пікірін құрметтеу, сезіміне бейімдеу.
Жеке тұлғаның рухани өсуіне тәрбиелік - педагогикалық жағдай жасай отырып, өмірдің құндылығын ұғынуға тәрбиелеу.
Мұғалім – ата - ана – оқушы арасындағы қарым - қатынасты нығайту.

Дүниеде ананың мейіріміне, аялы алақанына не жетеді? Жақсылық атаулының барлығы да ананың ақ сүтінен жаратылған.
Халқымыз «ана – барша тілектің бастауы, көркемдік пен жылылық көзі, шуақ пен мейірім әлемі, өмірдің сәні» деп қасиет тұтып отбасының алтын діңгегі санаған. Отбасының тәрбиесі, мәдениеті, жетістігі мен дәстүрі ананың өресіне, білімі мен қадір - қасиетіне тікелей байланысты.
Мұхтар Әуезовтің «Ел боламын десең бесігіңді түзе» деген пікірінің астарында үлкен мән жатыр.
Ананы Пайғамбар да қатты құрметтеген. «Жұмақ ананың табанының астында»,- деді ол.
Бір күні Пайғамбарға әлдекім келіп. «Шын айтыңызшы, мен жақсылықты әуелі кімге жасауым керек»,- деп сұрапты. «Өз анаңа»,- деп жауап беріпті Пайғамбар.
- Тағы да кімге? - дейді әлгі адам.
- Анаңа,- деп қайталапты Пайғамбар.
- Сонаң соң кімге? - дейді сұраушы.
- Өз әкеңе,- деген екен Пайғамбар.

Тренингке келген аналарды ережемен таныстырамын.
1. Өз ойын ашық айту.
2. Өзгенің пікірін құрметтеу
3. Шынайылық көрсету
4. Белсенді әрекет ету
5. Өз сезімін басқара білу
6. Уақытпен санасу

Аналарды ортаға шеңбер жасап тұрғызу.
Жаттығу түрлерімен таныстыру
1. Шаттық шеңбері
2. Жылжымалы орындық
3. Кел шырқайық
4. Кездейсоқ жағдайдан шығу
5. Топтық жұмыс
6. Мақалды жалғастыр...
7. Түйін сөз
8. Өрмекшінің торы

Аналарды ортаға шеңбер жасап тұрғызу.
1 - жаттығу, «Шаттық шеңберіне шақыру» Аналар өз есімдерін таныстыра отырып, есімдерінің бас әрпінен басталатын тілек сөз айтады.
2 - жаттығу, «Жылжымалы орындық» Қима қағаздарды алып, мен мына өлең жолдарын оқығанда орындыққа келіп отырасыздар.
Ана – дейміз бәрімізде аңқылдап,
Ана – дейді жас сәби де жарқылдап.
Ана – деген бәйтерегі өмірдің,
Ана – деген алтын қазық, алтын бақ.
3 - жаттығу «Кел шырқайық» Мына қима қағаздарда өлеңнің тақырыбы және шумақтың бірінші қатары жазылған. Өлеңді әуеніне салып айтып, келесі шумақты келесі ана жалғастырып алып кетеді.
4 - жаттығу «Кездейсоқ жағдайдан шығу»
1. Сіз тәрбиелі отбасы иесісіз. Бірақ балаңыздың жат әрекеттерге бой алдырып бара жатқанын байқадыңыз. Балаңызды қалай қорғап аласыз?
2. Биыл сіздің балаңыздың сыныбында оқитындардың бәрінде «ұялы телефон» бар, тек сіздің балаңызда жоқ. Үйде алып бер деп мазаңызды алады. Сабаққа барғысы келмейді сіз не істейсіз?
3. Сіздің тұңғышыңызды атасы мен әжесі бауырына басқан. Сабағы қиындап кеткен соң «өздерің қадағалаңдар» деп әкеліп береді. Ал балаңыз тәрбиеге еш көнер емес, не істейміз?
4. балаңыз диктант дәптерін үйге әкелді. жазба жұмысынан «4» деген баға алған. Қатесін сіз де, балаңыз да көріп тұрсыздар, ал пән мұғалімі оны жөндемеген. Сіз балаңызға неліктен жөндемегенін балаға қалай түсіндіресіз?
5 - жаттығу «Топтық жұмыс» Аналар бірігіп берілген сұрақтарға жауап береді. 1. Бала дегеніміз кім?
2. Бала жақсы өмір сүру үшін, қандай жақсы қасиеттер керек?
3. Баланы мадақтау дегеніміз не?
6 - жаттығу «Мақалды жалғастыр...» Оқушылардың қатысуымен тақтадан мақалдарды жалғастыру.
7 - жаттығу «Түйін сөз» БАҚЫТ, БАЛА, БАЗАР, БЕСІК. Осы сөздерді қатыстыра отырып, өз ойларыңызды бір ауыз сөзбен қорытындылаңыздар.
Жаттығуымыздың арасында өлең жолдары тыңдалады.
8 - жаттығу «Өрмекшінің торы» Ортаға шығып шебер құрамыз. Мен біреуге оралған жіпті лақтырамын. Оның атын айтамын және оның маған ұнайтын мінезін, жақсы қасиетін айта отырып тілек тілеймін. Келесі адамға жалғасады. Жіп соңында өзіме келуі тиіс.
- Қараңыздаршы, бізді байланыстырған жіп, әдетте, ол бізге көрінбейді. Бірақ өмірде бар, осы жерде тұрған барлық аналарды жылы, мейірімді сөздер байланыстырып тұра берсін,- деп бүгінгі тренингімізді аяқтаймыз.
16 833
0
  • 0
0 дауыс


Жаңалықтар
Құдіретті төрт Ана
Құдіретті төрт Ана
Әлемдегі ең кешірімді, ең мейірімді жан – Ана. Ана махаббатын сөзбен айтып жеткізу мүмкін емес. Ананың мейірімі жан – жағына өз шуағын төгеді.
Ата - анаң – алтын тұғырың
Ата - анаң – алтын тұғырың
Ата - ананы қадірлеу, ардақтау, ата - ананың үмітін ақтауға баулу; Махаббатқа, мейірімділікке, қамқорлыққа, тәрбиелеу.
Ата көрген оқ жонар
Ата көрген оқ жонар
Бала тәрбиесіндегі ата - ананың алатын орнының ерекше екендігін түсіндіру. Жанұядағы ата - ана және бала арасындағы қарым - қатынасты нығайту. Ата - анаға деген бала махаббатын ояту. Мектеп, ұстаз, ата - ана бірлігін нығайту.
Аялайық ананы!
Аялайық ананы!
СҚО, Айыртау ауданы, Бірлестік ОМ - нің бастауыш сынып мұғалімі Сеитова Баршын Жылқайдарқызы
Ана - отбасының ұйытқысы
Ана - отбасының ұйытқысы
Ақтөбе облысы, Мұғалжар ауданы, Ембі қаласы, №2 орта мектептің дене тәрбиесі пәні мұғалімі Жапакова Гүлзат Санаққызы
8 наурыз. Ана - өмірдің шуағы
8 наурыз. Ана - өмірдің шуағы
Ана барлық өмірдің бастауы. Ол адамды өмірге әкеледі, оны тәрбиелейді, өсіреді. Адам бойындағы барлық асыл қасиет күннің нұрынан, ананың ақ сүтінен дариды Ана - ұлы адам, Ана - құдіретті жан, ендеше бүгінгі мерекелеріңіз құтты болсын!!!
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×