Бізбен байланыс
kum2017@yandex.ru
WhatsApp: +7 705 241 87 47


Кел, кел, жаңа жыл

03 желтоқсан 2021, Жұма
Категориясы: Тәрбие сағаты
І сәбилер «Балапан» тобы «Кел, кел, жаңа жыл» атты ертеңгіліктің сценарийі
Зал мерекеге сай безендірілген. Ортада әсем шырша. Музыкамен балалар залға кіреді.

Жүргізуші:
Жаңа жылдың таңы неткен арайлы,
Ақ мамыққа бөлеп алды маңайды.
Жаңа жылмен құттықтаймын деген үн
Қанаттана кең алқапқа тарайды.
Жасыл желек жамылған,
Асыл моншақ тағынған.
Міне сұлу шыршамыз,
Көптен күтіп сағынған.
Кел, балалар, келіңдер,
Тамашаны көріңдер.

Балалар, қараңдаршы, зал қандай әсем безендірілген! Ортада шыршамыз тұр. Айтыңдаршы, балалар, шырша қандай? Үлкен бе, кішкентай ма?
Балалар: Үлкен.
Жүргізуші: Шыршамыз үлкен де әдемі екен. Ал шыршада нелер ілулі тұр?
Балалар: Ойыншықтар.
Жүргізуші: Өте дұрыс айтасыңдар. Балалар, тыңдаңдаршы! Бір дыбыс естіледі. (Музыкамен ақшақар кіреді).
Ақшақар: Армысың ата - аналар,
Бармысыңдар балалар.
Адал ниет, ақ тілек,
Аппақ қардан таралар.

Сезді менің жүрегім,
Күттіңдер бізді білемін.
Алып келген алыс жерден
Аяз ата – тірегім.

Бақыт келсін әр үйге,
Әніңді сал, би биле.
Көңілдерді керемет,
Бөлеңдерші бір күйге.

Сәлеметсіңдер ме, балалар! Ой, шыршаларың қандай керемет! Бірақ шыршаға бірдеңе жетіспей тұрғаны?! АААА Шыршаның шамы жағылмаған екен ғой, кәне онда шыршаның шамын жағайық. Ол үшін біз бәріміз бірдей
«Шырша, шырша, таңырқат
Шамдарыңды жарқырат»,- деп айтайық.(сиқырлы таяқпен шыршаның шамын жағады).
Ақшақар:
Далада қар борайды
Ақ мамыққа орайды.
Мұз болады, қатады,
Жып - жылтыр боп жатады.
Аралайды бақшаны,
Үзілмейді жақсы әні.
Жауса жаусын, ақша қар,
Гүлдене бер бақшалар. (Қар жауғызу).

Жүргізуші: Ақшақар, біздің қыздарымыздың сізге арнаған биін тамашалап көрейік.
Би: «Ақшақарлар биі».
Осы кезде шал кіреді.
Шал: Сәлеметсіңдер ме, балалар, аса қадірменді қонақтар! Мен бір әдемі жерге келгендеймін?! Шыршаларың қандай тамаша! Бірақ менің қарным қатты ашып тұр. Менің кемпірімді көрген жан бар ма? Кемпірім, кемпірім, маған тездетіп бауырсақ пісіріп берші, шыдай алар емеспін!
Кемпір: Үйде ұн жоқ, дала болса суық, енді саған не берсем екен?
Шал: Қамбаны қара,
Қалған ұнды жина,
Оны қаймаққа шыла да, маған балдай тәтті бауырсақ пісіріп берші!
Кемпір: Жарайды, қоймадың ғой.
Шал: Кемпірім – ау бауырсағың не болды?
Кемпір: Көп бауырсақ пісіріп, терезенің алдына суытып қойдым.
Шал: Жарайсың кемпірім! Қарнымыз бір тоятын болды ғой, мына күннің аязында.
(Сол кезде балалар шыршаны айналып тұра қалады. Шал мен кемпір бауырсақтарды іздеп, таппай қалады).
Аю: ООО ууу мында не деген сап - сары бауырсақтар! Аязда қарным ашып келе жатқанда жақсы болды ғой. Тәп - тәтті бауырсақтар, бауырсақтар, мен сендерді жеймін.
Жүргізуші: Аю атай, сәл сабыр етіп, менің бауырсақтарымды жемес бұрын, алдымен өнерлерін тамашалап көріңіз.
Аю: Ондай өнерлерің болса тамашалайық.
Ән: «Шырша әні»

Алматы қаласы, Алмалы ауданы,
№12 балабақша тәрбиешісі: Сарыбаева С. Ш.

Толық нұсқасын жүктеу
6 696
0
  • 0
0 дауыс
Жаңалықтар
Жарқыра шыршамыз, жарқыра!
Жарқыра шыршамыз, жарқыра!
Балалар біз жаңа жыл мерекесіне келдік. Жаңа жыл мерекесі Аяз атамен Ақшақарсыз қалай өтеді. Балалар мен біреудің даусын естіген сияқтымын. Ақшақар билеп кіреді.
Жарқыра шырша
Жарқыра шырша
Құрметті ата - аналар, қонақтар! Жаңа жылыңыз құтты болсын! Жаңа жылға арналған «Жарқыра шырша» атты ертеңгілігімізді қабыл алыңыздар.
Қош келдің, Жаңа жыл!
Қош келдің, Жаңа жыл!
Жаңа жылдың таңы неткен арайлы Ақ мамыққа бөлеп алды маңайды Жаңа жылмен құттықтаймын бәріңді Бақыт, шаттық, молшылық әкелсін
Ертеңгілік «Жаңа Жыл»
Ертеңгілік «Жаңа Жыл»
Жаңа жыл, жаңа жыр Жаңа жылда жаңа жыр Жасыл шырша жанында Жадырап барлық бала жүр.
Қош келдің, жаңа жыл!
Қош келдің, жаңа жыл!
Балаларға «Жаңа жыл» мерекесін дәстүрлі емес жолмен мерекені өткізуге үйрету. Жаңа жыл туралы тақпақтарды айтқыза отырып, олардың өткен жыл мен келер жыл туралы білімдерін тиянақтау. Ұқыптылыққа, тазалыққа, жауапкершілікке, көпшілік ортада тәртіпті,
Жаңа жыл жаңа бақыт
Жаңа жыл жаңа бақыт
Жаңа жылдың таңы неткен арайлы, Ақ мамыққа бөлеп алды маңайды. Жаңа жылмен құттықтаймын бәрінді, Бақыт, шаттық, молшылық пен тыныштық, Бәрімізге әкелсін мына арай жыл.
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×