Солтүстік Американың халқы және саяси картасы, АҚШ

Сабақтың тақырыбы: Солтүстік Американың халқы және саяси картасы, АҚШ
Сабақтың мақсат - міндеттері:
А) білімділік: Оқушыларға Солтүстік Американың елдерімен халқын және Америка Құрама Штатының тарихы, құрылуы жайлы ұғымды қалыптастыру;
Ә) дамытушылық: Карта, атластар бойынша оқушылардың отын өнеркәсібінің дамуын, халықтың даму маңызын талдау, анықтау, Америка Құрама Штатының қалыптасу тарихын, картамен жұмыс істей білу қабілетін дамыту;
Б) тәрбиелік: Солтүстік Америка материгіндегі ел экономикасын дамытудағы рөлін, маңызын түсіндіру арқылы оқушының патриоттық сезімін ояту, пәнге деген қызығушылығын арттыру және экологиялық проблемаларды шешуге тәрбиелеу;
Сабақта қолданылатын педагогикалық технология:
Сабақтың типі: Аралас
Сабақтың түрі: Дәстүрлі
Сабақтың әдістері: Түсіндіру, баяндау, сұрақ – жауап
Сабақтың оқыту құралдары және көрнекілігі: Оқулық, Дүние жүзінің физикалық картасы, атлас, интерактивті тақта мүмкіндіктері
Сабақтың пәнаралық байланысы: Тарих

Сабақ барысы: Мұғалімнің қызметі
І. Ұйымдастыру бөлімі - амандасу;
- түгелдеу;
- оқушының назарын сабаққа аудару;
- оқу
құралдарының дайындығын тексеру
- амандасу;
- кезекшілік міндеттерін атқару;
- сабаққа дайындалу;

ІІ. Үй тапсырмасын тексеру
Электронды оқулықпен жұмыс
Сұрақ – жауап
1.“Су атасы” – деп қай өзенді атаған?
2. Маккензи қай алқапқа жатады?
3. Кордильераның шығыс жоталарынан басталып, биік таулы үстірттер арқылы ағып өтетін өзендерді ата?
4. Солтүстік Америкада орналасқан жер шарындағы ең ірі тұзды көлдердің бірі?
5. Ұлы көлдерді құрайтын көлдерді ата?
6. “Гүрілдеуік су” деген қандай сарқыраманың мағынасы?
7. Солтүстік Америка материгі су қоры жөнінен материктер арасында нешінші орынды алады?
8. Тынық мұхит алабына жататын басты өзендер?
9. Ұзындығы 3700 км болатын өзен?
10. Солтүстік Америка материгінде орналасқан суы өте лай өзенді ата?

Сәйкесін тап:
Өзеннің атауы ----------- Ұзындығы
Миссисипи --------------- 6420
Маккензи ----------------- 4250
Юкон ---------------------- 3700
Колорадо ------------------ 2740
Колумбия ----------------- 2250

ІІІ. Жаңа сабақ Солтүстік Американың халқы және саяси картасы, АҚШ
ІV. Жаңа материалды түсіндіру Жаңа ұғымға байланысты жұмыс Қазіргі АҚШ жерінде ежелден үнділер өмір сүрді. Христофор Колумб Американы ашқаннан кейін (1492 — 1503) 16 ғасырда Англия, Испания, Нидерланды, Франция, Швеция Солтүстік Американы отарлауға кірісті. 18 ғасырдың 60 - жылдарына қарай Англия Солтүстік Американы түгел дерлік басып алды. 17 ғасырдың басында Америкаға ауыр жұмыстарға пайдалану үшін Африкадан құлдар әкелу басталды. Отарлық қанаудың күшеюі тәуелсіздік жолындағы соғысты туғызды (1775 – 83). 1776 ж. 4 - шілдеде Тәуелсіздік декларациясы қабылданды, онда АҚШ - тың құрылғандығы жарияланды. 13 ағылшын отары бірігіп, дербес мемлекетке айналды, 1 - Америка - буржуазиялық революциясы деп аталған тәуелсіздік соғысында Англия жеңіліс тапты. 1783 ж. бітім шарты бойынша Англия АҚШ - тың тәуелсіздігін мойындады. 1787 ж. АҚШ Конституциясы қабылданып, елдің бірінші президенті болып Джордж Вашингтон сайланды. 1776 ж. құрлық аралық конгресс қабылдаған Тәуелсіздік декларациясы жобасының авторы, қоғам құрылысын демократияландыруға үлкен үлес қосқан Томас Джефферсон 1800, 1804 ж. АҚШ президенті болып сайланды. Ол түрлі әлеуметтік топтардың арасында мәмілеге келтіру саясатын жүргізді. Кейбір реакциялық заңдарды жойып, армияны, флотты, мемлекеттік аппаратты қысқартты. Ресеймен дипломатиялық қатынас орнатты. 19 ғасырдың 1 - жартысында АҚШ жері әжептәуір ұлғайды. 1803 ж. АҚШ Батыс Луизиананы, 1819 ж. Флориданы, 1867 ж. Алясканы қосып алды. 1823 ж. Монро доктринасы жарияланып, мұнда Америка және Еуропа бір - бірінің ішкі істеріне араласпауға тиісті деп көрсетілді. 1809 ж. елге құл әкелуге тыйым салынды. Алайда бұл іс жасырын түрде жалғаса берді. 1790 ж. АҚШ - та 760 мың зәңгі құл болса, 1860 ж. олар 4 млн - ға жетті. Ауыр езгіге және қорлауға шыдамаған құлдар көтерілістер жасады, солтүстікке қашты. Солтүстікте бірқатар штаттарда құлдық жойылды.