Бізбен байланыс
kum2017@yandex.ru
WhatsApp: +7 705 241 87 47


Күзгі кеш

14 желтоқсан 2013, Сенбі
Категориясы: Тәрбие сағаты
Оқушылар арасында өткізілген «Күзгі бал - 2012» байқауының жүрісі
Армысыздар ағайын, құрбы - құрдас!
Бармысыздар жанкүйер, әз - қауымдас!
Бүгінгі кеш әуенін біз бастайық
Сайыста көңілменен қол соғайық.
Біздерде ойын - сауық басталады,
Тамаша күй тартылып, ән салады.
Қошеметтеп, қол соғып отырайық
Ұмыттырар күн бойғы шаршағанды.

Құрметті ұстаздар және оқушылар! Бүгінгі «Күзгі бал - 2012» байқауына қош келдіңіздер!
Аққудай әдеміміз, сұлу жанбыз,
Әр үйде ататұғын жаңа таңбыз.
Жан мен тән сұлулығын тепе - тең ғып,
Бар елді өзімізге қаратамыз.
Ортаға қатысушы жұптарды шақырамыз.(музыканың сүйемелдеуімен ортаға қатысушы жұптар шақырылады)

Ерке өсіп, ең жайланған ұл мен қыз,
Асыға сәлем жолдап, жүректен біз.
Тәтті күй, асқақ ән мен әсем биді,
Сіздерге тарту етіп келіп тұрмыз.

Көп сөйлеп жан жобадан аспайық біз,
Қандай сайыс болса да қашпайық біз.
Ал, енді сіздер рұқсат етсеңіздер
Қанеки, жұптар сайысын бастайық біз.

Сайыс бағдарламасы 9 кезеңнен тұрады.
1. «Кел, танысайық» (өздерін таныстыруы)
2. «Викторина» (сұрақ - жауап)
3. «Сиамдық егіздер»(қағаздан белгілі бір өрнекті қию)
4. «Мәдениет» (мимикамен көрсету)
5. «Сұр мерген»
6. «Модельер»
7. «Бояулар сыры»
8. «Көңілді аспазшы»
9. Би өнері

Әділ қазылар алқасымен таныстыру (әр кезеңдердің арасында музыкалық сәлемдеме жолдауға болады)
Деген екен қазақ халқы «Сәлем - сөздің анасы»,
Біледі оны еңкейген қарт, еңбектеген баласы.
Амандасу - ізгіліктің, сыпайылықтың белгісі,
Сәлем достар? Амансың ба? Қалайсың? - дегендей

1 - кезең «Кел, танысайық» кезеңін бастаймыз Шарты: әр сыныптан қатысушы жұптар өздерін таныстырып шығады.
2 - кезең Сұрақ - жауап.
Шарты: 1мин. ішінде сұрақтарға жауап беру керек. Сұрақтар 5 - еуі математикалық есептер, 5 - еуі ауыз әдебиетінен үзінді, 5 - еуі қазақ тілінің теориясынан, 5 - еуі дүниетанымдық сұрақтар, 5 - еуі саяси сұрақтар, 5 - еуі тарихқа байланысты сұрақтар.

3 - кезең «Сиамдық егіздер»
Шарты: екі жұптың біреуінің оң, екіншісінің сол қолы байланады. Оң қолы бос оқушы қолына қайшы ұстайды, сол қолы бос оқушы қолына қағаз бетіне түсірілген өрнекті ұстайды. Екеуі бірігіп қағаздағы өрнекті қиып шығуы керек.

4 - кезең «Мәдениет»
Шарты: әр жұп әділқазылар алдындағы конверттегі тапсырмаларды ыммен (мимикамен) көрермендерге айтып жеткізуі керек. Тапсырмаға берілген сөйлемдер: Кешке мейрамханаға келіңізші. Ертең сабақ болмайды екен. Мен сіздің суретіңізді салғым келеді. Біз сіздерді жаңа жыл мерекесін қарсы алуға шақырамыз, т. б.

5 - кезең «Сұр мерген»
Шарты: Жұптардың қолдары байланады. Байланған қолдарымен себетке алманы лақтырып түсіруі керек.

6 - кезең «Модельер»
Шарты: қатысушыларға бірдей керекті нәрселер беріледі, солардан киім үлгісін құрастырып, ұсыну керек (7мин беріледі). Керекті заттар: орташа кастрөл, 3 түрлі лента, ойыншықтан босаған 25х40х40 көлемдегі қорап, қыстырғыштар, гүлдер, ремень, 1 бос қалта, қайшы, желімдегіш лента (скотч)

7 - кезең «Бояулар сыры»
Шарты: Екі ойыншының көздері байланып, қолдарына қарындаш пен бояулар беріледі. Екеуі бірігіп жеміс - жидектердің суретін салуы керек.( алма, алмұрт, қарбыз, лимон, т. б.)

8 - кезең «Көңілді аспазшы»
Шарты: жұптардың бірінің қолына картоп, екіншісінің қолына пияз беріледі. Картоптың сыртын үзбей тазалап, пиязды тазалап, жіңішкелеп сақиналап турау керек.

9 - кезең Би кезеңі
Шарты: әр жұп әр түрлі ұлттардың музыкасына би билейді.

Жеңіс пенен жеңілістен тұратын,
Өмір - күрес, жеткізе ме мұратың.
Жеңбедім, жеңілдім деп ренжімегін,
Қатысу да бір жеңіс, жан болсаң оны ұғатын

Қорытынды. Марапаттау.
«Қош» дейміз, әлі талай сайыстар бар,
Өнерлерің шыңдала берсін, қалыспаңдар.
Көрермендер көбейсін күннен - күнге
Келе берсін қонақтар ғарыштан да - деп «Күзгі бал - 2012» сайысын аяқтаймыз.
58 052
0
  • 0
0 дауыс


Жаңалықтар
Алтын күз
Алтын күз
Алтын Күз сайысына қатысушылардың арасынан Күз ханшайымын және Күз ханшасын анықтау. Күз айлары туралы білетіндерін ортаға сала отырып, оқушылардың сайысқа деген қызығушылығын, ынтасын арттыру.
Бұрымды қыз
Бұрымды қыз
Жамбыл облысы, Байзақ ауданы, Түймекент ауылы, Түймекент орта мектебінің технология пәні мұғалімі: Джумадилова Зура Адилхановна
Жігіт сұлтаны
Жігіт сұлтаны
Смадьярова Айгуль Ажагалиевна
Күзгі бал
Күзгі бал
Ақтөбе облысы, Шалқар қаласы №5 орта мектебінің аға тәлімгері Жайтакова Лаура Тулепкереевна
Жігіт сұлтаны
Жігіт сұлтаны
Шығыс Қазақстан облысы, Зайсан қаласы, Х. Мұстафина атындағы орта мектептің математика, информатика пәндері мұғалімі Хасенова Ләзат Каукенқызы
Алтын күз
Алтын күз
Атырау облысы, Қызылқоға ауданы, Тасшағыл орта мектебіінің бастауыш әдіс бірлестігінің жетекшісі Молдағалиева Бақтыгүл Тыныштыққызы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×