Excel кестелік процессоры. Негізгі ұғымдар мен амалдар. Excel – де деректермен жұмыс істеу

Сабақтың тақырыбы: Excel кестелік процессоры. Негізгі ұғымдар мен амалдар. Excel – де деректермен жұмыс істеу.
Сабақ мақсаты:
1. Оқушыларды Excel – дегі негізгі ұғымдармен және амалдармен таныстыру. Жұмыстық кесте элементтерімен таныстыру. Жұмыстық беттермен әрекет жүргізуге, жұмыстық кесте беттері бойынша, жұмыстық кесте беттері арасында орын ауыстыруға, жұмыстық беттер қосуға, кесте таңбаларының аттарын өзгертуге, бағанның ені мен жолдың биіктігін өзгертуге үйрету. Excel – де деректермен жұмыс үйрету. Дерек енгізу, сақтау және қорғау операцияларымен таныстыру. Деректерді өңдеу формулаларын қолдануды үйрету.
2. Оқушылардың мәтінмен жұмыс кезінде білімдері мен біліктерін дамыту;
3. Оқушыларды ұйымшылдыққа, қызығушылыққа, еңбек сүйгiштiкке тәрбиелеу және эстетикалық тәрбие беру
Сабақтың типі: Практикум элементтері бар түсіндірмелі - көрнекілікті.

Білім мен білікке қойылатын талаптар
Оқушы білуі тиіс:
- Excel – дегі негізгі ұғымдар мен әрекеттерді;
- жұмыстық кесте элементтері;
- дерек енгізу, сақтау және қорғау операцияларын.

Оқушының меңгеруі тиіс білігі:
- жұмыстық беттермен әрекет жүргізуді;
- жұмыстық кестенің беті бойынша, жұмыстық кестенің беттері арасында орын ауыстыруды;
- жұмыстық беттер қосуды;
- кесте таңбаларының аттарын өзгертуді;
- бағанның ені мен жолдың биіктігін өзгертуді;
- дерек енгізуді, сақтауды және қорғауды;
- деректерді өңдеу үшін формулаларды қолдануды.

Сабақтың барысы: I. Ұйымдастыру кезеңі
II. Үй тапсырмасын тексеру
III. Жаңа тақырыпты түсіндіру

Кестелік процессор Excel деректермен әртүрлі амалдарды орындауға мүмкіндік береді:
Кестелерді құру және оларға ат беріп, дискіде сақтау.
Сақталынған кестелерді ашу және оларды жөндеу.
Кестеге қатар бағана немесе ұяшық қосу.
Кестеден қатарды, бағаны немесе ұяшықты өшіру.
Қатарлардың, бағаналардың немесе ұяшықтардың мазмұнын көшіру немесе жылжыту.
Өсу және кему реті бойынша ұяшықтардың мазмұнын сұрыптауға болады.
Қолданушының өзі құрастырған формулалар бойынша немесе кестелік процессорда бар дайын формулаларды қолданып есептеулер жүргізуге болады.
Кестенің деректері бойынша диаграмма құру және оларды кестеге кірістіру.
Кестеге графикалық объектілерді, стандартты суреттер кітапханасынан суретті кірістіру.
Кестелерді баспаға, яғни принтерге шығару.
Пуск Программы Microsoft Excel







Деректерді өңдеу формулалары
Сабақтың немесе үзіліс ұзақтығының өзгеруімен бірге қоңырау кестесінің ілесе өзгеретін электрондық вариантын құрыңдар.
Орындалу реті:
Ұяшықтарға мәтіндер енгізу: А1-ге - «Қоңырау кестесі»; В3-ке – «сабақтың басталуы»; С3-ке – «Сабақтың аяқталуы»; А4:А10-ға «1-сабақ», «2-сабақ», ...., «7-сабақ»; Е3-ке «Сабақтың ұзақтығы»; Е4-ке «Үзілістің ұзақтығы».
Бастапқы мәндерді енгізіңдер: В4 ұяшығына – 8:30; F3 ұяшығына – 0:45; F4-ке 0:10.
Қалған ұяшықтарға мынадай формула енгіземіз: Сабақтың аяқталуы: «Сабақтың басталуы» + «Сабақтың ұзақтығы» формуласымен есептеледі. Бұл үшін қандай формула жазу керек? - =B4+B3.
Қалған сабақтардың бәрінің басталуы алдыңғы сабақтың аяқталу уақыты мен үзіліс ұзақтығының қосындысы ретінде анықталады. В5 ұяшығына қандай формула жазылады? - =C4+F$4.
Енгізілген формулаларды ұяшықтардың сәйкес аймақтарына көшірмелеңдер, абсолюттік адрестеуді ұмытпаңдар.
Сөйтіп, сендерде мынадай кесте шығуы тиіс:
Қосымша тапсырмалар:
Қоңырау кестесі енгізілген ұяшықтары үшін шекараларын тағайындаңдар.
Сервис Параметры Вид Параметры окна Сетка ұяшықтары желісін ажыратыңдар.
WortArt объектісін дайындап, кестеге әсемдеп жазу жазыңдар.

IV. Жаңа тақырыпты бекіту
V. Қорытындылау
1) Үйге тапсырма
Excel кестелік процессоры. Негізгі ұғымдар мен амалдар.
Excel – де деректермен жұмыс істеу.
2) Оқушыларды бағалау