Білімділер порталы - Последняя активность в Аспаздық, тағам жасау

Жауаптар: Торттың кремі

Sun, 06 Dec 2020 13:18:25 +0000

Тортқа арналған ең қарапайым крем түрлері

✅ 1. Классикалық крем

- 500 мл сүт

- 200 гр қант

- 1 шай қасық ванилин

- 50 гр ұн

- 4 шт жұмыртқа сарысы

Алдымен жұмыртқа сарысымен қантты шайқап, оған ұнды, ванилин қосып тағы шайқап аламыз.

Сүтті бөлек ыдысқа құйып, қайнағанға дейін отта ұстаймыз. Оттан алып, жұмыртқа қоспасының үстіне құямыз. Шыққан қоспаны отқа қойып, қою болғанға дейін қайнатамыз. Дайын!

✅ 2. Әмбебап майлы крем

- 200 гр сары май

- 4 жұмыртқа

- 200 гр қант

- 100 гр қант пудрасы

- ванилин

Құрғақ қазанға жұмыртқа мен қантты шайқап аламыз. Отқа қойып жылыта бастаймыз. Үнемі араластырып тұрамыз. Қою қоспа шығады. Оттан алып үстелге қоямыз. Қоспа суығанға дейін араластырамыз. Бөлек ыдысқа Сары маймен қант пудрасын шайқаймыз. Соған жұмыртқа қоспасын және ванилин қосамыз. Жақсылап араластырамыз. Дайын!

✅ 3. Крем сгущенкадан

- 200 гр сары май

- 100 гр сгущенка

- 2 жұмыртқа сарысы

- ванилин

Езіліп тұрған сары майды сгущенкамен шайқаймыз. Шайқап тұрып, бір бірден жұмыртқаны қосамыз. Соңында ванилин қосамыз. Дайын!

✅ 4. Оңай крем

- 1 банка сгущенка

- 200 гр сары май

Езіліп тұрған майды сгущенкамен жақсылап шайқаймыз. Дайын!

✅ 5. Жарма ұнтағынан крем

- 1/2 стакан сүт

- 1 ас қасық жарма ұнтағы

- 1 шай қасық қант

- 1/2 шай қасық сары май

- 1 жұмыртқа сарысы

- ванилин

Сүтті ванилинмен бір қайнатып аламыз. Жарма ұнтағын азғана сумен араластырып, қайнаған сүтке қосып, баяу отта қайнатамыз.

Жұмыртқа, қант, сары майды жақсылап шайқап аламыз. Жұмыртқа қоспасына аздап жылы жарма ботқасын қосып, тағы да жақсылап шайқаймыз. Дайын!

✅ 6. Сыр - крем "Маскарпоне"

- 200 гр сүзбе (творог)

- 200 мл кілегей(сливки)

Сүзбені ситодан өткізіп, майдалаймыз. Оған суық кілегейді құямыз. Миксермен крем шыққанға дейін жақсылап араластырамыз. Дайын!

✅ 7. Қайнатылған крем

- 2 жұмыртқа

- 200 гр қант

- ванилин

- 300 мл сүт

- 2 шай қасық еріген сары май

- 2 шай қасық ұн

Кастрюлде ұн мен жұмыртқаны шайқаймыз.

Басқа кастрюлде сүт пен қантты әрдайым араластырып тұрып қайнатамыз.

Сүтті жұмыртқа қоспасына құйып, қасықпен араластырамыз.

Шыққан кремді баяу отқа қойып, қою болғанға дейін араластырып тұрған күйде ұстаймыз. Тек қайнап кетуіне жол бермеңіз.

Кремді оттан түсіріп, ванилин мен Сары майды қосып, жақсылап араластырамыз. Тез суытуға тырысыңыз. Мұзға немесе суық суға салу керек. Дайын!

✅ 8. Бесминуттык крем

- 250 гр сары май

- 200 гр қант пудрасы

- 100 мл сүт

- ванилин

Сүтті қайнатып, шамамен 36 - 38 градуска дейін суытамыз. Барлық қажетті заттарды араластырып, крем шыққанға дейін шайқаймыз. (Кремді миксермен, болмаса қолмен шайканыз. Басқа нәрсемен шайқаманыз.) Дайын!

Ответ выбран: гмо дегеніміз не

Fri, 20 Nov 2020 12:32:00 +0000

Қарапайым тілде түсіндірер болсақ, ГМО бір организмнің гендік кодына екінші генді «қосу» дегенді білдіреді. Бұрындары ауылшаруашылығында өсімдіктерді өсіру барысында түрлі ауру тасымалдайтын құрт-құмырсқа мен арамшөптерден қорғану үшін арнайы химиялық дәрі-дәрмектер пайдаланылатын. Бұл тәжірибе қоршаған ортаның, аграрлық экожүйенің синтетикалық заттармен ластануына әкеп соқты. Аграрлық технологияларды дамыту үшін адамзат жаңа идеяларды ойлап табуға мәжбүр болды.

Алғаш рет ГМО-ны АҚШ ойлап тапқан екен.

Monsanto 100 жылдан бері гендік-модифицерленген организмдерді «дүниеге» әкелді. Тарихқа көз жүгіртсек, 1960 жылы АҚШ пен Вьетнам арасындағы соғыс барысында алып компания Agent Orange атты затты ойлап табады. Бұл организм ауада ату барысында ешқандай кедергі болмау үшін Вьетнам жеріндегі өсімдіктерді түгел жоюға бағытталған. Agent Orange затының құрамында түрлі ісік аурулары мен адам организмінің мутациясын тудыратын диоксин бар. 1961-1971 жылдар аралығында Вьетнам жеріне 72 миллион литр Agent Orange төгілген. Осының салдарынан миллиондаған вьетнамдық мерт болып, АҚШ әскерінің сарбаздары ісік аурулары мен белгісіз мутациялардың салдарынан көз жұмды.

ГМО-ға қарсылық

ГМО-мен күрес әлем елдерінде қарқынды түрде жүргізілуде. Табысы ұлғайған халық экологиялық таза азық-түлікті пайдаланғанды жөн санайды. Еуропада азық-түлікте ГМО 0,9 пайыздан, Жапонияда 5 пайыздан, ал АҚШ-та 10 пайыздан артық болмасын деген заң бар Кей мемлекеттер ГМО-дан бас тартып, ГМ-мәдениетінен азат аймақ құруға талпынуда. Бүгінгі күні әлемнің 35 мемлекетінде 1300 ГМО-дан азат аймақ бар. Еуропалық мемлекеттердің гендік-модифицерленген қоспалардан бас тартуына ауылшаруашылығы өнімдерінің генетикалық ластануы, экономикалық шығындар мен ГМ-өнімдерінің адам өміріне қауіп-тілігі түрткі болып отыр. Көршілес Украина да гендік қоспаларға тосқауыл қоюды көздейді. Тіпті «Украина аумағын гендік модифицерленген организмдерден азат деп жариялау туралы» заң жобасы дайындалған. Ал Ресейде кез келген азық-түлікті өндіруші немесе сырттан әкелуші компания құрамындағы ГМО қоспасы жөнінде ақпарат беруге міндетті. ГМО-ны бақылайтын заң Ресейде 10 жыл бойы жүзеге асып келеді. Мамандардың айтуынша, бүгінде Ресейде бірде-бір ГМ-өсімдік коммерциялық мақсатта өндірілмейді. Сондай-ақ елде қауіпсіздікті бақылауға жүргізілген зерттеулер 15 ГМО қоспасы бар өнімді тағам ретінде қолдануға рұқсат беріп отыр. Бүгінде Ресей өнімдеріне «Без ГМО» деген жазуы бар қағаздар жабыстырылған. 2008 жылы БҰҰ мен Әлемдік банк тұңғыш рет гендік модифицерленген технология саласындағы ірі бизнеске тосқауыл қоюды қолға алды.

Ал Қазақстанда...

Қазақстанда ел аумағында гендік модификацияға ұшыраған азық-түлікті бақылайтын «Гендік инженерия қызметін мемлекеттік бақылау» жөнінде заң жобасы құрылды. Ағымдағы жылдың наурызында аталмыш құжат Мәжілістің қарауына өтті. Заң жобасын Білім және ғылым министрлігі құрды. Әзірге елімізде гендік модификация қызметіне тоқсауыл қоятын заңнама жоқ. Кей мамандардың айтуынша, азық-тұлік қорабында ГМО қоспасы жөнінде ақпарат берілмегендіктен қазақстандықтар гендік өзгеріске ұшыраған өнімді шамадан тыс пайдаланады. Бұған елімізде трансгендік организмдерді анықтайтын арнайы лабораторияның жоқтығы сеп болып отыр. Егер жоғарыда аталған заң жобасы қабылданса, елімізде құрамында ГМО-сы бар балалар тағамы, өндіріске қажетті қоспаларды дайындауға, импорт пен экспортқа түбгейлі тыйым салынады. Қазақстанға тек мемлекеттік тіркеуден өткен ГМО-сы бар азық-түліктер ғана кіргізіледі.

Жауаптар: трансмайлар деген не?

Thu, 27 Dec 2018 02:29:44 +0000

Америкалық азық-түлік және дәрі-дәрмек бақылау орталғы (FDA) Америкада дайын азықтардағы транс май қолданымына тыйым салды. Оның артынша Еуропалық кардиология орталығы іске кірісіп Еуропада да осы мәселенің күн тәртібіне енуіне ат салысуда. Транс май дегеніміз табиғи өсімдік майларының сутегі газымен өңделіп химиялық құрамының өзгертілуі. Яғни бұлар толығымен синтетикалық, яғни жасанды майлар болып табылады. Қалыпты майлардың да (үйде де) тұрақты түрде жоғары температурада күйдірілуі, қуырылуы да транс май қалыптастырады. Бұл майлардың қолданылу себебі азықтардың бұзылмай, ұзақ мерзімге жарауы. Сондай-ақ ең басты себеп бағасының өте арзан болуы. Транс майдың зияндылығы соншалық тіпті микроптар одан қашады, оңайшылықпен тіршілік етіп, көбейе алмайды. Үйде пісірген тоқаш, бәліштеріңіз аз уақытта ескіріп, бұзылып кеткенімен, маркеттердегі бәліштердің қалайша бұзылмастан айлап, тіпті жылдап сақталатынын ойлап көріңіз. Бұл зиянды майлар ең көп поп корн, чипс, фри, бисквит, вафля, шоколад, кекс, тоңазытылған тағамдар, балмұздақ, дайын шұжықтар секілді т.б. азықтарда қолданылуда. Дәм беруі үшін кафе, дәмхана, кондитер өнімдерінде де қолданысқа ие. Аурулардың артуына басты себеп болатын осындай химиялық өңдеулерден өткен азықтар.

Бұлардың зияндары:

- Жаман холестеринді (LDL) арттырып тамыр қатаюына алып келеді.

- Жақсы холестерин деңгейін азайтады.

- Қанда триглицерид мөлшерін көбейтеді.

- Қант диабетіне себеп болуда.

- Жүрек ауруларына себеп болуда.

- Омега 3 май қышқылдарының қызметін бұзады.

- Жүктілік кезінде баланың дамуын тежейді.

- Аллергиялық реакцияларды қоздырады.

- Жасушаларда мутацияға себеп болады.

- Семіздікке себеп болуда.

Жауаптар: пахлава рецептін жазыңыздаршы

Mon, 15 Oct 2018 10:27:44 +0000

Бізге керегі:

Ұн – 500г
Ашытқы – 1/2шәй қасық
Жұмыртқа – 1дана
Сүт – 1ас қасық
Тұз – 0,5 шәй қасық
Жаңғақ – 300г
Қант – 200г
Май – 100г
Бал – 1ас қасық

Дайындалуы:
Ұн , ашытқы, сүт, жұмыртқа және тұз барлығын қосып, жақсылап қамыр илейміз. Қамырымызды 4 бөлікке бөлеміз.
Әр қамырымызды жұқалатып жаямыз да бетіне сары май жағамыз. Қамырымызды ораймыз да доңгелектеп тоңазтқышқа 3 сағатқа салып қоямыз.
Ішіндегі салмасына керекті жаңғағымызды блендрге салып майдалап аламыз.
Енді дайын қамырларымызды жаямыз. Пісіруге арналған ыдысымызды алып қамырымызды саламыз да бетіне майдаланған жаңғақтан саламыз. Дәл осылай қалған қамырымызды жайып жаңғақ салып , үшбұрыштап кесіп әр бөлікктің үстіне жаңғақ қойып пешке салып пісіруге саламыз15 минуттан соң пешті ашып пахлаваның бетіне ерітілген сары майдан құйып, қайта салып пісіреміз.
Балға аз мөлшерде су құйып, баяу отта қайнатып дайын пахлава бетіне құямыз да сіңгенше сәл уақытқа қойып қоямыз. Астарыңыз дәмді болсын!