Мерекелік ертеңгілік 9 - мамыр - Жеңіс күні!

Тәрбиешілер: Мубаракова Н. Н.
Елемесова А.

Мерекелік ертеңгілік
9 - мамыр - Жеңіс күні!
Тәрбиеші: Құрметті кішкентай бүлдіршіндер, апайлар және бүгінгі ертеңгілігіміздің қонақтары!
Сіздерді 9 - мамыр Ұлы Жеңістің –... жылдық мерекесімен құттықтаймыз! Аталарымыз бен әжелеріміздің ерлігімен келген бұл Жеңіс мерекесі ұрпағымыздың есінде мәңгі сақталады. Бүгінгі «Жұлдыз»сәбилер тобында өткізілгелі отырған ертеңгілігіміз Ұлы Жеңістің келбетін насихаттауға арналғандықтан «9 - мамыр - Жеңіс күні!» атты ертеңгілігімізді ашық деп жариялаймыз.

Тәрбиеші: Бүгін жеңіс күні – адамзат аңсап күткен күн, жеңістің туын тіккен - 1945 жылғы 9 мамыр азаттық күрестің айбынды күні.
Алақай – ай! Әйгілі!
Тоғызыншы май бүгін
Алғаш күні шаттықтың
Соңғы күні қайғының,- дегендей бүлдіршіндеріміздің жыр шумақтарын қабыл алыңыздар.

Айнара: Бар елге қымбат туыстық,
Баянды болсын тыныштық
Кәрімжан: Жеңіс келді далама,
Жеңіс келді қалама.

Алмат: Бір, екі, ұш
Бойға жинап күш.
Шынығамыз таңертең,
Солдат болам мен ертең.

Рома: Жеңіс күні құтты толсын,
Құтты болсын аталар
Тәрбиеші: Біздің Ұлы Жеңісіміз көктем боп,
Көңілдерге шұғыласын төккен көп.
Сонау жылы 9 май күні,
Алмастырған қуанышқа қайғыны,- дей келе келесі кезекте биге берейік

Би: «Ұландар»
Тәрбиеші: Бұл жеңіс оңайлықпен келген жоқ. Ұлы Отан соғысына қатысқан батырларымыз кімдер еді?
- Ә. Молдағұлова. М. Мәметова. Б. Момышұлы, Н. Әбдіров т. б
- Дұрыс айтасыңдар, балалар есімдері аңызға айналған ағаларымызды, әкелерімізді, аналарымызды, тарих бетінде «Батыр» деп жазып кетті. Батыр ағаларымыз бен апаларымыздың ерлігін ешкімде, ешқашан ұмытпақ емес. Олар еліміздің бақыты үшін, ерлікпен қаза тапқан. Келесі кезекті балалардың батыр аға - апаларына арналған өлең жолдарына кезек берейік.

Жанназар: Бауыржан атам ардақты,
Алды биік атақты.
Айзере: Мәншүк апай батыр қыз.
Ардақтаймыз атын біз.
Айсәуле: Ұқсап Мәншүк апайға
Өсіп келе жатырмыз
Тәрбиеші: Отаным еркелеймін енді кімге
Өзіңмен нені болса көрем бірге
Қалайша қабырғама батпас менің
Басына қатер болды төнген күнге,- дегендей Жеңіс атылған оқпен ғана келген жоқ, әнмен де келді. Жауынгерлерді ән алға жетеледі, жігерлендірді. Жаңа ерліктерге көтеріп, үлкен ұрыстарға жеңіс дабылын қақты. Ендеше келесі кезекті «Отан Ана» әніне берейік.
Келесі кезекті қыздардың орындауындағы биге кезек берейік.
Би: «Сарбаздар»
Келесі кезекте тақпаққа берсек:
Арнұр: Шекарада солдат тұр,
Ел бақытын қорғап тұр
Айлана: Елімізде жерімізде,
Бүгін үлкен мереке
Богдан: Болашақтың тыныштығын
Қорғайды жас ұландар
Зариф: Бейбітшілікке үнемі
Ән саламыз әдемі
Аида: Ұмытпайды ешқашанда
Жауынгерді балалар.

Тәрбиеші: Құрметті қонақтар мен апайлар бүгінгі «9 - мамыр - Жеңіс күні!» атты ертеңгілігімізді аяқтай отырып, баршаңызға бақыт, бірлік тілейміз. Әрқашан еліміз тыныш, бейбітшілік болсын! Елімізде Жеңіс туы ардайым желбіреп тұрсын!
Мерекелік ертеңгілік 9 - мамыр - Жеңіс күні! жүктеу