Латын әліпбиі - ХХІ ғасырдың ғылыми және білім беру тілінің негізі

Тақырыбы: «Латын әліпбиі - ХХІ ғасырдың ғылыми және білім беру тілінің негізі»
Мақсаты: "Рухани жаңғыруды" сипаттау, патриоттық сананы қалыптастыру. Таяу жылдарда атқарылатын қызметтер жайлы мәлімет беру. Латын әліпбиін меңгеруге шақыру. Рухани жаңғыру, латын әліпбиіне көшу – табысты ел болуымыздың кепілі екенін ұғындыру. Оқушылардың бойында ұлттық сананы ояту, жас ұрпақтың санасына, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру.
Оқыту нәтижесі: Латын әліпбиін үйренудің маңызын түсінеді.
Түйінді идея: «Латын әліпбиі - ХХІ ғасырдың ғылыми және білім беру тілінің негізі»

Мұғалімнің іс - әрекеті: Армысыздар, құрметті ұстаздар мен оқушылар! Бүгінгі ашық тәрбие сағатымызды ашық деп жариялаймыз. Қош келдіңіздер!
Мектеп қой еліміздің қаны, жаны,
Мектептен басталады бәрі - бәрі.
Бүгінгі салтанатты жиынында,
Шырқалсын Қазақстан әнұраны!
– ҚР - ның Мемлекеттік Әнұраны орындалады.

Таныстырылым:
Еліміз жаңа тарихи кезеңге аяқ басты. Біздің мақсатымыз айқын, бағытымыз белгілі, ол – әлемдегі ең дамыған 30 елдің қатарына қосылу. Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс.

Мұғалім: Асыға сәлем жолдап жүректен біз,
Құшақ жая Сіздерді қарсы аламыз!
Бүгінгі ашық тәрбие сағатында,
Бар өнерді тарту етіп ұсынамыз!
– 2 «Б» сынып оқушыларынан құралған «Болашақ ұландарын» қарсы алыңыздар!

Көрініс желісі: Атасы – Нұрсұлтан, әжесі – Айдана дастарқан басында шай ішіп отырады.
Әжесі: Шай ішіңіз, отағасы (самаурынмен кесеге шай құйып береді)
Атасы: Ой, рақме - е - ет, кемпір! Сүт қатқан шайың неткен дәмді еді!
Әжесі: Отағасы, немерелеріміз кешікті ғой, ә?!
Сол сәтте есіктен екі немересі қуана кіріп келеді:
Немерелері: Атау, әже! Біз «БЕС» алдық!
Әжесі: Айналып қана кетейін, құлыншықтарымнан! Қай пәннен? (таңғалып...)
Кәусар: Мен ағылшын тілінен!
Балым: Ал, мен орыс тілінен «5» алдым! (қуанышты көңіл - күймен ата - әжесін құшақтайды)
Кәусар: Roses are red,
Violets, a blue.
Sugar is sweet,
And so are you!

Балым: Я живу в Казахстане,
Я люблю свой край родной!
Он хорош зимой и летом,
Но особенно – весной!

Атасы: БӘ - РЕ - КЕЛ - ДІ - І! Бірің Асанәлі Әшімов сияқты актер, Сәуле Жанпейісова сияқты әнші, Ілия Жақанов сияқты композитор болсаңдар, біреуің Төлеу Үшқоңыров сияқты жазушы, бірің Бәкен Серікбаев сияқты саясаткер болыңдар!
Қане, алақандарыңды жайыңдар, бата берейін:
Бісміллә!
Балам, балам, балдай бол!
Асқаралы таудай бол!
Жайқалып өскен талдай бол!
Жемісі мол баудай бол!
ӘУМИН!!!
Әжесі: Отағасы, Шоқай Датқа кесенесіне бармағалы біраз болды - ау, ә?
Атасы: Дұрыс айтасың. Шахан ата кесенесіне де бір бару керек еді...
Немерелері: ӘУЛИЕ БҰЛАҚҚА БАРАЙЫҚШЫ!!!
Әжесі: Немере – балдан тәтті! Осылардың айтқаны бола қойсыншы?.. Мына жерді жинайық та, тұрайық.
Атасы: Жарайды, кеттік онда.

Мұғалім: Ән өнерін әнші жаны ұғады,
Талаптанған тек биікке шығады.
Ән өнері қанша қиын болса да,
Әуелетіп әнші ортаға шығады.
– Жолдыбай Даниярдың орындауында «Отаным» әнін қарсы алыңыз!

Мұғалім: Латын әліпбиі туралы, Отан туралы жаттауларға кезек берейік.
Барлығы хормен: Латынша үйренейік баба тілін,
Ғасырлардан сыр шерткен ғажап үні.
Рухым – өр, ұлтым да ұлық менің,
Өзің барда ғажап тілім – қазақ тілім!
Постер құрастыру
- Оқушылар, қалай ойлайсыңдар, латын әліпбиін не үшін меңгеруіміз керек?

- Компьютерді, техниканы меңгеру үшін
- Өзге елдердегі қандастарымызбен түсінісу үшін
- Дамыған елдердің қатарына қосылу үшін

Мұғалім: Отанды сүю – парызың,
Оны қорғау бұл – міндет!
«Рухани жаңғыру»
Бағдар сілтеп, жүр үндеп!

Білім салтанатын құрып, еліміздің дамуына үлес қосатын – сендерсіңдер, балалар! Болашақта кім болатындарыңды білейікші, қанекей.

Б - білімімді арнайтын -------------------- Қ - қазаққа қызмет ететін
О - Отанымды қорғайтын ----------------- А - арманына жететін
Л - лаңкестікті даттайтын ----------------- З - заңды жақсы білетін
А - адалдықты жақтайтын ----------------- А - алға қарай жүретін
Ш - шуағымды шашатын ------------------ Қ - қайырымды елімні
А - асулардан асатын ------------------------ С - салтанатты жерімнің
Ғ - ғарыш сырын меңгерген --------------- Т - толықтырам сенімін
Ы - ынтымақты тең көрген ----------------- А - абыройын, жігерін
М - менмендікті жек көрген --------------- Н - намысын қолдан бермейтін
! Мен боламын еңбекқор,
! Болашағы елімнің!
! Болашағы елімнің!

Жүргізуші: Міне, балалар, бүгін өздеріңді Тәуелсіз еліміздің болашағы екендеріңді, яғни, нағыз азамат екендіктеріңді көрсете білдіңдер. «Латын әліпбиі - ХХІ ғасырдың ғылыми және білім беру тілінің негізі» екенін ескере отырып, латын әліпбиін терең меңгерейік!

Жамбыл облысы,
Сарысу ауданы, Жаңатас қаласы,
Абылай хан атындағы орта мектептің 2 сынып жетекшісі
Алдажарова Акшолпан Абилхайыровна