Балмұздақ. Жаңартылған бағдарлама бойынша

Сабақ жоспары
Тағам мен сусын 7 - сабақ
Тақырыбы: Балмұздақ
Оқу бағдарламасына сәйкес оқу мақсаттары 1. 1. 2. 1 Тыңдаған мәтін мазмұны бойынша мұғалімнің көмегімен сұрақтарға жауап беру, сәйкес сурет тыңдау. 1. 2. 4. 1. Шағын мәтінді қарапайым оқиғаларды мазмұндау
1. 3. 2. 1 Мәтіндегі таныс сөздердің мағынасын түсіну
1. 3. 5. 1. Мұғалімнің көмегімен иллюстрациялы шағын мәтіннен қажетті ақпаратты табу.
1. 5. 2. 2. Мұғалімнің көмегімен ә, ө, ү, ұ, і, ң, қ, ғ, һ, әріптері кездесетін сөздерді дұрыс айту және жазу.
Сабақтың мақсаты Барлық оқушылар:
Балмұздақтың қандай болатынын (дәмді, тәтті, суық) және өзінің балмұздақты жейтін/жемейтінін айта алады.
Оқушылардың басым бөлігі:
Тақырып көлемінде өзара сөйлесе алады Қазақ тіліне тән дыбыстар кездесетін сөздер қатарын дұрыс жаза алады.
Кейбір оқушылар:
Балалардың басқа да сүйікті тәттілерін атай алады, оларды сипаттай алады, сабақта үйренген құрылымдық үлгілерді өмірлік жағдаяттарда еркін қолдана алады.
Бағалау критерийі 1. Берілген түстерді ажыратады
2. Суреттер бойынша көрсете алады
3. Сөздердің мағынасын түсінеді.
4. Күнделікті өмірде қолданады

Дескриптор
- суреттерді ажыратады
- берілген заттарды ажыратады
- сөздердің мағынасын түсінеді
- сөз тіркестерін құрап айта алады

Сабақтың басы (2 - 5 минут)
(МК) Оқушылардың сабаққа дайындығын тексеру. Сабақтың басталуына жағымды ықпал ететін көңіл күй қалыптастыру. Сабақ мақсатымен таныстыру.
Сабақтың ортасы (6 - 40минут)
Мұғалім оқушылардың назарын 1 - тапсырмадағы сөйлеу үлгісіне аударады. Сөйлеу үлгісі бойынша дәмді, тәтті, суық, сөздерінің мағынасына түсіндіреді. Берілген үлгі бойынша оқушылар «Балмұздақ қандай болады?» деген сұрақпен танысады.
(Ұ) 2 - тапсырмада берілген сұраққа оқушылар өткен сұрақтар бойынша өз қалауымен (жеймін, жемеймін) жауап бере алады. Сұрақ: Сен балмұздақ жейсің бе?
(МК, Ұ) 3 - тапсырмадағы кесте бойынша оқушылар дәмді, тәтті, суық сөздерін қайталады. Оқушылар өз қалауы бойынша «Балмұздақ қандай болады?» деген сұраққа жауап береді.
(МК, Ұ) 4 - тапсырмадағы сөйлесу үлгілері бойынша оқушылар жұппен жұмыс істейді. Оқушылар сөйлесу үлгілерін тыңдайды, рөлге бөліп оқиды. Содан кейін осы үлгі бойынша өзара сөйлеседі. Оқушылар жеймін/жемеймін сөзін қайталайды, сондай - ақ өздерінің балмұздақты неге жейтін/ жемейтіндерін түсіндіре алуға жаттығады. Үлгі:
- Сен балмұздақ жейсің бе?
- Иә, мен балмұздақ жеймін. Балмұздақ тәтті.
- Сен балмұздақ жейсің бе?
- Жоқ, мен балмұздақ жемеймін. Балмұздақ суық.
(Т) Осы бөлім бойынша өткен сөздер арасынан қазақ тіліне тән дыбыстар кездесетін сөздер қатары іріктеліп алынады (өрік, алмұрт, қызанақ, қияр, ботқа, сүт, бауырсақ, балмұздақ.) Мұғалім оқушыларға осы сөздерден суреті берілген карточкалар таратады. Оқушылар2 - 3 топқа бөлініп жұмыс істейді. Топтық жұмысты екі түрлі өткізуге болады:
1) Оқушылар суреті бойынша сөздерді жазып шығады;
2) Оқушыларға осы сөздер жазылған парақ таратылады. Оқушылар тиісті әріптерді толықтырып жазып шығады. Мысалы:.. р.. к, алм.. рт...
(МК, Ұ) Дәптердегі тапсырмаларды орындау арқылы оқушылар оқулықпен жұмыс барысында алған білімдерін бекіте түседі.
(Ө). Қосымша тапсырма арқылы оқушылар сабаққа алған білімдерін бекіте түседі. Өз бетінше жұмыс істеуге дағдыланады.
Сондай - ақ АКТ - ні қолдана білу дағдыларын қалыптастырады.

Мектебі: №31 орта мектеп
Мұғалімнің аты - жөні: Молдабаева Сымбат Канатовна

Балмұздақ. Жаңартылған бағдарлама бойынша. жүктеу