Бізбен байланыс
kum2017@yandex.ru
WhatsApp: +7 705 241 87 47


Денсаулық - зор байлық

18 сәуір 2014, Жұма
Категориясы: Бастауыш сынып
Денсаулық зор байлық
Мақсаты: 1) жас ұрпаққа адам денсаулығының қымбаттылығын, өмір сүру үшін қажеттілігін, бағалы байлық екендігін түсіндіру.
2) Қимыл - әрекетке жаттықтыру, еңбек етуге, елін, жерін қорғауға қажетті күш - қуатын молайту;
3) Дұрыс тамақтанудың денсаулық үшін маңыздылығын түсіндіру,
Тазалық және жеке бас гигиенасын, мәдени дағдыларын
Қалыптастыру.
Көрнекілігі: суреттер, кестелер.
Түрі: сұрақ - жауап, әңгіме.
Сынып сағатының барысы:
Ұйымдастыру.
Оқушыларды сынып сағатына ұйымдастыра отырып, сынып сағатының атымен, мақсатымен таныстыру.

Кіріспе.
Адамның дұрыс дамып, өсіп жетілуіне денсаулықтың маңызы зор. Бүгінгі өсіп келе жатқан жас ұрпақ келешек еліміздің азаматтары. Сондықтан өмірге келген әрбір адам өзінің денсаулығын күтіп, тазалықты сақтап, сол үшін күресе білуі қажет. Өмір сүру үшін адам денсаулығы қымбат. Денсаулықты күтіп, әр адам өзінің жеке бас тазалығын сақтай отырып, денесін шынықтырып, шымыр болуға талпынған жөн.

Сұрақ - жауап.
1. Астында шетелдік көлігі бар, бірақ ол адам қатты ауырады, - бақытты ма?
- Жоқ.
2. Миллиондаған ақшасы бар, бірақ ол адам ауырады, - бақытты ма?
- Жоқ.
3. Үш жерде үйі бар, бірақ ол адам ауырады, - бақытты ма?
- Жоқ.
- Неге олай ойлайсыңдар?
- Ол адам ауру, денсаулығы жоқ.
- сонда дүниедегі ең басты бақыт не екен? Әрине – Денсаулық.

Денсаулығы жоқ адамның өмірі мәнді болмайды. Оның байлығы, көп ақшасы, бірнеше үйі, машинасы болғаны неге керек? Денсаулығы болмаса. Сондықтан да балалар, сендер жаңа өсіп келе жатқан бұтақсыңдар, өз денсаулықтарыңды күте білу, тазалықты сақтай білу міндеттеріңіз.
Адам өмірі үшін бірінші байлық – денсаулық.
Денсаулық

● Табиғи күш
● дене шынықтыру
● тамақ
● тазалық

Нақыл сөздер.
Адамның денсаулығы туралы айтылған нақыл сөздердің маңызы зор.
- Денсаулық – зор байлық.
- Дені саудың – жаны сау.
- Батпайтын ас – жеген кісінің өзін жейді.
- Тазалық – саулық негізі,
Саулық – байлық негізі.

Сұрақ – жауап.
1. Ауруға арашашы кім? (дәрігерлер, мейірбикелер, халық емшілері)
2. Ауруға көмектесетін қандай орын. (емхана, аурухана)
Міне, дәрігерлер, мейірбикелер бірнеше жыл білім алып, күні – түні кезекпен жұмыс жасап, ауруға арашашы болу үшін еңбектенеді.

Өлең шумақтары:
1. Суық судың несі айып?
Шынығайық халайық.
Кеңестері айтылған
Денсаулыққа лайық.
2. Бұрын біздер ауырсақ,
Дәрігер қарар жанын сап.
Дәріханаға барамыз,
Дәрі сатып аламыз.
3. Тойып ішсең қаншама,
Ауырасың соншама
Асқазанды бүлдірсең,
Азылмас қанша күн жүрсең.
4. Ал, халайық, халайық.
Табиғатқа қарайық
Жер, су, ауа тазарса
Пайдалы екен бұл аса.

Қорытынды.
Шығыста: сау дене, азат ақыл, адал көңіл үшеуімен бақытты болады өмір деген нақыл сөз бар. Сол айтқандай дені сау, құрыш білекті, батыр жүректі, салауатты өмір салтын орнықтыруға дайын ұрпақ болып өсіңдер. Елбасы «2001 - 2005 жылдар аралығында дене тәрбиесі, спорт түрлерін дамыту» туралы Заңға қол қойды. Бұл – үкіметіміздің ұрпақ денсаулығын нығайтуға қатты көңіл бөліп отырғанның айғағы. Олай болса, деніміз сау, құрыш білекті, алып жүректі, қайсар да қайратты, ұқыпты да әдемі қазақ азаматы болу үшін өз денсаулығымызды күтуде күресе білейік
29 469
0
  • 20
1 дауыс


Жаңалықтар
Жаны саудың − тәні сау
Жаны саудың − тәні сау
Оқушылардың денсаулық құндылығы туралы түсініктерін кеңейту. Денсаулықтың адам өміріндегі маңыздылығын түсіндіру. Денсаулығын сақтай білу іскерлігін дамыту.
Денсаулық - зор байлық
Денсаулық - зор байлық
Жас ұрпаққа адам денсаулығының қымбаттылығын, өмір сүру үшін қажеттілігін, бағалы байлық кенін түсіндіру. Қимыл әрекетке жаттықтыру, еңбек етуге, елін, жерін қорғауға қажетті күш – қуатын молайту.
Денсаулықтың достары мен қастары
Денсаулықтың достары мен қастары
Ақтөбе облысы, Шалқар ауданы ГКС - 12 орта мектебінің бастауыш сынып мұғалімі Жайтакова Ботагөз Түлепкерейқызы
Денсаулық - зор байлық
Денсаулық - зор байлық
Маңғыстау облысы, Қарақия ауданы, Жетібай ауылы, №3орта мектептің бастауыш сынып мұғалімі Бердіғалиева Рауаш
Денсаулық – зор байлық
Денсаулық – зор байлық
ШҚО, Көкпекті ауданы, Көкжыра ауылы «Амангелді орта мектебі» КММ Бастауыш сынып мұғалімі Ошаева Айгуль Тлектесовна
Дені саудың-жаны сау
Дені саудың-жаны сау
Жас ұрпаққа адам денсаулығының қымбаттылығын, өмір сүру қажеттілігін, бағалы байлық екенін түсіндіру
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×