https://bilimdiler.kz/oyin_sayk/ ru Қолданушының барлық пікрілері Дауыл - Білімділер порталының ойын-сауық бөлімі DataLife Engine https://bilimdiler.kz/oyin_sayk/olender/1534-salem-sagan-mektebim.html https://bilimdiler.kz/oyin_sayk/olender/1534-salem-sagan-mektebim.html
Сәлем саған, мектебім,
Алтын ұям, армысың.
Көңілімде көп менің,
Саған айтар алғысым.]]> Сұлтан Қалиевтің өлеңдері

Сәлем саған, мектебім,
Алтын ұям, армысың.
Көңілімде көп менің,
Саған айтар алғысым.
Көңілді өтті демалыс,
Кездім дала, тауды да.
Жайлаудағы ең алыс,
Бардым атам аулына.
Нұр себілсін бөлмеңе,
Теріп келдім қыр гүлін.
Құйшы тағы кеудеме,
Қоңыраудың сырлы үнін.

Маңғыстау облысы, Бейнеу ауданы,
Боранқұл селосы, Боранқұл орта мектебінің
оқушысы Рабаева Ақзер
Мұғалімі: Нурекешова Тойган ]]> Дауыл Sat, 01 Aug 2026 13:41:46 +0500 https://bilimdiler.kz/oyin_sayk/bata/3023-ariptes-kyzmettesterge-kuttyktau-tilek.html https://bilimdiler.kz/oyin_sayk/bata/3023-ariptes-kyzmettesterge-kuttyktau-tilek.html
Жыл сайын қуанышқа бөленіңіз,
Бақытқа отбасылық кенеліңіз!
Жұмыста еңбегіңіз бағаланып,
Медальмен, орденменен еленіңіз!]]> Жыл сайын қуанышқа бөленіңіз,
Бақытқа отбасылық кенеліңіз!
Жұмыста еңбегіңіз бағаланып,
Медальмен, орденменен еленіңіз!

Туған күніңізбен шын жүректен құттықтай отырып, шынайы көңілден шыққан ізгі тілегімді жолдаймын!
Кең байтақ еліміздің жүрегі – Астанада көп жылдан бері................ саласының жұмысын жандандырып еселі еңбек етіп
жүрген жігерлі де жауапты азаматтарымыздың бірісіз.
Өз ісіңізге берілгендігіңіз бен кәсіби шеберлігіңіз, әділдігіңіз бен адамгершілігіңіз үшін әріптестеріңіз Сізді білікті маман, ақжүрек азамат ретінде құрмет тұтып сыйлайды.
Бүгінгідей мерейлі сәтте Сізге еңбекте толағай табыстарға, мақсатта биік шыңдарға жете беруіңізді тілеймін.
Әрдайым отбасыңыз аман, жүзіңіз жарқын, мерейіңіз үстем болсын!

Кемелді келешекке қарышты қадам басқан Отанымыздың бас қаласы – Астананың жоғары талаптары әр азаматқа ауқымды да аса жауапты міндеттер жүктейді.
Осы ретте халыққа қызмет көрсетудің ең қажетті де қашанда өзекті саласы – /саланың атауы/
дамыту мен жетілдіру ісіне көп жылдар бойы аянбай еңбек етіп келген Сіздің тұлғаңыз алдыңғы қатардан орын алады.
Сіз байыптылығыңыз бен іскерлігіңіз, кәсіби шеберлігіңіз бен жоғары біліктілігіңіз әлдеқашан танымал болған білгір де тәжірибелі мамансыз.
Осы қуанышты күнде шын көңілден шыққан ізгі - ниет, ақ тілектерімді қабыл алғайсыз.
Бойыңызға мұқалмас жігер, қайтпас қажыр, еңбегіңізге таусылмас табыстар, отбасыңызға ортаймас бақ - ырыс тілеймін!
Мерейіңіз үстем, мәртебеңіз биік болсын!

Сіздің бүгінгі қуанышты сәтіңіз - туған күніңіз құтты болсын!
Көлік қызметкерлері қашанда халыққа барынша сапалы, жоғары деңгейдегі қызмет көрсетуді мақсат ететіні анық.
Бұл салада Сіз өз білімділігіңізбен, тәжірибелілігіңізбен, адал еңбегіңізбен ерекшеленіп келесіз.
Сізге таза көңілімнен шыққан ізгі ниетімді білдіре отырып, бақытты да баянды ғұмыр, жемісті де жеңісті күндер, қажымас қажыр - қайрат, талмас талап - жігер тілеймін.
Әрқашанда деніңіз сау, көңіліңіз жайдары, отбасыңыз берекелі болсын!

Біліктілігіңіз бен іскерлігіңізді орайлы ұштастыра отырып, білім беру ісіне сүбелі үлесіңізді аянбай қосып келесіз.
Сізге ақ ниетпен қартаймас жайдары көңіл, мәнді де мағыналы өмір, жемісті еңбек пен сарқылмас қуат тілеймін. Көңіліңіз шаттық пен қуанышқа, жанұяңыз бақ пен берекеге толсын.

............. жасқа толған мерейлі тойыңызбен шын жүректен құттықтай отырып, жүрек жарды жылы лебіздерімізді жолдаймыз!
Сіз денсаулық саласында көп жылдар бойы өнегелі еңбек етіп, тындырымды істер атқарып келесіз. Әріптестеріңізге осы бір маңызды саланың қыр - сырын үйретуден жалыққан емессіз. Бүгінде ұжымымыз Сізді үлкен абырой - беделге ие болған тәжірибелі, үздік маман ретінде құрмет тұтып сыйлайды.
Денсаулығыңыз мықты, жүзіңіз жарқын, ғұмырыңыз ұзақ та мағыналы болсын деген ізгі ниетпен Сізге бақыттың баяндысын, дәулет - ырыстың Сыр суындай сарқылмасын, табыс - тартулардың тау суындай таусылмасын тілейміз.
Әрқашан мерейіңіз үстем, мәртебеңіз биік болсын!

Сізге осы қуанышты сәтте өмірде бақытты, ұжымда беделді, дос - жолдастарыңызға қадірлі де сыйлы болуды тілейміз!
Әрдайым жүзіңіз нұрға, өміріңіз жырға толып, алға қойған үлкен мақсаттарыңызға сүрінбей жете беруіңізге тілектеспіз.
Аспаныңыз ашық, жүзіңіз жарқын, шаттық - қуанышыңыз мол болсын!

Бүгінде Сіз көлік саласының тәжірибесі мол, біліктілігі жоғары, беделі зор мамандарының бірісіз.
Сапалы қызметіңіз бен ұтымды істеріңіз, аса қарапайым мінезіңіз бен байыптылығыңыз,
азаматтық бітім - болмысыңыз да үлгі тұтарлық.
Сізге жүрер жолыңыздың ұзақ, асар асуларыңыздың биік, көрер қызықтарыңыздың мол болуын тілейміз!

Сізді туған күніңізбен шын жүректен құттықтай отырып, әріптестеріңіздің ізгі көңілінен шыққан ақ тілектерін жолдаймыз!
Ұжымыңыз Сізді білікті де білгір, тәжірибелі де озық, сыйлы да беделді маман ретінде құрмет тұтып сыйлайды.
Осы қуанышты сәтте Сізге ұзақ өмір, зор денсаулық, баянды бақыт тілейміз. Көңіліңіз ғұмыр бойы көтеріңкі болып, өмір айдынында қайғы - мұңды білмей, еркін жүзе беріңіз. Отбасыңыздан береке - бірлік, басыңыздан бақ - дәулет таймай, аңсаған армандарыңыздың асуына жете беруіңізге тілектеспіз!

Сізді туған күніңізбен шын жүректен құттықтай отырып, кіршіксіз көңілден шыққан ізгі тілектерімізді жолдаймыз!
Ұжымда адал еңбеккер, ортасына сыйлы әріптес, отбасында мейірманды ана, асыл жар бола білген өзіңіздей абзал жанға осындай қуанышты күні ғұмырыңыз ұзағынан, көрер қуанышыңыз молынан болсын деп тілейміз. Жүзіңіз күндей күлімдеп, жүрегіңіз жаздай жайнасын, жанарыңыздан әрдайым нұр себелеп, жаныңыз шаттыққа кенелсін демекпіз. Шаңырағыңызға шаттық ұялап, босағаңыздан қызық - қуаныш арылмасын!

Туған күніңізге орай әріптестеріңіздің ақ көңілінен шыққан құттықтаулары мен жылы лебіз - тілектерін қабыл алыңыз.
Жас та болсаңыз, өзіңіздің еңбек етіп жүрген салаңызда білікті де білгір маман ретінде танылып үлгердіңіз.
Осы айтулы сәтте Сізге келешекте мамандығыңыздың үздік шебері атанып, алға қойған үлкен мақсаттарыңызға сүрінбей жете беруіңізге тілектеспіз. Өмірде бақытты, ұжымда беделді, дос - жолдастарыңа қадірле де сыйлы боп тек биіктерден көріне бер!

Жеміс берсін тер төккен еңбегіңіз,
Бақыт болсын әрдайым көргеніңіз!
Дәулет пен мерейіңіз таси берсін,
Арта берсін абырой - беделіңіз!

Тізгіні өзіңізге сеніп тапсырылған.......................... бөлімінің жұмысын сапалы да ұтымды жүргізу ісіндегі еңбегіңізді аса жоғары бағалаймыз.
Салаңыздың білгірісіз – санаңыз ілгері болсын, еңбектің озатысыз – ойыңыз озық болсын деп тілейміз.

Өзіңізді іскерлігі мен ұйымдастырушылық қабілеті жоғары қызметкер, болашағынан үлкен үміт күттіретін білімді де білікті жас маман ретінде танимыз.
Қызыққа құштар, сұлулыққа іңкәр жастық шақтың жалауын жықпай, жылуын мәңгі жоғалтпай,
ақ махаббат пен таза достықтың адалдығына сүйеніп, еңбектің жемісі мен жеңісіне кенеліп,
мақсат - мұратыңызға мүдірмей, армандарыңызға адаспай жетуіңізді тілейміз.
Көңіліңіз көктем гүліндей кіршіксіз, өміріңіз өлең жолдарындай мінсіз болсын!

Ұжымда Сізді жаныңыздың тазалығы мен көңіліңіздің адалдығы, қарапайым мінезіңіз және еңбектегі білгірлігіңіз үшін үлгі тұтып сыйлайтынын білдіргіміз келеді.
Ортаңызға сыйлы, еңбекте абыройлы қалпыңызда әлі де талай жылдар қатар қызмет етуді жазсын.

Сіз өнегелі еңбегіңізбен, тындырымды ісіңізбен және қарапайым да парасатты мінезіңізбен үлкен абырой - беделге ие болған ұжымымыздың тәжірибелі, үздік маманысыз. Туған күніңіз құтты болсын! Әрдайым еңбегіңіз жана берсін, жаңа биік жетістік шыңдарына көтеріле беріңіз деп тілейміз.

Сіз талантты, өз мамандығын жете меңгерген, қызметтестері алдында ерекше беделге ие болған жансыз. Жинаған тәжірибеңізді тәлімгер және ақылшы ретінде кейінгі жастарға жеткізуден жалықпайсыз.
Игі істеріңіздің қашанда оңға басуына, әр қадамыңыздың қарымды болуына, ел - қоғам алдында абыройыңыздың арта беруіне тілектестік білдіреміз. ]]> Дауыл Sat, 01 Aug 2026 13:41:46 +0500 https://bilimdiler.kz/oyin_sayk/olender/2491-1-kyrkuyek-bilim-kunine-takpaktar-algashky-konyrau.html https://bilimdiler.kz/oyin_sayk/olender/2491-1-kyrkuyek-bilim-kunine-takpaktar-algashky-konyrau.html
Бірінші қыркүйек күнімен.
Аңқыған жұпар гүлімен
Келіп ем, қарсы алар мектебім,
Сүйкімді қоңырау үнімен.]]>
Сәлем, саған мектебім,
Алғыстарым көп менің.
Оқу, білім, тәрбие
Ой санама еккенің.

Қуаныш бүгін – мереке,
Шуағын шашып тұр әлем.
Мектепке келген алғашқы,
Жан досым, саған мың сәлем.

Мектеп – қамқор анамыз
Оқып білім аламыз,
Өнерпаз боп өсетін
Біз оқушы боламыз!
Өмірімнің көктемін
Сенде өткіздім деп келдім,
Алтын ұя - мектебім!
Армандарым көп менің,
Атқарамын деп келдім,
Асыл – аннам мектебім

Биыл мен де мектепке
Біріншіге барамын.
Мақтанбаймын мен текке,
Дайын дәптер, қаламым.

Мектепке енді барамыз,
Біз оқушы боламыз.
Жақсы оқып сабақты,
Кілең бестік аламыз.

Өсті міне бойымыз,
Өсті міне ойымыз.
Қуанышқа ортақпыз,
Құтты болсын тойымыз.
Білім керек бәріне

Білім керек бәріне,
Балалардың бәріне.
Білімі болмаса егер де,
Жолы болмас өмірде.
Білім керек әрқашан,
Өмір бой бәріне.
Сондықтан да балалар,
Білім алайық бәріміз.
Соның үшін балалар,
Білім керек бәріне.

Айналайын балғындар,
Алға бағыт алғындар
Ертең өсіп толындар,
Ел мақтаны болындар,
Орындалсын ойларың,
Құтты болсын тойларың

Мектепке алғаш барғанда
Ұстаздарды мақтаймын,
Сенімдерін ақтаймын.
Біздікіндей мектепті
Әлем шарлап таппаймын.

Сәлем беріп өтейін,
Биіктерге жетейін.
Алдыңызда өзімді
Таныстырып кетейін.

Мектеп, менің мектебім,
Ақылсыздан шеттедім.
Білімдімен дос болып,
Сенен аттап өтпедім.

Қару - жарақ – сабағым,
Қалам - парақ – садағым.
Жалқау менен наданды
Білімменен қададым.

Тақпағымды жаттаймын,
Сабағымды баптаймын.
Біздікіндей мектепті
Ешбір жерден таппаймын.

Таң қалдырып әлемді,
Айтайын мен өлеңді.
Қабыл алғын, жамағат,
Қызың берген сәлемді.

Күн көзімен таласқан,
Ай мен күнге жол ашқан.
Қазақ қызы мен болам,
Білімменен санасқан.

Есін допқа жеңдірген,
Бала емеспін сен білген.
Алтыға кеп, алып боп,
Біріншіге келдім мен.

Еркелік жоқ кешегі,
Оқушымын көшелі.
Білім алып бойыммен
Ойым да енді өседі.

Салтанаты бек керім,
Міне, сынып - мектебім.
Ұстаздарым аялы,
Достарым да көп менің.

Мен оқушы баламын –
Оқып, білім аламын.
Мектеп - ұям, өзіңе
Арналады бал әнім.

Бірінші қыркүйек күнімен.
Аңқыған жұпар гүлімен
Келіп ем, қарсы алар мектебім,
Сүйкімді қоңырау үнімен.

Отанның біз ұл - қызы
Халықтың біз жұлдызы.
Оқимыз ақын - жырларын,
Оқимыз еңбек сырларын.
Қоңырау сыңғырла, асыға
Үн қосқан қиядан асуға
Білім ал, еңбек ет жас ұлан
Өрле сен биiк шың басына.
Қоңырау үні сыңғырлап,
Естілді жылы жаныма
Күлкідей әсем сылдырлап
Бөбекті жиды маңына

Соғылсын қоңырау, соғылсын,
Сыңғырла мәңгілік сыңғырла.
Толқыған жүректер тоғысын
Толтырып бір арна, бір жырға.
Шаттықтың үніндей мәңгілік
Соғылсын қоңырау, соғылсын,
Қуаныш әніндей жаңғырып
Жүректер ақ нұрға соғылсын.

Бүгін ерекше тебіреніс пен толғанысқа толы күн... Бүгін мектеп атты кеменің ескегін есіп көрген кез - келген пендені бей - жай қалдырмайтын ұлы мерке.. Бүгін алтын ұя мектебін бітіріп, бала шақтан болашаққа қанат қаққалы отырған, жүректері лүпіл қағып, қимастық пен қуаныш, аңсау мен арман сезімдері араласқан жас түлектер үшін ең бір қымбат, ең бір қимас, ең бір ұмытылмас күн... Өзіңің уақытын аямай, өзгенің уақытын аялай білетін, өз шәкірттерін білім нәрімен сусындатудан талмайтын аяулы ұстаздардың бір жылдық еңбектерінің жемісіне куә болатын күн...

Бүгін соңғы қоңырау! Бір кездері шашымызға ақ бантик, мойнымызға көк галстукті тағып, әр қоңырау ұрылған сайын сыныптан жүгіріп шығып жүретін оқушылар едік. Енді бүгін соңғы қоңырау үнін сағынып отырған, жай ғана қатардағы адамдармыз... Қоңырау үнін қатты сағындым! Мектебімді, ұстаздарымды сағындым... Қызыыыық! Біз адамдар өткенімізді неге сонша тез ұмытқыш келеді екенбіз!? Қазір ойлап қарасам, оқушылық өмірден еске түісіп отырғаны тек мына жыр шумақтары екен:

Мектебің мынау, классың
Осында он жыл тұрасың.
Тарыдай болып кіресің
Таудай болып шығасың...

Соқ, соқ қоңырау
Сыңғырлайды қоңырау
Сылдырлайды қоңырау
Сыңғырлайды, сылдырлайды соңғы қоңырау!
Гүлдерге толы омырау,
Өмірде жоқ қой тоқырау.
Қимастық сезім оятып,
Соғылсын соңғы қоңырау.
Жыл он екі ай – үш жүз алпыс,
Бірде - бірі жатсынбасын ешкім де.
Үш жүз алпыс күннің бірі – білгенге – Білім күні!
Сенің де ойың өсті ме?! ]]> Дауыл Sat, 01 Aug 2026 13:17:19 +0500 https://bilimdiler.kz/oyin_sayk/olender/2903-baygus-bala-muhtar-zhaksylyk.html https://bilimdiler.kz/oyin_sayk/olender/2903-baygus-bala-muhtar-zhaksylyk.html
Көлеңкелеп отыр едім көк талды,
Бір кішкентай маған қарай оқталды.
Рұқсат сұрап жайғасты да жаныма,
Аға, сенде МАМА бар ма?., деп қалды.]]> Байғұс бала...
Авторы: Мұхтар Жақсылық

Көлеңкелеп отыр едім көк талды,
Бір кішкентай маған қарай оқталды.
Рұқсат сұрап жайғасты да жаныма,
Аға, сенде МАМА бар ма?., деп қалды.

Не дерімді білмей қалдым (тіл жұтып),
Кірпігімді алдым жасқа сүңгітіп.
Бір сұрақпен жылатып ап балақай,
Енді менің жауабымды тұр күтіп.

Үндемедім, жауап қатып не етемін,
Хәлі таныс бұл кішкентай көкенің.
Анам бар деп, айта алмадым амал не?!,
(Білем оның анасы жоқ екенін).

Анасы оның мәңгілікке аттанған,
Əкесі жоқ, темір торда, (сотталған).
Екеуінен бір - ақ демде көз жазып,
Жетімсіреп қалған солай тəтті арман.

- Бүгін кешке мамам үйге келеді,
Деп, балақай тəтті үмітке сенеді.
(Мамаң сенің жұмысына кеткен деп,
Атасы оны алдап қойған себебі).

Кішкентай ғой, оған қалай нанбасын,
Көніп жүр - ау тағдыр басқа салғасын.
Өзі жемей, МАМА келсе берем деп,
Бір қолына ұстап апты алмасын.

Аңсап жүр - ау көргісі кеп шамасы,
Кішкентайдың сағынышын қарашы.
Атын айтып айғалайды еркелеп,
Бірақ оны естиді ме анасы?

Өтсін көктем, өтсін қыс, жаз, күз, мейлі,
Байғұс бала, үмітін еш үзбейді,
Сәби жүрек сезіп жүр ме бірдеме?,
Әкені емес, тек ананы іздейді.

Үміті зор, келер - ау деп, ойлайды,
Касыма кеп тағы алаңсыз ойнайды.
Әр әйелге жалт бұрылып елеңдеп,
"Анау менің мамам ба?" деп, қоймайды.

Аяп кеттім, жүрек босап елжіреп,
Екі көзім жасқа толды мөлдіреп.
Мұңы қалың бұл сүйкімді балаға,
Айту қиын мамаң сенің сөнді деп.

(Арман отын алаулатып жандырған,
Өмір бойы өксімеуді заң қылған,
Басымды идім құдіретті анаға,
Баласына сөнбес үміт қалдырған).

Бір қалтаға кампиттің сап он бесін,
Бір қалтаға тығып тағы теңгесін,
Байғұс бала күтіп отыр анасын,
Қайдан білсін бүгін тағы келмесін.

Ештеме де айта алмадым балаға,
Жетімсіреп қалып кеткен далада.
Тек тағдырға капа болдым ішімнен,
Кішкентайды зар ғып қойған мамаға. ]]> Дауыл Sat, 04 Jul 2026 18:12:27 +0500 https://bilimdiler.kz/oyin_sayk/makal-matel/2902-dastarhanga-bata.html https://bilimdiler.kz/oyin_sayk/makal-matel/2902-dastarhanga-bata.html
Дастарханың бай болсын.
Қазан - ошағың май болсын.
Төрт түлігің сай болсын.
Көңілің толып жай болсын.
Ұлың қонып қияға,
Қызың қонып қияға,
Келінің бибі атанып,
Ұлың болсын би аға.]]>
Дастарханың бай болсын.
Қазан - ошағың май болсын.
Төрт түлігің сай болсын.
Көңілің толып жай болсын.
Ұлың қонып қияға,
Қызың қонып қияға,
Келінің бибі атанып,
Ұлың болсын би аға.
Бергеннен Алла танбасын,
Көбейе берсін мал басың,
Өсе берсін жан басың,
Арманың көкке самғасын.
Досыңнан көңілің қалмасын,
Жағаңнан дұшпан алмасын,
Жолың болып жортқанда,
Жолыңды Қызыр жалғасын.

Дастарханың бай болсын,
Қазан - ошағың май болсын.
Төрт түлігің сай болсын,
Көңілің толып жай болсын.
Құлындаған тай болсын!
Ұлың ұяға қонсын
Қызың бақытты болсын!
Бергеннен Алла танбасын,
Көбейе берсін мал - басың.
Қыдыр болсын жолдасың.
Досыңнан көңілің қалмасын.
Жағаңнан дұшпан алмасын.
Қастық қылған оңбасын,
Əруақтар қолдасын!
Дастархан байлығын берсін,
Деніңнің саулығын берсін!
Əумин!
..........................................
Пышағың малдан кетпесін,
Қазаның оттан түспесін.
Маңдайға біткен ырысың
Босағадан кетпесін.
.......................................

Дастарханыңа береке берсін,
Бастарыңа мереке берсін,
Астарыңа адалдық берсін,
Бастарыңа амандық берсін,
Дендеріңе саулық берсін!
.............................................

Рахмет дəміңе,
Ризалық берсін бəріңе.
Аман болсын басыңыз,
Жүзге жетсін жасыңыз.
...................................
Дастарханыңнан дəм кетпесін,
Көңіліңнен сəн кетпесін.
Ұрпақ, ұлыс аман болып,
Өміріңнен мəн кетпесін.
Əумин.
.............................................
Құдай жарылқасын,
Бай қылсын.
Бақ қарасын!
Қыдыр дарысы н!
Аруақ жебесін!
Береке берсін!
................................

Берейін бата асыңа,
Амандық берсін басыңа.
Бөденедей жорғалап,
Қыдыр келсін қасыңа,
Бар екем деп тасыма,
Жоқ екем деп жасыма.
Еңбек етсең ерінбей,
Дәулет келер қасыңа.
Көре алмаған дұшпанның,
Жуа бітсін жолына.
Бақытың жетсін төтелеп,
Дүние малды жетелеп,
Аузыма түскен батаның
Жатырмын бәрін түгендеп!
Көтердік міне білекті,
Ақтардым түгел тілекті,
Мынау тұрған балаңыз,
Батыр болсын жүректі.
...............................................
Құдай берсін,
Кем қылмасын!
Отбасы аман болсын,
Денсаулық берсін!
Кетпес дəулет,
Кең пейіл берсін!
.................................
Ардақты үй иесі,
Əуелі бердің шай,
Көңілің болсын жай!
Екінші бердің ет,
Таппасын көңілің ешбір дерт!
Үшінші бердің сорпа,
Болмасын бағың орта!
..............................
Дастарханың бай болсын,
Қазан - аяққа май толсын.
Төрт түлігің сай болсын,
Көңілің толып жай болсын.
Ұлың қонып ұяға,
Қызың қонсын қияға.
Келінің «бибі» атансын,
Ұлың болсын «би аға»!
Бергеннен Алла танбасын,
Көбейе берсін мал басың.
Өсе берсін жан басың,
Арманың көкке самғасы н.
Досыңнан көңілің қалмасы н,
Жағаңнан дұшпан алмасын,
Жолың болып жортқанда,
Жолыңды Қыдыр жалғасы н!
.............................................
Дастарханнан дəм кетпесін,
Көңіліңнен сəн кетпесін.
Ұрпақ, ұлыс аман болып,
Өміріңнен мəн кетпесін.
................................
Сұрасаң бата берейін,
Үстем болсын мерейің.
Ықыласпен қол жайсаң,
Ақ тілекті төгейін.
Дастарханың мол болсын,
Абыройың зор болсын.
Үйдің əрбір бөлмесін,
Мол қуаныш кернесін.
Ұл мен қызың ер жетіп,
Білімге құлаш сермесін.
Туған - туыс, жекжатың,
Жаманшылық көрмесін.
.................................
Асың, асың, асыңа,
Бақыт қонсын басың а.
Бірлік берсін басыңа,
Береке берсін асыңа.
Жақсылыққа жақ болы п,
Ас қосылсын асыңа.
Бас қосылсын басыңа,
Жас қосылсын жасыңа!
Денсаулығың зор болсын,
Дастарханың мол болсын.
Қайда барсаң алдыңда,
Жарқыраған жол болсын.
Армандарың алдыңнан,
Саған шығып қол берсін.
Дұшпаның саған құл болсын,
Үйің толған ұл болсын!
.................................
Мыңға жетсін қойың ыз!
Мыңға жетсе қойыңыз:
Сараңдықты қойыңыз
Күнде берсе сойыңыз!
Ойыңыздан кетпесін
Мереке мен тойыңыз!..
Малда болсын көзіңіз,
Аллада болсын ойыңыз,
Өзінің берген дəулетін
Өз жолына жойыңыз!
............................
Ұзақ етсін жасыңды,
Берекелі берік қылсын
Малың менен басыңды!
Таңда - Мақшар күнінде
Шарап етіп қайтарсын
Бізге берген асыңды!
Өзің жүзге келгенде,
Тоқсанға жетсін алған ың!,
Кемпір - шал болып қалған ың,
Шайых - паны болғаның.
Сол жастарға келгенде,
Құман болсын қолыңда,
Он бес ұл мен он бес қыз
Еріп жүрсін соңында!
....................................
Жүзге жетсін түйеңіз,
Үш жүз болсын биеңіз!
Əлдеріңнен келгенше,
Жығылғанды көтеріп,
Сүйенгенді сүйеңіз!
Тарығып келген адамға
Бермесек, отқа көнеміз!
Бергенді тым - ақ сүйеміз.
Жомарттық қылық қолдан саң,
Əрбір жерде жар болсын
Бір жасаған - Иеміз!
...............................................
Таңда мақшар күніңде
Пырақ болсын мінгенің,
Хəллə болсын кигенің,
Қорлар болсын сүйгені ң.
Сол уақытта білерсің
Бұл күнде берген асыңның
Пайдасының тигенін.
..................................
Бала менен бақ берсін,
Мұның бəрін сіздерге,
Баянды етіп хақ берсін!
Торығып түзде жүрсеңіз
Қыдыр — ата тап келсін,
Алла болсын панаңыз!
Қатар өссін, шырағым,
Малың менен балаңыз!
..............................
Дəулетті бас берсін,
Бақытты ас берсін,
Ұлыстың ұлы күнінде!
Ұлың оңға қонсын,
Қызың қырға қонсын!
...................................
Қозыға толсын көгенің,
Тұлпар болсын құлының.
Сүтті болсын құдығың,
Өрісті болсын жайлауың,
Ырысты болсын қыстауың!
Арыстандай болсын қайратың,
Аюдай болсын айбатың,
Гүлге толсын өңірің,
Көңілді өтсін өмірің
Асқа толсын табағың,
Ашық болсын қабағың!
.............................
Бізге тартқан басыңыз,
Дəмді екен асыңыз.
Ұрпақты боп өзгеше,
Сыйлы болсын басыңыз.
Құйған қызыл шəйіңіз,
Балдай тəтті майыңыз,
Еселі боп еңбегің,
Жылдан жылға байыңыз.
..................................
Бақ келіп қонсын басыңа,
Көңілің көлдей шалқысын.
Пейіліңе тойған қонағың,
Ішпей - жемей балқысын.
..........................................
Құдай қуат берсін,
Нұрлы шуақ берсін!
Дастарханға береке берсін,
Күнде осындай той - мереке берсін!
..................................
Басымыз аман болсын –
Тыныштық заман болсын!
Абыройымыз арта берсін,
Дастарханға мəңгі таусылмайтын
Қазы менен қарта берсін!
...............................................
Құдай берсін, кем қылмасын,
Кетпес дəулет, кең пейіл берсін.
......................................
Құдай қуат берсін,
Нұрлы шуақ берсін!
Дастарханға береке берсін,
Күнде осындай той - мереке берсін!
................................................
Көш көлікті болсын,
Дос серікті болсын,
Жан ерікті болсын,
Жар көрікті болсын,
Жер құнарлы болсын,
Жас елеулі болсын,
Қыз шырайлы болсын,
Тау өрісті болсын,
Бау жемісті болсын,
Жыл табысты болсын!
.................................
Дастарханыңа береке берсін,
Бастарыңа мереке берсін,
Астарыңа адалдық берсін,
Бастарыңа амандық берсін,
Дендеріңе саулық берсін!
Əумин!
..............................
Ашып тастап пейілді
Дастарханың жайылды.
Қасиетті нан ұлық
Берекең тұр нақ ұй ып.
Асыл сөздер шашылды,
Бар абырой бақ орнап
Ел сыйласын басыңды.
Аңыз болып отауың
Айта жүрсін асыңды.
Сүйген жарың,
Бала - шағаң аман боп,
Бүтіндесін асылды.
Ниетіңе біз тойдық.
Рахмет шайыңа,
Риза еткен бір қ ойлық!
Əумин! ]]> Дауыл Thu, 25 Jun 2026 00:03:42 +0500 https://bilimdiler.kz/oyin_sayk/bata/2318-mektep-bitirushilerge-arnalgan-tilekter-toptamasy.html https://bilimdiler.kz/oyin_sayk/bata/2318-mektep-bitirushilerge-arnalgan-tilekter-toptamasy.html Құрметті бүгінгі салтанатты кешке жиналған қадірлі ұстаздарымыз, ата - аналарымыз және менің қимас достарым! Міне, біз бүгін «тарыдай болып кіріп, таудай болып шыққан» ыстық ұямыз – мектебімізбен, бізді 11 жыл бойы оқытып, тәрбиелеген аяулы ұстаздарымызбен қоштасқалы тұрмыз. Енді біздің құлағымыз күмбірлеген күміс қоңыраудың үнін естімейді.

]]>
Балаңыздың мектеп бітіруімен құттықтаймыз!
Аса құрметті осынау алтын ордаға «тарыдай болып кіріп, таудай болып шыққан» менің сыныптас достарым! Бүгінгі күні бәріміз өзіміздің алтын ұямыздан «өмір» атты ұлы тауды бетке алып ұшып бара жатқанымызда айтар тілегім: қайда жүрсек те, қайда болсақ та, қанша жасқа келсек те бір - бірімізді ұмытпайық.
Әрқашан жадымызда есімімізді жаңғыртып жүрейік. Өйткені туған жеріміз ортақ, тіліміз, дініміз ортақ, оқыған мектебіміз, ұстаздарымыз ортақ, заманымыз, қоғамымыз ортақ, ең бастысы алтын шаңырақты, күміс уықты, киелі керегелі еліміз, арман - тілегіміз ортақ. Сондықтан қадірлі достар, Қорқыт бабамыз айтқандай «қара орманымыз шайқалмасын, қара тауымыз бүгілмесін, аққан дариямыз сарқылмасын, Түркі дүниесі түгел болсын!» Бұл тілектер, сыныптас достар, біздің бойтұмарымыз болсын!

Құрметті бүгінгі салтанатты кешке жиналған қадірлі ұстаздарымыз, ата - аналарымыз және менің қимас достарым! Міне, біз бүгін «тарыдай болып кіріп, таудай болып шыққан» ыстық ұямыз – мектебімізбен, бізді 11 жыл бойы оқытып, тәрбиелеген аяулы ұстаздарымызбен қоштасқалы тұрмыз. Енді біздің құлағымыз күмбірлеген күміс қоңыраудың үнін естімейді.
Енді біз ең қызықты сәттерімізді өткізген мынау мектептің ауласында жарыса жүгіріп, сыныбымыздағы парталарға таласа - тармаса отырмаймыз. Енді біз 11 жыл бойы біздің «еркелігіміз бен тентектігімізді» көтерген апайларымыз бен ағайларымыздың сабақтарыңда отырмаймыз, тақтаға шығып сабақ айтпаймыз!
Біз осы мектепте ұстаздарымыздың тәлім - тәрбиесін ала жүріп болашағымыздың іргетас - фундаментін қаладық. Дәл қазір сол күндерге деген қимастық сезімді бастан өткеріп мұңайсақ та, ертеңгі болашағымызды ойлап жүрегіміз лүпіл қағып тұр!

Менің сыныптас достарым! Сендерге алдағы уақытта тек қана сәттілік жар болсын, жетістіктерге қол жеткізіңдер, өмірден өз орындарыңды адаспай табыңдар! Бәрің де ақ жолмен аппақ көгершін - армаңдарыңа сүрінбей жетіңдер! Өйткені, біз мектеппен қоштасып, үлкен өмірге қанат қағып барамыз. Енді бізді алда өмірдің сан тарау жолдары күтіп тұр. Сол жолда әр біріміз бақыт үшін, өмірден лайықты орын алу үшін күресейік, достар! Ал алтын ұя – мектебіміз бен аяулы ұстаздарымызды жүрегімізде мәңгі ұмытпай сақтаймыз. Аяулы ұстаздар! Сіздер жасаған еңбектеріңіз үшін шексіз алғыс білдіреміз!

Алтын ұя мектептің тұлпарлары, дүлдүлі –
Жұлдыздары жүректің жетілдіндер бұл күні!
Бірің – хакім, ал бірің болыңыздар ғұлама,
Мың дауыспен сайраған о, өмірдің бұлбұлы!

Ата - дәстүр бойынша сатпайды ұлан сүйегін,
Күй төгесің шанақтан – жақсы болды тиегің!
Құтты болсын тойларың шәкірттерім, көгершін,
Барлығыңды кеудеме басып, қысып сүйемін.

Сендерсіңдер тірліктің желкілдеген құрағы,
Ұстаздарың арманын өздеріңе ұлады!
Тойға ұлассын тойларың – ту қадаңдар биікке,
Жақсы туған жігітке жат жұрт келіп тұрады.

Оралыңдар отыздың ортасына толғанда,
Шүкіршілік етеміз жетсеңдер шың - арманға.
Ел - жұртың бар тілектес, жьнылма өмір - егесте,
Ал соңдарың айналсын қарақұрым орманға!

Балаңыздың дипломы құтты болсын!
Үлкен өмірге қанат қағып барасың. Қанатың талмасын, биіктерге шырқа! Жоғары оқу орнына оқуға түсіп, студенттік дәуірді қызықты өткізіп, абыроймен бітіруіңе тілектеспін. Таңдаған мамандығыңның мықты маманы, кәсіпқойы бол! Мектеп өмірі артта қалды, алдыңда күтіп тұрған жаңа өмірдің баспалдақтарынан сүрінбей өте беруіңді тілейміз!

Мектеп бітірушілерге арналған тілек
Мектепті, балам, бітірдің,
Самғатты қиял ғарышқа.
Қанаты арман құсының
Апарсын сені алысқа.

Кешегі шәкірт бала едің,
Қарайсың бүгін жігіт боп.
Шарлаған арман әлемін,
Шыңдарға шыңнан биіктеп.

Отаның сипап маңдайдан,
Аямас сенен жақсысын.
Ізде, тап, қиыр - шалғайдан
Еліңе қажет бақ құсын.

Асқарға қолың соз балам,
Бәйгеге түс те, бақ сына.
Намысқа тиер озбаған,
Қол соғар жұртың жақсыға.

Ғылым қу, елге ет еңбек,
Маман бол қажет білікті
Өресі биік екен деп,
Мақтайды жампоз жігітті.

Білімді басқа жастадың,
Ғылымды іздеп үңіліп.
Өмірге сапар бастадың,
Алдыңда күліп тұр үміт.

Өмірден енді дәріс ал,
Білім мен ойды қоса ұштап,
Самғауға, балам, барын сал,
Қанатың болсын аттестат.

Түсініп жөн мен жобаны,
Ер жеткен жансың жетелі.
Шыңдарда ғана болады,
Қыранның салған мекені.

Ат жалын тартып мін, інім,
Білімнің ұстап құрығын.
Жарқырай түсер ұлы күн,
Сыйласаң жүрек жылуын.

«Он үште отау иесі»,
жиырма бес десе жөн бөлек.
Үлесіңді қос тиесі,
Ерінбе, ізден, еңбек ет.

Компьютер сенің ғасырың,
Ғылымның жеткін шегіне.
Ақтарғын ойдың асылын,
Ұмтылып ғарыш көгіне.

Намысын кекке қайраған,
Найзағай сынды бол батыр.
Көз тіккен саған айналаң,
Алдында асу жол жатыр.

Қанатын қағар жыл жылдам,
Келеді ертең жаңа ұрпақ.
Аумай бір тұрсаң жұлдыздан,
Қарайды жұртың таңырқап.

Біз жүрейік сендермен бақытты боп
Он бір жыл оқып, міне, аяқтадың.
Кетесің қанат қағып, тарап бәрің,
Тек әйтеуір жолдарың ашық болсын,
Келмейді бұл өмірден қарап қалғың.

Біреуі журналист болам дейді,
Біреуі әртіс боп ән салам дейді.
Біреуі – ақын, біреуі – дәрігер болып,
Аурудың не түрін жазам дейді.

Полицей боп, қатерге барам дейді.
Ұстаз болып, мектепке қалам дейді,
Біреулері қақа жарып қара қылды.
Біреуі сот – судья болам дейді.

Спортшы болуды керемет деп,
Кейбірі ғарышкерді өнеге етпек,
Сәулетші болып біреуі құрылыста,
Енді бірі елші болып шетел кетпек.

Бәрің де арманменен қанаттандың,
Үлкен өмір жолына ал аттағын.
Біз жүрейік сендермен бақытты боп,
Көзбен көріп, бәйшешек гүл атқанын.

Құрметті мектеп бітіруші түлек! Сіз үшін осынау күн айшықты да, айдынды, мерекелі де мерейлі, табысты да толғамды күнге айналып отыр. Өйткені Сіз дәл осынау күні өзіңіздің қимас бір мекеніңізге айналған, балдәурен шақтың балауса қызығын өткізген, сөйтіп бойыңызға білікті білім мен тәлімді тәрбие жинаған мектеп анаңыздан түлеп ұшқалы тұрсыз. Осыдан санаулы ғана жылдар бұрын сіз осы мектептің қастерлі табалдырығын жасқана да жүрексіне аттап, өзіңізге тәлім берер алғашқы ұстазыңызбен жүздесіп, білім нәріне бас қойған едіңіз. Содан бері ағын судай жылжыған жылдар легі сіздің өрісіңізді кеңейтті, бойыңызды қатайтты, топшыңызды бекітті. Сіз үшін осынау қимас ұяңызда жүрген сәтте, алдыңыздан күн сайын жаңалықтар легі ашылды, танымыңыз тереңдей түсті. Сіз мектеп партасында отырып, ұстаз аузынан естілген әр бір білім жаңалығының қабылдаушысы болып қана қойғаныңыз жоқ, сіз осынау сәттерде өзіңіз де мектебімізде өткізілген қаншама игілікті шаралардың белортасында жүрдіңіз, жарқын да мағыналы істердің жанашыр куәгері атандыңыз. Сіздің бойыңызға білікті білім мен тәлімді тәрбие егуді өзімнің жауапкершілік міндетім деп қана ұғатын барлық ұстаздарыңыз енді Сіздің дәл осындай биіктен көріне білгеніңізге қуанады. Сіз алдағы өміріңізде Абай атамыз айтқандай: "бес нәрсеге асық, бес нәрседен қашық" бола білсеңіз ғана өзіңіздің ұстаздарыңыз төгілген тер өтелді деп біледі. Сіз үшін бүгінгі қағылар соңғы қоңырау үні балдәурен балалығыңыздың артта қалып, жауапкершілігі мол азаматтық биікке көтерілгендігіңіздің ескертпесі сияқты. Сізге ендігі сәтте өз өмір айдыныңызды қалап алуға тура келеді. Осынау кезеңдерде өмір кемеңіздің желкенін еш уақытта түсірмеу үшін, сіздің бойыңыздан білім мен білік, батылдық табылатынына сенгіміз келеді. Сіз Елбасы армандаған мәңгілік болашақтың бүгінгі жас құрылысшысы екендігіңізді еш уақытта естен шығармаңыз. Мектеп бітіруші түлектің құттықтау сөзі Қымбатты ұстаздар! Құрметті мектеп түлектері! Қадірлі ата - аналар және кеш қонақтары! Әр кезде де мектеп өмірінде ұстаз үшін де, шәкірт үшін де аса қадірлі көрінер, соның ішінде ұстаздың да, шәкірттің де көңілін босатып, жан - жүйесін иер, сөйтіп бір беймаза толқынысқа түсіріп, көңіл құсын аспанға шарықтатар соңғы қоңырау салтанатының орны бөлек екендігі даусыз. Соңғы қоңырау. Қарапайым ғана естiлер осы бір сөзде, шындығына келгенде, қаншама тылсым да мағыналы құдірет жатқандығын аңдаған жан ғана түсінер. Өйткені бұл бала шәкірттің дана ұясынан жез қоңырау үнін соңғы рет есту сәті ғой. Солай десек, соңғы қоңырау балаң түлектің қимас көз жасы, солай десек, соңғы қоңырау талапты шәкірттің болашаққа деген іңкәр арманы, не дегенмен де ол шәкірттік өмірмен "қош - қош" айтқызып, азамат деп аталатын айбынды арғымақты ерттеп мінгізу. Қымбатты менің мектеп бітіруші құрбы - құрдастарым! Мінеки, біз үшін қоңыраудың сиқырлы да сазды әуені соңғы рет ән салмақ. Және ол ән барлығымызды сонымен бірге өмір деп аталатын алып күре жолдың төскейіне шығарып салар. Бізді қаншама жыл оқытып, білім берген, тәрбие берген аяулы ана мектебіміз бен құрметті ұстаздарымыз іштей тілектестік білдіріп, сәт - сапар тілеп қалар. Бәлкім, ұстаз көңiл толқыр және сол толқынысты сәтте де біздің барлығымыздың алдағы өмiр жолымызға жақсылық, тек қана жақсылықтар тілер. Құрметті менің құрбыларым, достарым, мінеки, сіздерге деген осынша құрметтің жанында жауапкершілік деп аталатын жүгі қомақты нәрсе де қатар жүргенін байқап отырған шығарсыздар. Қымбатты достар! Мен сіздерді бүгінгі мерекелеріңізбен шын жүректен құттықтай отырып, өмір деп аталатын алып күре жолда сүрінбеулеріңізге, тек қана сүрінбеулеріңізге тілектеспін. Тағдырларыңыз жұлдызды болып, арман деген асқар таудың биігінен көрініңіздер! Қадірлі ұстаздарымыз! Ал біз сіздер берген тәрбие мен тәлімді әр уақытта ұмытпаймыз. Сіздерден бөлініп ыстық ұядан ұшқан сәтте де, аяулы мектебіміздің атына кір келтіріп, дақ түсірмеуге, әр кезде де ақылшы серігіміз Ар деп аталатын айбынды қасиет боларына сіздерді сендіргіміз келеді. Біз сіздерге әрдайым да мықты денсаулық, отбасыларыңызға бақыт, еңбектеріңізге жеміс тілейміз. Барлық уақытта да шәкірттеріңіздің ыстық ықыласына бөленіп жүре беріңіздер! Мереке мерекеге ұлассын! Құрметті жас түлек! Сіздің бүгінгі өмір айдынына аттанғалы тұрған мерекелі күніңіз құтты болсын! Сізге тек қана мықты денсаулық, сәтті сапар, мерейлі мақсат тілейміз. Аспаныңыз ашық болсын! Мектеп әкімшілігі және мектеп ұжымы

Түлекке ата - анасының алғыс тілегі.
Құрметті ұстаздар, түлектер және ата - аналар, ең алдымен барлығыңызды да бүгінгі мерекелі күнмен құттықтап қоюға рұқсат етіңіздер! Мінеки, араға жылдар легін салып, кеше ғана бүлдіршін болып мектеп табалдырығын аттаған біздің ұл - қыздарымызды жүйрік уақыт түлек етіп ұясынан ұшырғалы отыр. Мектеп қашанда жақсылық пен ізгіліктің, парасаттылық пен руханиятқа толы ойдың, таным мен тәрбиелі істердің ордасы болған. Біздің перзенттеріміз де осында өткізген оқушылық өмірлерінде осындай ұлағатты істердің ұшқынын бойына сіңірді, тәлімімен жүрегін суарды, байыпты бағдарын бағыт етіп ұстанды, біліми көкжиегін бойына дарытты. Біз әр сәт, әр жылдар сайын олардың бойындағы осынау өміршең өзгерістерді байқап, олармен бірге қуандық, бірге мақтандық. Енді оларды өздерінің асыл ұясы - мектебі түлек етіп ұшырғалы отырған күннің де куәсі болдық, бойымызды тағы да ата - ана ретінде мақтаныш сезімі кернеп отыр. Бұл үшін мектеп анаға мың алғыс! Құрметті ұстаздар! Біздің бойымыздағы өз перзенттеріміздің қуанышынан туындап отырған сезімді Сіздер жақсы түсінесіздер. Өйткені Сіздер осыдан санаулы жылдар бұрын ғана мектеп есігін ашқан біздің көзіміздің ағы мен қарасындай перзенттеріміздің жақын адамына айнала біліп едіңіздер. Біз сіздерге сенім арттық. Сіздер әр кезде де біздің сүйікті ұл - қыздарымыздың болашағына бізбен қатар алаңдадыңыздар, сол болашақтың басты қаруы болып табылатын білім атты асыл күшті олардың бойына бүлдіршін кезінен бастап сіңіре білдіңіздер. Сіздер тәрбие мен имани құндылықтарға негізделмеген білімнің біржақты дүние боп қаларын жақсы білген едіңіздер, сондықтан да олардың бойына үнемі руханият пен ізгіліктің, адамгершілік пен адам болмысындағы ең асыл қасиет - ішкі мәдениеттің шамшырағын жағуға асықтыңыздар. Оларға өз мемлекеті мен қоғамын және де ғасырдан ғасырларға жалғасарлық бай мәдениет қалыптастырған өз ұлтын сүюді, қасиетті Тәуелсіздігін құрметтеуді үйрете алдыңыздар. Құрметті ұстаздар, біз осы жолда Сіздерге ешқашан да оңай болмағандығын жақсы түсінеміз. Сіздер осы бір қасиетті міндетті нақ осы заманғы өлшеусіз істерге толы, бүгінгі жаңалығы бір сәт уақыт өтпей - ақ "ескіріп" жататын XXI ғасыр қоғамында, жаңа ғасыр мектебінде еңбек етіп, атқарып отырсыздар. Сіздерге өздеріңізден бұрынғы заманның тамаша ұстаздары қалыптастырып кеткен лайықты тәжірибелерді үйрене отырып, уақыт ағымына жедел ілесе алу міндеті жүктелді. Сіздер шынында да тамаша дәстүр жалғастығын сақтай біліп, заманауи біліммен қаруланушылардың өз қоғамдарыңыздағы алғашқы легінде бола алдыңыздар, өз ғасырыңыздағы білім берудің соны тәсілдерін лайықты түрде бойға жинақтадыңыздар. Сіздердің осындай ұшан - теңіз еңбектеріңіз бен төгілген маңдай терлеріңіз болашақтың қарлығаштары - біздің сүйікті перзенттеріміз үшін атқарылғандығын біз жақсы түсінеміз. Осы үшін де Сіздерге мың алғыс, Ұстаз! Біз, бүгінгі ата - аналар, бір кезде өзіміз де шәкірт болдық. Өмір жолымыздың әрбір сәтінде білім алған ыстық ұямыз бен ардақты ұстаздарымыз туралы өз отбасымызда отырып, әрдайым да сыр ғып бөліскен едік. Енді біздің балаларымыз да өздерінің ата - аналары жүріп өткен нақ осы қасиетті де, дәстүрлі жолдың жалғастырушысы болмақ. Олар да өздерінің алдағы өмір жолында осынау алтын ұясы мен қадірлі ұстаздары жөнінде сан мәрте сағынышқа және мақтанышқа толы сезіммен естеріне алатын болады. Біз осыған сенеміз. Құрметті түлектер! Сендер біздің балаларымызсыңдар. Қазақта "айналайын" деген қасиетті де мағынаға толы жақсы сөз бар. Осынау ғажайып сөздің ішінде адами жүректің барлық ізгілігі мен мейірімі шүпілдеп тұнып тұрғандай. Бүгінгі қуанышты сәтте де өздеріңді оқытқан Ана мектептерің өз шәкірттеріне - түлектеріне дәл осындай мейіріммен қарап тұрған секілді. Енді ол өзінің қасиетті қоңырауын Сендер үшін ғана соңғы рет соқпақ. Бұл - өздерің үшін қағылар ең соңғы мектеп қоңырауы. Осы сезімге лайық болып өмір сүріңдер. Сәт - сапар! ]]> Дауыл Thu, 25 Jun 2026 00:03:24 +0500 https://bilimdiler.kz/oyin_sayk/bata/2842-mektep-bitirushi-tulekterge-ustazdarynyn-aytatyn-tilekteri.html https://bilimdiler.kz/oyin_sayk/bata/2842-mektep-bitirushi-tulekterge-ustazdarynyn-aytatyn-tilekteri.html
Мамырдың соңы – мамыражай мектеп маусымымен қоштасатын мезгіл.]]> Мамырдың соңы – мамыражай мектеп маусымымен қоштасатын мезгіл. Он бір жылдық алтын ұяны тәмамдап жатқан оқушылар үшін бұл соңғы қадам. Алдымызда мектеп бітіру құрметіне арналған салтанатты кеш күтіп тұр. Кеште қандай көйлек киіп шығатыныңызға да осы сайт ұжымы ақыл кеңесін аяп жатқан жоқ. Ал біз сол кеште айтылатын ақ тілектердің шоғырын ұсынуды жалғастырамыз. Жазбамыздың алдыңғы сандарында ата - аналардың мектеп бітіргелі жатқан балаларына айтатын тілектер тізбегін жариялағанбыз. Ал бүгінгі «сөз кезегін» ұстаздар қауымына берейік. Білім мен тәлімін аянбай оқушысының бойына сіңіруді кәсіп кеткен аяулы жандар қалайша ақтарылады екен?

Құрметті менің сүйікті оқушыларым! Әне - міне дегенше тарыдай болып кірген білім ордаларыңнан таудай болып қанат қағып ұшып бара жатырсыңдар! Қанаттарың талмасын! Он бір жылдық білімнің жемісін көріп, жеңісін бірге тойлаңдар. Қайда жүрсеңдер де бақыттың кемесінде, шаттықтың белесінде болыңдар! Көп жасаңдар!

Айналайын, жастар! Білімді қанша қазсаңдар да, түбіне жетіп болмайсыңдар! Сонда да білім мен өнер қуудан шаршамаңдар. Сендерді өсірген ата - аналарың мен ұлағатты ұстаздарыңның еңбегін елеусіз қалдырмай, саналы адам болып өсіңдер. Саналы ұрпақ тәрбиелеңдер!

Ардақты ата - аналар! Сіз бен бізді байланыстырып тұратын ортақ балаларымыз мектеп табалдырығын аттап болашақ қуып кетіп барады. Ұл - қыздарыңыз өздеріңіздей үлгі боларлық үлкен азамат болғай! Балапандарыңыз қайда жүрсе де жолдары болсын!

Қане, бәріміз бірге орнымыздан тұрып, шапалақты ұрып тұрып оқушылық ғұмырмен қоштасып тұрған мына жеткіншектерге шын жүректен ақ жол тілейікші! Пейілдері де, көңілдері де, істері де, жүректері де ақ болсын! Ақжол!

Құрметті ата - аналар, осы уақыт ішінде сіздердің балаларыңыз менің де перзентіме айналды. Мен де олардың белес аттап, бестікке іліну үшін сіздерден кем уайым жеген жоқпын. Олардың біз берген білімді ақтап шығуы үшін біздің де түн ұйқымыз бұзылды. Өйткені біз сіздердің ұл - қыздарыңыздың – мектептегі анасымыз! Ал ана деген өз баласына тек жақсылық тілейді емес пе? Балаларымыз аман болсыншы! ]]> Дауыл Mon, 18 May 2026 20:52:18 +0500 https://bilimdiler.kz/oyin_sayk/bata/2843-zhas-tulekterge-ata-analary-aytatyn-tilekter.html https://bilimdiler.kz/oyin_sayk/bata/2843-zhas-tulekterge-ata-analary-aytatyn-tilekter.html
Осы тілектердің жүректеріңізге жетіп, көңілдеріңізге қонғанын және орындалуын шын жүректен тілейміз.]]>
Біз бүгін мектеп бітіруші жас түлектер мен олардың ата - аналары және ұстаздарына арнап мектеп бітіру кешінде айтылатын еш жерде жарияланбаған авторлық тәтті тілектерді ұсынбақпыз.

Осы тілектердің жүректеріңізге жетіп, көңілдеріңізге қонғанын және орындалуын шын жүректен тілейміз. Тілектер тізбегін ең алдымен ата - аналардың мектеп бітіру кешінде өз балалары мен баласының сыныптастарына және олардың ұстаздары мен ата - аналарына арнап айтатын лебіздерімен бастағанды жөн көріп отырмыз.

Құрметті жас түлектер, айналайын алтындарым! Сендер, міне, өмірлеріңде әлі де көп кездесетін қиын - қиын белестердің бірінен аттап, болашаққа сәтті қадам бастыңдар. Осы қадамдарыңа құт қонсын! Сендер тайға мініп шапқанда үйде отырып тақымдарыңды қысып, уайымға салынған ата - аналарыңның үмітін әлі де ақтап, олардың алдындағы өмірлік парыздарыңды ұмытпаңдар, балаларым!

Жаным, балапаным, мен сенің әр қуанышың үшін бір жасап қаламын. Мен сенің әр жеңісің үшін балаша қуанамын. Өйткені, сенің біздің үмітімізді қашанда ақтауға күш - жігерің мен білімі - танымың жетеріне сенемін! Болашақтарың жарқын болсын!

Қарақтарым, сендер біз үшін әлі де баласыңдар! Міне, бүгін қанаттарың қатайып, салмақты өмірге аяқ басып барасыңдар! Мына өмір сендердің әке - шешелеріңдей маңдайларыңнан сипамайды. Сондықтан, әр қадамдарыңды ақылмен аңдап басыңдар!

Міне, сендер он бір жылдық мектеп өмірімен қоштасып жатырсыңдар. Сендер кетесіңдер, ұстаздарың осында қалады. Оларға өмір бойы қарыздар екендеріңді ұмытпаңдар. Олардың сендерді адам ету жолында бізден кем тер төкпегені бізге аян. Жүрген жерлеріңде ұстаздарыңның мерейін асқақтатып жүріңдер. Ұстаздар үшін мерейді асқақтату – олар берген білімнің жемісі мен жеңісін көрсету.

Менің балама әріп танытып, сауатын ашып, қанатын қатайтқан құрметті ұстаздар! Сіздердің алдарыңызда абыройларыңыз бен еңбектеріңізді шын сезініп, иіліп рақмет айтамын. Өйткені, сіздер төккен тер осыған лайық! Бала - шағаларыңыздың қызығын көріп, бақытты ғұмыр кешіңіздер!

Құрметті жас түлектер, бұл өмірде саналы ғұмыр сүріп, адамдармен тең дәрежеде болу үшін білімнің маңызы өте көп. Сендер он бір жыл бойы жүз пайыздық білімнің тек бір пайызын ғана меңгердіңдер, қалған тоқсан тоғыз пайызын сендерге жоғарғы оқу орындары мен өмірдің өзі үйретеді. Талпына беріңдер, қанаттарың талмай қалықтай беріңдер!

Құрметті балаларым, бітіруші түлектер, мектеппен қоштасу сәтіне де жеттіңдер, міне. Ертең бір - біріңді сағынасыңдар. Әрқайсың әр тарапқа тарап, елдің қамын ойлайтын ер азамат, өз ісін үздік меңгерген маман боларсыңдар деп сенемін. Он жылдан соң бас қосқанда бәрің бір - бір саланың тізгінін ұстаған нағыз маман иесі болып оралатындарыңа сенемін.

Құрметті түлектер, ең бастысы – денсаулық! Сондықтан, сөзімді осыдан бастайын да, сендерге білім мен бақытқа жету үшін зор денсаулық тілейін. Бір - біріңе деген бауырмалдық мен достыққа шаң бастырып, сызат түсіріп алмаңдар! Қайда жүрсеңдер де, аман болыңдар! Елге тиер пайдасы көп маман болыңдар!

Жаным, балам! Сенің білімге құштарлығыңа мен қашанда тәнтімін. Өмірге ғашық осындай қалпыңнан тайма! Күні - түні алған біліміңнің болашақта әперер асуы көп болсын!

Айналайын, еркетайым! Сенің балалық шағың осы мектептің қабырғасы мен өзің өскен үйде қалып қояды енді... Енді сен бой жетіп, болашақ атты пойызға мініп, жүргелі тұрсың. Саған денсаулық пен сәттілік және бақыт пен байлық тілеуден жалықпай, анаң екеуміз үйде тілеуіңді тілеп отырамыз.

Түлектер, жас талапкерлер! Сендер үшін нағыз өмірдің бастауы – осы. Енді сендер қабағы қатулы адамдары қарбаласқан өмірдің тұрмыстық тауқыметінен шыға алмайтын үлкен - үлкен қалаларға білім алуға аттанбақсыңдар. Қайда болсаңдар да, аман жүріңдер. Еліміздің өркендеуіне күш салатын мамандықтардың бірін дөңгелетіп әкетеді деген сенімдемін. Ауылға да жақсы мамандар керек екендігін есте сақтап, дипломмен туған жерлеріңе де оралу ойда болсын, қарақтарым! ]]> Дауыл Mon, 18 May 2026 20:51:41 +0500 https://bilimdiler.kz/oyin_sayk/kizikti/2280-1-mausym-halykaralyk-balalardy-korgau-kuni.html https://bilimdiler.kz/oyin_sayk/kizikti/2280-1-mausym-halykaralyk-balalardy-korgau-kuni.html 1925 жылдың 1 маусым күні Қытайдың АҚШ - тағы бас консулы Сан - Франциско қаласында «Айдаһар - қайық фестивалін» тойлау үшін жетім балаларды жинаған екен деседі.]]>
1925 жылы Швейцарияның Женева қаласында өткен Балалардың денсаулығы мен бейбіт өмір сүруі туралы әлемдік конференцияда атаулы күннің негізі қаланды десе де болады. Неге басқа емес, дәл 1 маусым күнінің таңдалғандығы жайында нақты мәлімет жоқ. Деректердің бірі 1925 жылдың 1 маусым күні Қытайдың АҚШ - тағы бас консулы Сан - Франциско қаласында «Айдаһар - қайық фестивалін» тойлау үшін жетім балаларды жинаған екен деседі. Женевада өткен конференция да 1 маусымда өткен. Екінші дүниежүзілік соғыстың салдарынан жетім қалған балалардың жайын 1949 жылы Парижде өткен әйелдер конгресінде көтерді. Осыған орай, келесі жылы 1950 жылы 1 маусымда алғаш рет мереке ұйымдастырады. Жаңа бастаманы көптеген елдер қолдап, осы күнді балалар мерекесіне айналдырды. Енді бір ресми деректерде Балалар күні алғаш рет 1955 жылдың қазан айында Женевадағы ”Балалардың әл - ауқаты халықаралық бірлігі” ұйымының ықпалымен дүние жүзі бойынша аталып өтті делінеді. 1954 жылы 20 қарашада БҰҰ - ның Бас Ассамблеясында Рубаб Мансурдың тарапынан балалар күнін атап өту бастамасы айтылады. Бұл бастама Бас Ассамблея қолдауымен БҰҰ - ға мүше елдерге ұсынылған.
Әлемнің көп елдері 1 маусымды Халықаралық балалар күні деп атап өтетіндігіне қарамастан, кейбір елдерде басқа күндері де мерекеленеді екен. ”Халықаралық балалар күні” Малайзияда қазан айының соңғы сенбісі күні, Оңтүстік Кореяда мен Жапонияда 5 мамыр күні, Сингапурда 1 қазан күні, Түркияда 23 сәуір күні тойланады. Ал Африкада балаларын қорғау күні 16 маусымға белгіленген.


Бақытты балалақ шақ сценарий қарау
Сәлем жарқын жаз сценарийін қарау
1 маусым – Халықаралық балаларды қорғау күніне арналған ойын-сауық "Жаздың хикаялары"
1 маусым - Балаларды қорғау күніне тақпақтар
1 маусым - Балаларды қорғау күніне құттықтау ]]> Дауыл Mon, 18 May 2026 20:51:24 +0500 https://bilimdiler.kz/oyin_sayk/bata/2306-1-mausym-balalardy-korgau-kunine-kuttyktau.html https://bilimdiler.kz/oyin_sayk/bata/2306-1-mausym-balalardy-korgau-kunine-kuttyktau.html
1 маусым - Балаларды қорғау күні құтты болсын!]]>
Сендерді 1 маусым "Балаларды қорғау" күнімен құттықтаймыз! Әр уақытта аспандарын ашық, дендері сау болып, Отанымыздың мақтанышы болуларына тілектеспіз!

Құрметті балалар, достар, ата - аналар! Сіздерді бүгінгі 1 - маусым балаларды қорғау күнімен құттықтаймын! Еліміздегі жас өскелең ұрпақ аман болсын! Жұртымыз, еліміз тыныш, деніміз сау, басымыз аман, жұмысымыз жемісті болсын!

Мектеп оқушыларын бүгінгі мерекелерімен құттықтаймын. Жас ұрпақ, жас буын, жасөспіріпдеріміз аман болсын. Елдің ертеңі болар сол жастарымыз бен балаларымыз! Сондықтан тағы да мереке құтты болсын!

1 маусым Балаларымызды қорғау күні құтты болсын! Балалар аман болсын, денсаулығы мықты болсын! Балалардың жолы ашық болып, ойлаған армандарына жетсін, біздердің қуанышымыз болсын! ]]> Дауыл Mon, 18 May 2026 20:51:03 +0500