Microsoft Word мәтіндік редакторы

Информатика 5 сынып
Сабақтың тақырыбы: Microsoft Word экраны
Сабақтың мақсаты:
Білімділік: Оқушыларға MS Word мәтіндік редакторы, оны іске қосу және ондағы элементтермен қалай жұмыс істеу керек екендігін сипаттай отырып жалпы білім беру.
Дамытушылық: Оқушыларға MS Word мәтіндік редакторы тақырыбын түсіндіре отырып, олардың Word - ты іске қосып, ондағы элементтермен дұрыс жұмыс істей алу дағдыларын дамыту.
Тәрбиелік: Оқушылар компьютермен жұмыс істеу кезінде техникалық қауіпсіздік ережесін сақтауға, сыныпта тыныш отыруға тәрбиелеу.
Сабақтың түрі: Дәстүрлі
Сабақтың типі: Аралас
Әдісі: баяндау, көрсету, түсіндіру
Көрнекілігі: оқулық, компьютер, Microsoft Word процессоры
Техникалық жабдықталу: ДК

Сабақтың барысы:
І. Ұйымдастыру кезеңі.
ІІ. Үй тапсырмасын тексеру (тест алу)
ІІІ. Жаңа сабақты түсіндіру
Тест тапсырмасы:
1. Компьютерлік алфавит символдарының қандай да болсын тізбегі не деп аталады?
A. Мәтін
B. Жазу
C. Жол
2. Мәтіндік редактор пайдаланылып жасалған, ішінде алфавиттік, сандық, символдардан басқа, графиктік объектілермен мәтінді пішімдеу туралы басқарушы ақпараты бар файлды не деп атаймыз?
A. Мәтін
B. Мәтіндік процессор
C. Мәтіндік құжат
3. Магниттік дискіде мәтіндік құжат құруға, оны өңдеуге, құжат пішімін өзгертуге, басып шығаруға және т. б. Қолданылатын қолданбалы программа.
A. Мәтіндік редактор
B. Мәтіндік құжат
C. Мәтіндік процессор
4. Мәтіндік құжаттардың қандай түрлерін білесің?
A. Кәдімгі
B. Кестелік
C. Программалық
D. Барлығы
5. Басқа мәтіндермен графикалық, бейнелік, дыбыстық ақпаратпен мағыналық байланысын қамтитын мәтінді не деп атайды?
A. Кәдімгі мәтін
B. Кестелік мәтін
C. Гипермәтін
6. символдардан не құралады?
A. Сөз
B. Сөйлем
C. Жазу
7. Қандай пернені басу арқылы абзацқа түсе аламыз?
A. Shift
B. Tab
C. Ctrl
8. Жол мен бағанның қиылысуы нәтижесінде пайда болған объект не деп аталады?
A. Баған
B. кесте
C. Ұяшық
9. Кәдімгі мәтін қандай объектілерден тұрады?
A. Символ
B. Сөз
C. Жол, абзац, бет
D. Аталғандардың барлығы (Жауабы: А, С, А, D, C, A, B, C, D)

Microsoft Word мәтіндік редакторы дегеніміз не? Оны қалай іске қосу керек? Және оның элементтері қалай жұмыс істейді?
- Microsoft Word мәтіндік редакторын іске қосу үшін мынадай әрекеттерді орындаймыз. Пуск - программы - Microsoft Word
- Word қосымшасын іске қосқаннан кейін экранда мәтіндік редактордың стандартты терезесі пайда болады, онда құжаттың мәтінін бірден теруге болады.
- Терезе келесі элементтерден тұрады: тақырып жол, меню жолы, аспаптар панелі, пішімдеу панелі, сызғыш және мәтін енгізілетін терезенің жұмыс беті.
- Терезенің тақырыбында құжат атымен программаның аты көрсетіледі.
- Аспаптар панелінде ең жиі қолданылатын командаларды шақыруға арналған батырмалар бар. Қандай да бір батырманың міндетін білу үшін оған тышқанды орнатсақ, біраз уақыттан соң оның астыңғы жағында берілген батырманың қысқаша атауы көрсетілген шағын жақтау пайда болады. Батырманың атауы оның орындайтын функциясын көрсетеді.
- Терезедегі екінші панель – бұл Пішімдеу панелі. Онда да мәтінді пішімдеу командаларына жылдам шығу батырмалары бар.
- WordPad - тағы сияқты Word - та екі меңзер бар: кірістіру нүктесі және І меңзері.
- Кірістіру нүктесі – жыпықтап тұратын тік сызықша. Ол мәтінді енгізгенде символ қай жерде пайда болатынын көрсетеді.
- І меңзер – терезенің жұмыс аймағында маустың нұсқағышы І латын әріптің түрін, ал жұмыс бетінің сыртында маус нұсқағышының кәдімгі стандартты жебе түрінде болады.

IV Жаңа сабақты бекіту.
1) тапсырма: Сіздер бұл тапсырмада “Стандартты” және “Пішімдеу” аспаптары панелінің әр пиктограммасының тұсына оның міндетін жазасыңдар. Яғни компьютердегі MS Word терезесін ашып орындайсыздар.
Аспаптардың “Стандарттық” панелі
Құру
Болдырмау
Ашу
Қайталау
Сақтау
Кестелер және шекаралар
Басу
Кесте қосу
Алдын ала қарау
Excel кестесін қосу