Арайлы Алтын күз

Қызылорда облысы, Қазалы ауданы
Қазалы ауылы, №9 «Балауса» балабақшасы
Мектеп алды даярлық тобы тәрбиешісі
Шынар Мүберекова

(Топ бөлмесі мерекеге сай безендірілген)
Тәрбиеші: Құрметті ата - аналар, «Арайлы Алтын күз» атты мерекелік ертеңгілігіміздің қонақтары!
Баршаңызды Алтын күз мерекесімен құттықтаймыз. Биыл 2012 жылдың Арайлы Алтын күзі отбасыларыңызға береке, құт, ырыс әкелсін!
№ 9 «Балауса» балабақшасы «Балдырған» тобымен мерекелік ертеңгілігімізді ашуға рұқсат етіңіздер!

І. Көкөністер таласы
Қатысатындар:
Жуа
Қызанақ
Қияр
Қызылша
Сәбіз
Капуста
Картоп

Тәрбиеші: Қияр менен қызанақ
Жанжалдасып бір күні
Көкөністер арасында
Туғызыпты күңкілді
Көкөністер:
Арамызда біздің
Ең қадірлі кім?
Адамзатқа пайдалы
Қажеттіміз кім?
(осы кезде жуа жылап шығады)

Жуа: Арамызда достарым
Жасыл түсті баламын
Айтқаным егер болмаса
Жылатып өшті аламын.

Капуста: Маған да сөз берсейші
Борщ менен жасалар
Адамзатқа пайдалы
Еңбегім бар ақ адал

Қияр: Мен қиярмын, қиярмын
Мақтанбай қалай тұрармын
Сендерден бұрын мен пісіп
Дастарханда тұрармын

Қызылша: Мен әдемі қызылшамын
Қабыл ал менің сәлемім
Мақтанбай – ақ біледі
Мені барлық әлемің

Сәбіз: Дәруменнің өзімен
Адамзатқа пайдам көп
Мен кәдімгі сәбізбін
Бәріңнен де пайдам көп

Қызанақ: Көп сөйлеме сәбіз сен
Тоқтасаңшы азырақ
Мен тұрғанда мақтанба
Бұл мен көкең – қызанақ

Картоп: Таласпаймын ешкіммен
Өз орнымды білемін
Өйткені мен картоппын
Белгілі өзі – ақ керегім

Тәрбиеші: Тоқтатайық таласты
Керегі не жанжалдың
Адамзатқа пайдалы
Бәрің – бәрің қажетсің

(есік қағылып дәрігер Айболит кіреді)
Көкөністер: Саламатсыз ба дәрігер Айболит
Айболит: Аманбысыз, достарым
Бұл не тартыс, таластарың?
Тәрбиеші:
Бар ауруға ем болар
Дәрумен көп бойында
Көкөністің қайсысы
өте қажет адамға
дауымыз осы Айболит
Айболит:
Дені сау күшті болатын бала
Сүйіктісі көкөністер
Орның бөлек білсеңдер дара
Бәрің - бәрің керексіңдер
(ойланып қалады. Осы сендердің араларыңда кім науқас?)
Тәрбиеші: Жоқ дәрігер Айболит біз бәріміз саумыз!)
Айболит: Мүмкін мен адрестен жаңылған шығармын (менің көзілдірігім қайда мына қағазды оқимын)
Тәрбиеші: Дұрыс. Біздің балабақша, біздің топ. Сізге бұл шақыруды біз жібердік. Біздің ертеңгілігіміздің қонағы болсын деп дәрігер Айболит атай
Айболит: Ой, мен сондай қуаныштымын. Сендердің дендерің сау болса, онда мен сендермен біргемін. (төрге отырады)
Көкөністер биі.

Дамира: Қуандырып біздерді
Мерекелі күз келді
Кел, жемісті Алтын күз
Кемелденсін халқымыз

Айбек: Астық жеміс жиылды
Қамбамызға құйылды
Ардақты күз мың алғыс
Алдық өнім сыйыңды

Айжан: Көбейді құт береке
Астық толы қоймамыз
Құтты болсын мереке
Алтын күзді тойлаймыз

Хор. «Күз жомарт»

Тәрбиеші: Тобымыздан біз бүгін
Күз аруын таңдайық
Жеміс болып киінген
Аруды қарсы алайық
(ортаға жемістерді шақырамыз)
Алма Айзере:

Алма бақта алмамын
Өте тәтті бар дәмім
Алтын күздің сыйымын
Дәруменің бірімін

Алмұрт: Алмұрт деген жеміспін
Күз айында мен пістім
Дастарханның сәнімін
Мені сүйер бүлдіршін

Шие: Мен кәдімгі шиемін
Бәрінен ерте пісемін
Бау - бақшаның сәнімін
Өз орнымды білемін

Жүзім: Жүзім, жүзім, жүзіммін
Жемісіңмін күзіңнің
Мөлдіреген моншақтай
Сабағыма тізілдім.

ІІ бөлім. Өзін - өзі таныстыру

Айзере: Әнуарбек тегі Әлішер әкем аты
Қызымын отбасымның Айзере атты
Өнеге алдым Гүлмирадай анашымнан
Жасым менің алтыға аяқ басты.

Мейрамкүл: Мейрамкүл менің есімім
Аштым менде 6 жастың есігін
Айна анам тәрбиелеп өсірді
Шарапат тегі Қонақбайдың қызымын

Ақторғын: Атым менің Ақторғын
Малбике руым
Самұрат тегім сұрасаң
Ұлықпан, Маржан қызымын

Таңшолпан: Жақайымның Байбегі атым менің Таңшолпан
Сайлау атам ардақты, Сайлаукүл әжем салмақты
Тәлім алдым ұядан

ІІІ бөлім. (Қағаз бетіне жеміс пішінін жапсыру)

Бір топ бишілер грузин биі «Лезгинка»

ІУ бөлім. Өз өнерлерін көрсету
Айзере: Өзбек биі
Мейрамкүл: «Күз» өлең оқиды
Ақторғын: «Санамақ» жаттау
Таңшолпан: «Түрік биі»

У - бөлім (Жұмбақ шешу)
(әділ - қазылар бағаларын береді, номинация бойынша марапаттайды)
1. Алтын күз – Аруы
2. Алтын күз – Сұлуы
3. Алтын күз – Жанары
4. Алтын күз – Арайы

Хор: «Күз келгенде» әні

Тәрбиеші: Құрметті қонақтар!
Бүгінгі ертеңгілігімізді аяқтай отырып, қуанышпен кештің куәсі болғандарыңызға ризашылығымызды білдіреміз.

Бүлдіршіндерге:
Рахмет балалар өнеріңе
Уақыт өтпес тірліксіз
Бақыт келмес бірліксіз
Талмай еңбек етіңдер
Сабақтарды жақсы оқып
Қыстан аман өтіңдер!