Microsoft Word мәтіндік редакторына мәтін енгізу

Сабақтың тақырыбы: Microsoft Word мәтіндік редакторына мәтін енгізу
Сабақтың мақсат - міндеттері:
а) білімділік: Оқушыларға Microsoft Word мәтіндік редакторы туралы мағлұмат беру және мәтін енгізуді үйрету
ә) дамытушылық: Оқушылардың ойлау қабілеті мен қызығушылығын арттыру
б) тәрбиелік: Компьютерде мәтін тере білу дағдыларын қалыптастыру
Сабақтың типі: Аралас сабақ
Сабақтың түрі: Дәстүрлі
Сабақтың әдістері: Түсіндірмелі, сұрақ - жауап
Сабақтың оқыту құралдары және көрнекілігі: Оқулық, оқулық әдістемелігі, интерактивті тақта, слайд
Сабақтың пәнаралық байланысы: Қазақ тілі, әдебиет, математика

Сабақтың барысы
I. Ұйымдастыру бөлімі
- амандасу
- түгелдеу
- оқушының назарын сабаққа аудару
- оқу құралдарының дайындығын тексеру

ІІ. Үй тапсырмасын тексеру
«Кім білімді»
1. Microsoft Word мәтіндік редакторын қалай іске қосамыз?
2. Құжатты қалай сақтаймыз?
3. Сақталынған құжатты қалай ашамыз?
4. Microsoft Word мәтіндік редакторының терезе элементтерін ата
5. Мәтінді көшіру командасын ата
6. Microsoft Word мәтіндік редакторымен жұмыс аяқтаудың неше тәсілі бар?
1. Іске қосу - программалар - Microsoft Office - Microsoft Word
2. а) Файл - қалай сақтау керек - файл атын енгіземіз - ок батырмасын шертеміз
ә) Файл - сақтау
3. файл - ашу
4. тақырып жолы, мәзір қатары, құрал - саймандар қатары, сызғыш, жұмыс алаңы, қалып - күй жолы
5. көшіру - қою
6. үш тәсілі бар:
тақырып жолындағы жабу батырмасы
- файл - жабу
- Alt+F4

«Иә, жоқ» ойыны
І топ
Монитор компьютер құрылғысына жата ма?
Мәтін енгізу үшін әріптерді қолданамыз ба?
Пернетақта қағаз шығаратын құрылғы ма?
Кактусты компьютердің алдына қою зиян ба?
Microsoft Word стандартты программа ма?
ІІ топ
1. Жүйелік блоксыз жұмыс жасауға бола ма?
2. Вирус пайдалы ма?
3. Принтерсіз компьютермен жұмыс істеуге бола ма?
4. Модем негізгі құрылғыға жата ма?
5. Пернетақта енгізу құралы ма?

IІI. Жаңа материалды қабылдауға дайындық Оқушыларды жаңа сабаққа дайындау
IV. Жаңа материалды түсіндіру
а) жаңа ұғымға байланысты жұмыс
- Біз бүгін Microsoft Word мәтіндік редакторында мәтін теріп, оны әр түрлі пішімде өңдеуді үйренеміз.
Microsoft Word - бұл құжаттарды құру, қарап шығу, өзгерту және басып шығаруға арналған программа. Ол – мәтіндік және графикалық мәліметтерді өңдеу барысында жүзден аса операцияларды орындай алатын ең кең тараған мәтін редакторларының бірі.
Microsoft Word іске қосылған соң экранда 1 - құжат (документ) деген бос терезе пайда болады. Құжаттың бұлай аталу себебі Microsoft Word программасы іске кіріскен кезден бастап, бұл сіздің 1 - құжатыңыз болып саналады. Келесі құжат 2 - нөмірлі, онан кейін 3 - нөмірлі болып әрбір құжат нөмірі осылай өсіп отырады.