Сынып математигі сайысы

Сынып математигі сайысы
Мақсаты:
Білімділік: Сайыс шартына сүйене отырып, оқушылардың жалпы білімдерін жетілдіру;
Дамытушылық: Ойлау қабілетін жетілдіру, есте сақтау қасиетін дамыту. Тез шешім қабылдай білуге, өз білімін көрсете алу қабілеттерін ашу;
Тәрбиелік: Пәнге деген қызығушылықтарын арттыру, оқушыларды ізденімпаздыққа, өз бетінше жұмыс жасауға тәрбиелеу.

Барысы:
Сынып оқушыларына төмендегі 5 сұрақ қойылады және сол сұраққа жауап берген оқушы әрі қарай сайыс шарттарына қатыса алады.
Сұрақтар:
1. Үшбұрыш дегеніміз не?
2. Санның кубы дегеніміз не?
3. Параллель түзулер дегеніміз не?
4. Көпмүше дегеніміз не?
5. Шеңбер дегеніміз не?
Осы 5 сұраққа жауап берген оқушыларымызды ортаға шақырамыз. Бұл оқушылар - сайысқа қатысушылар, яғни сайыскерлер.
Енді сайыс шарттарымен және сайыс сарапшыларымен таныс болайық:

Сайыс шарттары:
І. Жедел сұрақтар
ІІ. Алгебраға саяхат
ІІІ. Геометриялық ұғымдар
ІV. Математикалық аукцион
V. Формулалар әлемі
VІ. Қорытынды

І. Жедел сұрақтар
Мұнда 10 сұрақ қойылады, әр дұрыс жауап 1 ұпаймен бағаланады.
Ескерту: алғашқы екі турдан кейін ұпайы аз бір оқушы ойыннан шығарылады.

1. Санның 0 дәрежесі ------- 1
2. Теріс санның тақ дәрежесі --------- теріс сан
3. у=x2 функциясының графигі ----------- парабола
4. Санның 1 дәрежесі ------------ Сол санның өзіне тең
5. Көпмүшені көбейткіштерге жіктеудің тәсілдері нешеу? ------ 3
6. 900 - тан үлкен бұрыш? ----------- доғал
7. Үшбұрыштың тік бұрышына қарсы жатқан қабырға? ------- Гипотенуза
8. Үшбұрыштар теңдігінің неше белгісі бар? -------- 3
9. Хорда дегеніміз не? ----- Шеңбердің бойындағы кез келген екі нүктені қосатын кесінді
10. Шеңбердің екі радиусының арасындағы бұрыш? ------ Центрлік бұрыш

ІІ. Алгебраға саяхат
Әр дұрыс жауап 1 ұпай
1. Өрнекті дәреже түріне келтіріңіз: a3a4a6
А. a13 B. a12 C. a72
2. Ұқсас мүшелерін біріктіріңдер: 5x - 7xy+4xy
A. - 2xy B. 5x - 3xy C. 5x - 11xy
3. Көбейткіштерге жіктеңдер: 18pq3 - 9q4
A. 9p(q3 - 9) B. 9pq(2q - q3) C. 9q3(2p - q)
4. Көпмүше түріне келтіріңдер: (m+4) 2
A. m2+8m+16 B. m2 - 8m+16 C. m2+16m+8
5. Бөлшекті қысқартыңдар: 33y3/11ху
А. xy B. 3y2/х С. 3xy2
Енді ұпай саны аз оқушымызбен қоштасайық.

ІІІ. Геометриялық ұғымдар
1. Геометрияның негізгі ұғымдары (нүкте, түзу, жазықтық)
2. Бұрыштың биссектрисасы деген не? Бұрыштың төбесінен шығып, оны қақ бөлетін сәуле
3. Үшбұрыштың периметрі деген не? Оның қабырғаларының ұзындықтарының қосындысы
4. Үшбұрыштың қабырғаларының ұзындықтарына байланысты түрлері? Әр түрлі қабырғалы, тең бүйірлі, тең қабырғалы
5. Тікбұрышты үшбұрыштың тік бұрыш жасап тұрған қабырғалары не деп аталады? Катеттері
6. Түзу мен шеңбердің өзара орналасу жағдайлары? 3

Аз ұпай жинаған 1 оқушы ойыннан шығарылады.

ІV. Математикалық аукцион
(Кім көп ұпай тіксе, сұрақ соған сатылады, егер жауап бере алмаса, қарсыласына мүмкіндік бар)
1. Екі өрнектің қосындысының квадраты неге тең?
2. Екі нүкте арқылы неше түзу жүргізуге болады?
3. Көпмүшені көпмүшеге қалай көбейтеміз?
4. Графигі кубтық парабола болатын функция?
5. Үшбұрыштың ішкі бұрыштарының қосындысы?
6. Шеңбермен бір ғана ортақ нүктесі болатын түзу?
7. Үшбұрышқа сырттай сызылған шеңбер дегеніміз не?
8. 20+21 - 21
Аз ұпай жинаған 1 оқушы ойыннан шығарылады.

V. Формулалар әлемі
Көп ұпай жинаған екі оқушы өздерінің білетін формулаларын жазып, сарапшыларға өткізеді.
VІ. Қорытынды
Сарапшылар «Сынып математигін» анықтап, оқушыларды марапаттайды.